Б. Бат-Эрдэнэ
Редактор

Хотын даргыг Хүрэлсүхээр загнуулъя

2016 оны 11 сарын 252016-11-25

Ганц түргэний машин авахад төрийн сайдын бяр хүрэхгүй байгаа талаар мэдээлэл олны чихийг сортойлгов. Эрүүл мэндийн сайд А.Цогцэцэг 29 саяын үнэтэй ганц ширхэг түргэний машин авахаар хөөцөлдөөд, хөөцөлдөөд барахгүй байгаагаа учирласан. Харин Шадар сайд У.Хүрэлсүх "Дарга хүн асуудал шийдэх гэж дарга болдог болохоос биш зовлон ярих гэж болдоггүй юм шүү. Дарга хүн ажил хийдэг, асуудал шийдэх гэж дарга болдог юм" хэмээн Эрүүл мэндийн сайдыг загнаж орхив.

А.Цогцэцэгийн хувьд хэдий мэргэжлийн хүн мөн ч салбар удирдах хэмжээний туршлага байхгүй, улстөрийн карьер хөөж байгаагүй нэгэн. Түүний хашиж байсан хамгийн өндөр албан тушаал нь Арьсны өвчин судлалын үндэсний төвийн Ерөнхий захирал. Тиймдээ ч бүхэл бүтэн улсын эрүүл мэндийн салбарыг удирдах нь битгий хэл ганц түргэний машин авахдаа яах учраа олохгүй байгаа нь тодорхой.

Харин А.Цогцэцэгээс улстөрийн замнал, ажлын туршлагаараа хол илүү нэгэн дарга учраа олохгүй мунгинаж яваа нь хотын мээр С.Батболд.

УИХ-ын гишүүн, байнгын хорооны дарга, Засгийн газрын гишүүн, Хуульзүйн сайд, ИТХ-ын дарга гээд түүний ажлын туршлага гялалзсан сайхан хэдий ч хотын дарга болсноосоо хойш суудал нь өнцөгдсөн гэлтэй байнга шүүмжлэлд өртөх болсон.

1b959944-a630-4a7f-8d36-f94cc4a519ea,81687-2cdea254411f234fa018b1f2501c9b15.jpg.jpg

Тэр нь ч аргагүй. С.Батболд ажлаа хийж байгаа талаараа биш, ажил хийхэд ямар хэцүү байгаа талаараа яриад байгаа учраас л тэр.

“Өнгөрсөн өвлийн туршид 13 удаа орсон цас энэ жилийн ганцхан сард 13 удаа орчихлоо” гээд түүний хэлж буй үгс телевизийн нэвтрүүлэг, сонины ярилцлага, сайтын мэдээгээр дүүрэн бичигдэж байна.

Иймээс хотын дарга Су.Батболдыг Шадар сайдтай нэг уулзуулаад загнуулах хэрэгтэй мэт санагдав. Дарга хүн ажил хийх гэж, асуудлыг шийдэх гэж дарга болдог болохоос биш шалтаг тоочих гэж, зовлон ярих гэж дарга болдоггүй юм шүү Хотын дарга аа!

Б.Эрдэнэ

Санал болгох

Метаверс ба эрх зүйн зохицуулалт

Метаверс хэмээх үгийг анх 1992 онд шинжлэх ухааны уран зөгнөлт зохиолч Нил Стефенсон “Цасны сүйрэл” романдаа хэрэглэсэн нь өдгөө дэлхий даяар тархаад буй 3D виртуал ертөнцөд суурилсан нийгмийн харилцааны сүлжээний нэршил болоод байна. Mетаверс нь “Meta”+“Verse” гэсэн үгсийн нэгдэл бөгөөд “Орчлон ертөнцөөс цааш” хэмээх утгыг илэрхийлдэг.

5 өдрийн өмнө
Дэлхийн хямралт цаг үе ба эрсдэлийг сөрөх Ерөнхийлөгчийн санаачилга

НҮБ-ын ХХААБ-ын тооцооллын дагуу 2022 онд дэлхийд өлсгөлөн, шим тэжээлийн дутагдалд орох эрсдэлтэй хүний тоо 7.6 сая, 2023-2024 онд 13.1 сая хүнээр нэмэгдэх эрсдэл байна.

10 өдрийн өмнө
Өнгөт хувьсгалд тролл ашиглах нь

Сошиал сүлжээ нь сайн санаа агуулж нийгэмд тулгамдаж буй бэрхшээлтэй асуудлыг шийдвэрлэхэд ач холбогдолтой хүчтэй хэрэгсэл хэдий ч  өөр санаа агуулсан хүмүүс санаатай болон санамсаргүйгээр нийгмийн сэтгэл санааг зохиомлоор тогтворгүй болгож, энэ нь  даамжирч эмх замбараагүй, нийгэмд аюултай байдалд  хүргэх эрсдэлтэй юм.

14 өдрийн өмнө
ҮХНӨ ба “өнгөт хувьсгал”-ын хамаарал

Их гүрнүүд өөрийн нөлөөний “буфер” улсад нөлөөгөө улам бэхжүүлэх, өөрийн ашиг сонирхлыг гүйцэлдүүлэх таатай хөрс бий болгохыг эрмэлздэг. Нөгөө тохиолдолд их гүрнүүд өрсөлдөгч гүрнийхээ нөлөөний “буфер‘ улсад тогтворгүй байдал үүсгэх замаар тэр хоёрын дунд урт хугацааны хурцадмал байдлыг бий болгохыг мөн эрмэлзэж байдаг. Аль нь ч байсан “буфер” улсын улстөр, эдийн засаг, нийгмийн тогтолцоог бүрэн хамарсан хямралд байнга байлгах замаар “өнгөт хувьсгал” хийх хөрсийг хадгалдаг, шаардлагатай тохиолдолд бие биеийн эсрэг ээлжлэн “өнгөт хувьсгал” хийдэг байна.

16 өдрийн өмнө