Б. Бат-Эрдэнэ
Редактор

Номхон тэмээг ноолоход амар

5
2017 оны 5 сарын 312017-05-31

0c547478-0c18-42fc-8041-f3509a248c96,11a.jpg.jpg

Өчигдөр МАН-ын бүлэг ээлжит бусаар хуралдаж, БСШУС-ын сайд Ж.Батсуурийг огцруулах асуудлыг хэлэлцэж, улмаар өнөөдөр УИХ-ын чуулганыг хуралдуулж огцруулах асуудлыг хэлэлцэж дэмжлээ.

Ерөнхий сайд Ж.Эрдэнэбат түүнд хариуцлага тооцуулах саналаа бүлгийн хуралд танилцуулж, хэлэлцүүлсэн бөгөөд огцруулах үндэслэл нь Улсын шалгалтын материал задарсан, 29 дүгээр тусгай сургуулийн асуудал зэрэгтэй холбоотой юм.

29 дүгээр тусгай дунд сургуулийн асуудлын хувьд сургалтын чанар, доголдол сүүлийн нэг жилд үүсчихсөн нөхцөл байдал биш гэдэг нь тодорхой. Харин улсын шалгалтын материал задарсан хэргийн хувьд хариуцлагагүй багш, боловсон хүчний алдаа болохоос биш дан ганц салбарын сайдын алдаа биш болов уу.

Хариуцлага тооцохдоо хүрвэл хүний амь эрсэдсэн Батлан хамгаалахын сайд Б.Бат-Эрдэнийг яагаад огцруулсангүй вэ гэх асуудлаар УИХ-ын гишүүд байр сууриа уралдуулав.

Эл асуулаар УИХ-ын гишүүн Д.Эрдэнэбат “Номхон тэмээ ноолоход амар гэж. Ж.Батсуурь сайд угийн дуугүй даруу хүн. Огцруулахдаа хүрвэл хариуцлага алдсан бусад яамны сайдыг хэлэлцэх хэрэгтэй” хэмээн хэллээ.

Түүнчлэн, БСШУС-ын дэд сайд Ё.Отгонбаяр АНУ-д суух Элчин сайдаар томилогдохоор болсон. Түүний оронд дэд сайдаар томилогдох хүн тодорч амжаагүй байхад салбарын сайд мөн огцрохоор болсон нь энэ. Ийнхүү боловсролын салбар сайдгүй, дэд сайдгүй, хариуцах эзэнгүй хоцорч, харин оронд нь томилогдох хүмүүсийн нэрсийг эрх баригчид хэдийнэ ярилцах цаг болжээ.

Сайдад томилогдохоор яригдаж буй хүмүүсийн хувьд УИХ-ын гишүүн Н.Учрал, Л.Цогзолмаа нарын нэгийг эсхүл давхар дээлгүй хүн томилохоор бол Боловсролын сайд асан Т.Ганди, НИТХ-ийн төлөөлөгч Г.Ганбаяр, жүжигчин Б.Амарсайханы эгч БСШУС-ын Төрийн нарийн бичгийн дарга Б.Баярсайхан нарын нэгийг томилох магадлалтай хэмээн яригдаж эхэлжээ.

Санал болгох

УИХ-ын дарга Дархан-Уул, Сэлэнгэд ажиллана

Монгол Улсын Их Хурлын дарга Г.Занданшатар “Хүнсний хангамж, аюулгүй байдлыг хангах талаар авах зарим арга хэмжээний тухай” тогтоолын хэрэгжилтийг хангуулах, хянан шалгах чиглэлээр 2022 оны есдүгээр сарын 23-наас 25-ны өдрүүдэд Дархан-Уул, Сэлэнгэ аймгийн тариалангийн бүс нутагт ажиллана.

3 өдрийн өмнө
Антонио Гутеррешийн айлчлалаас тохиролцсон зүйлсийг ажил хэрэг болгохоо талууд нотоллоо

Монгол Улсын Ерөнхийлөгч Ухнаагийн Хүрэлсүх НҮБ-ын Ерөнхий Ассамблейн 77 дугаар чуулганд оролцох үеэрээ НҮБ-ын Ерөнхий нарийн бичгийн дарга Антонио Гутерреш-тэй уулзлаа.

3 өдрийн өмнө
Далайд гарцгүй хөгжиж буй орнуудын Гадаад хэргийн сайд нарын уулзалтад оролцлоо

НҮБ-ын Ерөнхий Ассамблейн 77 дугаар чуулганы Ерөнхий санал шүүмжлэлийн хүрээнд Далайд гарцгүй хөгжиж буй орнууд (ДГХБО)-ын Гадаад хэргийн сайд нарын 21 дэх удаагийн уулзалт Нью-Йорк хотноо энэ 9 дүгээр сарын 22-ны өдөр болов.

3 өдрийн өмнө
Ерөнхийлөгч У.Хүрэлсүх Словенийн Ерөнхийлөгч Борут Пахортой уулзлаа

Монгол Улсын Ерөнхийлөгч Ухнаагийн Хүрэлсүх НҮБ-ын Ерөнхий Ассамблейн 77 дугаар чуулганд оролцох үеэрээ Бүгд Найрамдах Словени Улсын Ерөнхийлөгч Борут Пахор-тай уулзав.

3 өдрийн өмнө