Улаанбадрахын ундны усны гамшиг

2014 оны 2 сарын 82014-02-08
14d1a229-60b6-4722-a7c2-b5168c79955a,66832-65286f20-457f-11e5-bc0a-1314c8008624.jpg.jpg-“Кожеговь” компанийнхан хайгуулын талбай дахь айлуудыг нүүлгэж худаг гаргаж өгчээ-

“Арева”-гийн охин компани болох “Кожеговь” Дорноговь аймагт ураны хайгуул хийж, туршилтын шар нунтаг олборлосноос иргэд, иргэний нийгмийн байгууллагын эсэргүүцэлтэй тулсаар байгаа. 2012 оны сүүлчээр малчин Д.Норсүрэнгийн тугалууд хорогдож эхэлсэн нь эдүгээ аль аль талынх нь санал нэгдэхгүй байгаа асуудлын эхлэл болсон юм. Гэхдээ зөвхөн Д.Норсүрэн гуайн 20 тугалаар зогсоогүй, “Кожеговь” компанийн хайгуулын бүсэд амьдардаг олон малчны хотонд гажиг төл гарах, малын нүд өвдөх тохиолдол хэвийн үзэгдэл болсныг малчид хэлсээр байгаа юм. Мал хордсоны шалтгаан нь ундны усны бохирдол гэдэг. Улаанбадрах суманд хайгуулын лиценз эзэмшээд 10 гаруй жил болж буй “Кожеговь”-ийн өрөмдлөгийн цооногийн тоо тоолж барагдахгүй. Дулаан-Уулын ордод гэхэд 1000 гаруй цооног гаргасан байдаг. Дорноговь аймгийн ИТХ-аар мал хорогдсон шалтгаан тодорхой болтол 2013 оны долдугаар сарын 31-ний өдрөөс эхлэн үйл ажиллагааг нь зогсоосон гэдэг. Гэвч “Кожеговь” хориотой байх хугацаанд ажлаа үргэлжлүүлж хоёр сарын дотор 100 гаруй цооног өрөмдсөн байдаг аж. Энэ хугацаанд багаар бодоход 3000 гаруй цооног гаргаж хайгуул хийсэн гэх албан бус тоо байна. Энэхүү үйл ажиллагааны явцад “Кожеговь” компани 2011 оны арванхоёрдугаар сараас 2012 оны тавдугаар сард Улаанбадрахад хайгуулын нөөц тогтоох зорилгоор 2.8 тонн шар нунтаг олборлосон. Энэ үеэр гүний ус бохирдсон гэж иргэний нийгмийн байгууллагууд үздэг аж. Өөрөөр хэлбэл, шар нунтаг олборлох үедээ хүхрийн хүчлийг газрын гүнд оруулж уран олборлосон. Энэ үед ураныг барьж байсан хүнд “эзэнгүй” болж илүүдэл бодисуудын хамт ямар ч хяналтгүйгээр газрын хөрсөнд алдагдсан гэж үздэг. Ундны ус бохирдсон үед мал олноороо хордох эрсдэл яах аргагүй бий болно. Үүнийг “Кожеговь” мэдээж эсэргүүцдэг. Гэвч “Кожеговь” иргэний нийгмийн байгууллагуудын тайлбарууд аль нь ч шинжилгээгээр нотлогдоогүй. Харин эргэлзээ төрүүлэх нэг зүйл бий. Улаанбадрах орчмын ундны усан дахь селень бодисын хэмжээ жил бүр нэмэгдэх болсон байна.

Энэ нөгөө гайхал 20 тугалыг хордуулсан байж болзошгүй гэж Засгийн газрын томилсон багийн шинжилгээний хариунд гардаг бодис. Улаанбадрах сумын Аргалант багийн малчид “Кожеговь”-ийн салхин дор амьдардаг. Хүчтэй салхи гарах үед малын өвчлөл нэмэгддэг тухай малчид ярьдаг юм. Тэдний хэлж буйгаар нутагт нь ураны хайгуул хийж эхэлснээс гүний усны төвшин эрс доошилсон гэдэг юм билээ.

