Баярын дараа дахиад л баяр залгав. Удахгүй болох Олон улсын эмэгтэйчүүдийн баярт зориулан олон уран бүтээлчид тоглолт зохион байгуулахаар зэхэж байгаа бол УДЭТ-ын хамт олон “Домогт Ану хатан” жүжгээр бэлэг барих гэнэ. Зохиолч Б.Шүүдэрцэцэгийн энэхүү жүжиг өнгөрсөн онд УДЭТ-ын тайзнаа анх тоглогдож, олны анхаарлыг татаж байсан билээ. Ану хатны дүрд залуу жүжигчин Ц.Баясгалан тоглосон юм. Тэгвэл тус хамт олон энэ сарын 18-нд болох Цэргийн баярыг тохиолдуулан “Тэнгэрийн хүү” жүжгээ дахин амилуулах гэж байна. Б.Цогнэмэхийн дуулиант бүтээлийн гол дүрд МУГЖ Б.Жаргалсайхан, залуу жүжигчин СТА Г.Эрдэнэбилэг нар тоглосон юм. Энэ сард “Домогт Ану хатан” дөрвөн удаа, “Тэнгэрийн хүү” найман удаа тоглогдох юм байна. Г.Хүслэн
