Б. Бат-Эрдэнэ
Редактор

Тууз хайчлах журам баталъя

2015 оны 8 сарын 62015-08-06

 

- Хашаандаа шинэ амбаар барьж дуусмагцаа тууз хайчлах ёслол үйлдэж, банзан гитараа бариад гэрийнхэндээ дуу дуулж өглөө. За бараг л хошин шог -

3bc32702-d9b1-448a-b11f-0fa622ea3a5f,66069-1112b530-457f-11e5-bc0a-1314c8008624.jpg.jpgМонголын эдийн засгийг үүрч яваа Эрдэнэт үйлдвэр гэхэд л нээлтийн ёслолд нь хоёрхон хүн тууз хайчилж байж. Гэтэл өдгөө бид цэцэрлэг, сургууль, эмнэлгийн тасаг гээд шинээр баригдсан л бол жижиг том хамаагүй гүйж очоод, хэдэн дарга нар тууз хайчилдаг эмгэгтэй нүүр тулж байх шиг байна. Өчигдөр Төв замыг нээж тууз хайчилсан нь хамгийн сүүлийн жишээ.

Маасайтал инээсэн дарга нар гартаа цагаан бээлий углаж, охидуудаар хайч зөөлгүүлж аваад, хайчилсан туузаа өргөж камерийн өмнөөс инээх нь тууз хайчлах ёслолын ерөнхий дүр төрх. Сүүлийн үед улам боловсронгуй болоод, морин хуурын аялгуу, уртын дуу хөөмийчийн номер, элдэв хамтлагийн урлагийн гараагаар урын сангаа нэмсэн харагдана лээ.

Өнгөрсөн онд гэхэд л 100 км замыг нээж, хоёр дарга хоёр удаа тууз хайчлах ёслол зохион байгуулсан тохиолдол гарч билээ. Хамгийн инээдтэй тохиолдол нь Төв номын сангийн автобусны буудлыг буулгаж шинээр бариад, түүнийгээ нээж тууз хайчлаад, хэд хэдэн хамтлаг ирж дуулж байсан нь санаанаас гардаггүй. Автобусны буудал барьсны төлөө дарга нар тууз хайчилж хамтлаг дуучдыг авчирж болоод байхад эгэл жирийн иргэд бид амбаараа барьж дуусаад тууз хайчилж яагаад болохгүй гэж.

Ингэхэд ер нь тууз хайчлах хууль журам баталж болдоггүй л юм байх даа. Жишээлбэл, тууз хайчилж буй барилга байгууламж хичнээн хүнийг ажлын байртай болгох, хичнээн төгрөгийн зардлаар босч байгаа зэргээс шалтгаалж аль шатны дарга, хэдэн хүн тууз хайчлахыг тогтоож болмоор ч юм шиг санагдах юм...

 

 

Санал болгох

Зуун арван жилийн өмнө “Монголын сонин бичиг”-ээс сануулсан  “зөөлнөөр улируулах арга”

1909 оноос хэвлэгдсэн “Монголын сонин бичиг” дөрөвдэх засаглалын үүргээ амжилттай гүйцэтгэж, Сандоо амбаны үйл хэрэг, үг хэл, гаргасан тушаал сэлтийг нэгд нэгэнгүй сурвалжлан шүүмжилж, олонд таниулж байсан тухай миний бие өмнө нэг өгүүлэл бичсэн билээ.

1 сарын өмнө
Ухамсрын төвшинд тэнэг үйлдэл

Си Зиньпингийн хэлсэн үгийг бүрэн эхээр нь орчуулан хүргэж байна. Та бүхэн уншиж үзээд нэгийг бодож хоёрыг санана буй за.

1 сарын өмнө
Өвөр Монголоос мэдээлж байна

Үүнээс өмнө хэзээ ч сошал дээр ийм олон цэвэр монголоор бичсэн бөгөөд ярьсан постуудыг нэгэн зэрэг харж байгаагүй...

1 сарын өмнө
Замын эвдрэлээс болж хагарсан дугуйгаа улсаар төлүүлсэн цадиг

Нэг дугуй хагарлаа. За яахав гээд запасаа тавив. Хэсэг явж байгаад дахиад нэг дугуй. Нэг бүрийг нь 500 мянгаар авсан юмсан. Хоёр дугуй хажуу бөөрөөрөө язарсан байгаа юм.

1 сарын өмнө