Гэхдээ “Кожеговь” ундны усыг бохирдуулаагүй хэмээн мэдэгдэж байсан өнгөрсөн намар хайгуулын талбайд байгаа айлуудыг нүүлгэжээ. 10 гаруй айлыг 20 км алсад буулгаж, хэд хэдэн худгийн цооног гаргаж өгсөн гэнэ. Тэгэхээр “Арева”-гийн өрөмдлөгийн дараа Улаанбадрахын гүний усанд ямар нэгэн байдлаар өөрчлөлт орсон нь тодорхой гэж хардаж болох. Хэрэв өөрсдийн үйл ажиллагаанд 100 хувь итгэлтэй байсан бол иргэдийг нүүлгэх шаардлагагүй. Ийм алхам хийсэн “Кожеговь” эрсдэлтэй гэдгээ баталсан хэрэг энэ биш үү.

Б.ЗАЯА





Санал болгох

Метаверс ба эрх зүйн зохицуулалт

Метаверс хэмээх үгийг анх 1992 онд шинжлэх ухааны уран зөгнөлт зохиолч Нил Стефенсон “Цасны сүйрэл” романдаа хэрэглэсэн нь өдгөө дэлхий даяар тархаад буй 3D виртуал ертөнцөд суурилсан нийгмийн харилцааны сүлжээний нэршил болоод байна. Mетаверс нь “Meta”+“Verse” гэсэн үгсийн нэгдэл бөгөөд “Орчлон ертөнцөөс цааш” хэмээх утгыг илэрхийлдэг.

5 өдрийн өмнө
Дэлхийн хямралт цаг үе ба эрсдэлийг сөрөх Ерөнхийлөгчийн санаачилга

НҮБ-ын ХХААБ-ын тооцооллын дагуу 2022 онд дэлхийд өлсгөлөн, шим тэжээлийн дутагдалд орох эрсдэлтэй хүний тоо 7.6 сая, 2023-2024 онд 13.1 сая хүнээр нэмэгдэх эрсдэл байна.

10 өдрийн өмнө
Өнгөт хувьсгалд тролл ашиглах нь

Сошиал сүлжээ нь сайн санаа агуулж нийгэмд тулгамдаж буй бэрхшээлтэй асуудлыг шийдвэрлэхэд ач холбогдолтой хүчтэй хэрэгсэл хэдий ч  өөр санаа агуулсан хүмүүс санаатай болон санамсаргүйгээр нийгмийн сэтгэл санааг зохиомлоор тогтворгүй болгож, энэ нь  даамжирч эмх замбараагүй, нийгэмд аюултай байдалд  хүргэх эрсдэлтэй юм.

14 өдрийн өмнө
ҮХНӨ ба “өнгөт хувьсгал”-ын хамаарал

Их гүрнүүд өөрийн нөлөөний “буфер” улсад нөлөөгөө улам бэхжүүлэх, өөрийн ашиг сонирхлыг гүйцэлдүүлэх таатай хөрс бий болгохыг эрмэлздэг. Нөгөө тохиолдолд их гүрнүүд өрсөлдөгч гүрнийхээ нөлөөний “буфер‘ улсад тогтворгүй байдал үүсгэх замаар тэр хоёрын дунд урт хугацааны хурцадмал байдлыг бий болгохыг мөн эрмэлзэж байдаг. Аль нь ч байсан “буфер” улсын улстөр, эдийн засаг, нийгмийн тогтолцоог бүрэн хамарсан хямралд байнга байлгах замаар “өнгөт хувьсгал” хийх хөрсийг хадгалдаг, шаардлагатай тохиолдолд бие биеийн эсрэг ээлжлэн “өнгөт хувьсгал” хийдэг байна.

16 өдрийн өмнө