Б. Бат-Эрдэнэ
Редактор

Утаанаас дайжсан УИХ-ын гишүүд

2017 оны 1 сарын 312017-01-31

ee3fce66-c7a9-4f60-af6a-b25d3b5fa81e,83480-85d22ef4a5fc00523249613b29dd0d3a.jpg.jpg

Эдийн засгийн хүндрэлээс үүдэн гадаад дотоод томилолтын зардлыг танах шийдвэрийг УИХ-аас гаргасан. Онцын том шалтгаангүй, эдийн засгийн ач холбогдолгүй бол гадаадын улс оронд томилолтоор ажиллаж, төрийн мөнгө үрэхийг Ерөнхий сайд Ж.Эрдэнэбат хориглосон билээ. Гэвч энэ нь шийдвэр гаргагч УИХ-ын эрхэм гишүүдэд хамаагүй бололтой.

Хүйтэн сэрүүний улирал эхэлж, Улаанбаатарыг утаа бүрхээд эхэлмэгц УИХ-ын гишүүдийн гадаад томилолтын тоо эрс өсчээ. Арваннэгдүгээр сараас хойш ердөө гуравхан сарын дотор 53 гишүүн 17 улс руу томилолт өвөртөлж, төрийн мөнгөөр зугаалсан байна. 

“Зугаалга” хэмээн хардах сэжүүр ч хангалттай их. Тухайлбал, УИХ дарга М.Энхболд тэргүүтэй 10 гишүүн арванхоёрдугаар сарын 14-24-ний өдрүүдэд ОХУ, Арабын нэгдсэн Эмират, Кувейт, Саудын Араб гээд дөрвөн орон дамнан томилолтоор явав. Түүнчлэн, арван хоёрдугаар сарын 8, 9-ний өдрүүдэд УИХ-ын 22 гишүүн буюу парламентийн гуравны нэг нь шахуу гадаадад томилолттой байснаас үүдэж чуулганы ирц бүрдэхгүй, төрийн ажил гацаж байв. Энэ мэтээр төрийн айлчлал бүрт олон тооны гишүүд дагалдаж, танилцах аялал хийж буй мэт байдал нь үнэндээ утаанаас дайжиж Улаанбаатараас түр холдох шалтаг мэт харагдаж байна.

Гадаадад томилолтоор ажилласан 53 гишүүнээс УИХ-ын гишүүн Г.Тэмүүлэн, Ж.Бат-Эрдэнэ, Ч.Хүрэлбаатар, Н.Учрал нар ирц дээрээ хамгийн олон удаа “гадаад томилолт” даруулжээ. Харин Н.Амарзаяа, О.Батнасан, С.Жавхлан, Х.Нямбаатар нарын 24 гишүүн ирц дээрээ ганц ч удаа гадаад томилолт бичүүлээгүй байна.

УИХ-ын ирцэд хамгийн их гадаад томилолт бичүүлсэн гишүүд:

5573a33d-9625-40f3-9eec-3af3505ee4a9,83480-4c15f209005a98b693ea87ba01041a45.jpg.jpg

УИХ-ын ирцэд нэг ч гадаад томилолт бичүүлээгүй гишүүд:

59c21764-425a-44b2-9809-8f8be372ea54,83480-beaf954127e94285942dd73c6ef8d62b.jpg.jpg

Б.Эрдэнэ

Санал болгох

УИХ-ын дарга Дархан-Уул, Сэлэнгэд ажиллана

Монгол Улсын Их Хурлын дарга Г.Занданшатар “Хүнсний хангамж, аюулгүй байдлыг хангах талаар авах зарим арга хэмжээний тухай” тогтоолын хэрэгжилтийг хангуулах, хянан шалгах чиглэлээр 2022 оны есдүгээр сарын 23-наас 25-ны өдрүүдэд Дархан-Уул, Сэлэнгэ аймгийн тариалангийн бүс нутагт ажиллана.

3 өдрийн өмнө
Антонио Гутеррешийн айлчлалаас тохиролцсон зүйлсийг ажил хэрэг болгохоо талууд нотоллоо

Монгол Улсын Ерөнхийлөгч Ухнаагийн Хүрэлсүх НҮБ-ын Ерөнхий Ассамблейн 77 дугаар чуулганд оролцох үеэрээ НҮБ-ын Ерөнхий нарийн бичгийн дарга Антонио Гутерреш-тэй уулзлаа.

3 өдрийн өмнө
Далайд гарцгүй хөгжиж буй орнуудын Гадаад хэргийн сайд нарын уулзалтад оролцлоо

НҮБ-ын Ерөнхий Ассамблейн 77 дугаар чуулганы Ерөнхий санал шүүмжлэлийн хүрээнд Далайд гарцгүй хөгжиж буй орнууд (ДГХБО)-ын Гадаад хэргийн сайд нарын 21 дэх удаагийн уулзалт Нью-Йорк хотноо энэ 9 дүгээр сарын 22-ны өдөр болов.

3 өдрийн өмнө
Ерөнхийлөгч У.Хүрэлсүх Словенийн Ерөнхийлөгч Борут Пахортой уулзлаа

Монгол Улсын Ерөнхийлөгч Ухнаагийн Хүрэлсүх НҮБ-ын Ерөнхий Ассамблейн 77 дугаар чуулганд оролцох үеэрээ Бүгд Найрамдах Словени Улсын Ерөнхийлөгч Борут Пахор-тай уулзав.

3 өдрийн өмнө