Б. Бат-Эрдэнэ
Редактор

“Юм”-тай жагсаал

2016 оны 4 сарын 132016-04-13

721d3a1b-292a-4221-a166-4883b07393c8,75971-97a88fc1445a7a5703038dc0a9998f9b.jpg.jpg-Борооны дараах мөөг, сонгуулийн өмнөх жагсаал- 

Борооны дараах мөөг шиг гэх хэлц үг орчин үед сонгуулийн өмнөх жагсаал шиг гэж шинэчлэгдэхээр хэмжээнд хүрээд байгаа. Хавар бүр “юм”-тай хүмүүсийн синдром хөдөлдөг шиг сонгуулийн жилийн хавар “юм”-тай хүмүүс сонгуулийн синдромоор өвчлөх нь ихэсч байна. Гэхдээ “юм”-тай гэдгийг уншигч та нэг эргэцүүлж үзээрэй. Майхантай, гуталтай, буйдантай, жудагтай гээд олон нэр төрлийн “юм” тэдэнд бий. Ингээд жагсаалуудад чухам ямар “юм” байгааг сайтар бодож үзье.

Пионерийн зуслангийн улаан бүчтэй хүүхдүүд шиг эсвэл бүр улаан тугаа намируулан буй АРДЫН журамт цэрэг шиг сүрт “Майхантай жагсаал” саяхан болсон. Малгай, туг, амны хаалт, майхан гээд цусан улаан өнгөөр тэд бүгдээрээ ижилссэн байна. Тэд үнэхээр улсаа аврахын тулд жагсав уу эсвэл “ЮМ”-аа гайхуулахаар жагсав уу. Ах нь зааж дүү нь сургадгийн үлгэрээр МАН-ын залуучууд ах нарынхаа “буйдантай”, “давхар дээлтэй” гээд “юм”-аараа гайхуулсан жагсаалын дараагийн цувралыг хийсэн нь энэ биз.

2eea683d-bf7a-46a7-a4fa-17986c035cec,75971-84ca1f8328aca337e362201faa153d6f.jpg.jpg

“Юм”-тай амьд жагсаалуудын хажуугаар бүр амьгүй жагсаал ч бий. Тэнд элдэв цагаан хоолой, уриа лоозон барьсан хүн байхгүй. Хаанаас ч юм 3000 гутал төв талбайд жагсчихсан. Монголын залуучуудын үзэл бодол хуучин, шивэртэй гутланд багтана гэж хэн санахав. “Юм”-тай хүн луувангаа иднэ үү, комиссын гутал бөөндөнө үү бидэнд ч ямар хамаа байхав.

a24c0d6b-2fc9-4ba2-b13c-4f93ee02acae,75971-339dc46277c6de0360770b0af8786d39.jpg.jpg

Манай жагсагчдад байхгүй зүйл байхгүй болж таарч байгаа биз. Өмсөх гутал, сүүдэрлэх малгай, ороод хэвтэх майхан сав, даарвал өмсөх давхар дээл, ядарвал тухлах буйдан гээд юм юм л байна. Тэдэнд “микро автобус”  байгааг орхигдуулжээ. Ингээд сонсохоор яг л нарлаг зунаар аялалд гарахаар бэлтгэлээ базааж буй мэт. Удахгүй нарны тостой, загасны дэгээтэй, усан завьтай гээд жагсаалууд болвол би лав гайхахгүй.

1fd5c4d6-d7b1-4bba-9de0-0e98d44aa33a,75971-82183803f46744fc7db5552d8402d4db.jpg.jpg

Санал болгох

Метаверс ба эрх зүйн зохицуулалт

Метаверс хэмээх үгийг анх 1992 онд шинжлэх ухааны уран зөгнөлт зохиолч Нил Стефенсон “Цасны сүйрэл” романдаа хэрэглэсэн нь өдгөө дэлхий даяар тархаад буй 3D виртуал ертөнцөд суурилсан нийгмийн харилцааны сүлжээний нэршил болоод байна. Mетаверс нь “Meta”+“Verse” гэсэн үгсийн нэгдэл бөгөөд “Орчлон ертөнцөөс цааш” хэмээх утгыг илэрхийлдэг.

5 өдрийн өмнө
Дэлхийн хямралт цаг үе ба эрсдэлийг сөрөх Ерөнхийлөгчийн санаачилга

НҮБ-ын ХХААБ-ын тооцооллын дагуу 2022 онд дэлхийд өлсгөлөн, шим тэжээлийн дутагдалд орох эрсдэлтэй хүний тоо 7.6 сая, 2023-2024 онд 13.1 сая хүнээр нэмэгдэх эрсдэл байна.

10 өдрийн өмнө
Өнгөт хувьсгалд тролл ашиглах нь

Сошиал сүлжээ нь сайн санаа агуулж нийгэмд тулгамдаж буй бэрхшээлтэй асуудлыг шийдвэрлэхэд ач холбогдолтой хүчтэй хэрэгсэл хэдий ч  өөр санаа агуулсан хүмүүс санаатай болон санамсаргүйгээр нийгмийн сэтгэл санааг зохиомлоор тогтворгүй болгож, энэ нь  даамжирч эмх замбараагүй, нийгэмд аюултай байдалд  хүргэх эрсдэлтэй юм.

14 өдрийн өмнө
ҮХНӨ ба “өнгөт хувьсгал”-ын хамаарал

Их гүрнүүд өөрийн нөлөөний “буфер” улсад нөлөөгөө улам бэхжүүлэх, өөрийн ашиг сонирхлыг гүйцэлдүүлэх таатай хөрс бий болгохыг эрмэлздэг. Нөгөө тохиолдолд их гүрнүүд өрсөлдөгч гүрнийхээ нөлөөний “буфер‘ улсад тогтворгүй байдал үүсгэх замаар тэр хоёрын дунд урт хугацааны хурцадмал байдлыг бий болгохыг мөн эрмэлзэж байдаг. Аль нь ч байсан “буфер” улсын улстөр, эдийн засаг, нийгмийн тогтолцоог бүрэн хамарсан хямралд байнга байлгах замаар “өнгөт хувьсгал” хийх хөрсийг хадгалдаг, шаардлагатай тохиолдолд бие биеийн эсрэг ээлжлэн “өнгөт хувьсгал” хийдэг байна.

16 өдрийн өмнө