Нийслэл guide
Сэтгүүл

ҮНДЭСНИЙ БРЭНДИЙН ТҮҮХ

2
2017 оны 11 сарын 12017-11-01

Б.ҮНЭНБАЯР. Тэрбээр арьсан эдлэл, тэр дундаа арьсан цүнхийг залуусын хэрэглээнд нэвтрүүлж,хэрэглэгчдэдээ импортын бараа бүтээгдэхүүнийг орлохуйц чанар, дизайн, сэтгэл ханамжийг бэлэглэдэг.

Миний тухай

Би багаасаа зурах дуртай, зохион бүтээх хообийтой байсан. 2012 онд ШУТИС-ҮТДС-ийг арьс ширэн эдлэлийн загвар зохион бүтээгч, инженер мэргэжлээр төгссөн. Анх арьсан урлалын мастер багштайгаа зөвлөлдсөний үндсэн дээр энэ мэргэжлийг сонгосон юм. Суралцах явцдаа том хэмжээний наадмуудад амжилттай оролцож, төгсөх дамжаандаа өөрийн брэндийг үүсгэх талаар мөрөөдөх болж, LIVON брэндийнхээ нэр, логог зохиосон.

626a0234-cb5b-4ef6-9f10-b0ef9807875f,брэнд1.jpg.jpg

LIVON брэндийн онцлог

Оюутан үеийн оргилсон их хүсэл тэмүүлэл, “би чадна” гэсэн итгэлдээ тулгуурлаж брэндээ үүсгэсэн. Анхны бүтээлүүд маань өөрт төдийгүй тодорхой бүлэг хүмүүст таалагдсан нь цаашид үргэлжлүүлэх эрч хүчийг өгсөн. Тархиндаа бодож боловсруулсан дүр зургийг нүдэнд харагдаж, гарт баригдах бодит бүтээгдэхүүн болгох, деталь болгонд нь ур ухаанаа шингээх тэр мэдрэмж хамгийн сайхан. Логоноосоо эхлээд брэндийн маань өнгө аяс сонгодог хэв шинжийг хадгалж ирсэн. Бүтээгдэхүүнүүдээ хүмүүсийн хэрэглээнд нийцсэн байхаар загварчилж, хэрэглээ ба загвар дизайнаар дамжуулан хэрэглэгчийн дотоод ертөнцийг илэрхийлж, хэв маягийг нь тодорхойлохыг зорьдог. Энэ бол манай брэндийн бусдаас ялгарах гол үзүүлэлт юм.

efd52b0a-2b1a-459b-9d21-d6237535eac2,брэнд2.jpg.jpg

Бүтээгдэхүүн төрөх үе шатууд

Бид багаараа ярилцаж, төлөвлөж, судалгаа хийж, шинэ бүтээгдэхүүнийхээ санааг гаргадаг. Нэгэнт санаа гарсан бол эхний үлгэр хийгдэнэ. Үүний дараа хэрэглэгчдийн санал бодлыг сонсож ахин засварлах бөгөөд хэрэглэгчийн хүсэл, хэрэгцээнд нийцсэн гэж үзвэл эцсийн бүтээгдэхүүнээ үйлдвэрлэдэг. Бүтээгдэхүүн төрөх үйл явц нь загвар зохион бүтээгч үлгэр, загвараа гаргах, эсгүүр хийх, оёдол цэвэрлэгээ гэх мэт шат дамжлагаар явагддаг.

f00156b6-0fd3-467c-9f2a-6af14fab4dac,брэнд3.jpg.jpg

Миний урам зориг авдаг зүйлс

Ихэвчлэн ганцаараа байхдаа элдэв зүйл бодож байгаад дизайны шинэ санаа олдог. Бас том брэндүүдийн загвар, коллекцуудаас технологи, дизайны шинэ шийдлүүдийг олно. Зарим хүмүүс гайхалтай сайхан санаа өгнө. Хөгжим, уран зураг гээд санаа сэдэл төрүүлэх олон зүйл бий. Энэ бүхнийг би шууд л туршиж үзэхийг хүсдэг. “Би үүнийг хийж чадна” гэсэн итгэл төрөх үед тухайн загварын деталь хэсгүүд, технологи бүр нь тархинд минь аль хэдийнэ боловсорчихсон байдаг.

ed13d368-1cbd-4689-9246-54cc237436f3,брэнд4.jpg.jpg

Epoch, би чамд хайртай!

Саяхан Epoch нэртэй цүнхний шинэ загвараа худалдаанд гаргалаа. Уг бүтээгдэхүүн дээр бид багаараа бүтэн гурван сар ажилласан юм. Маш их энерги, цаг хугацаа зарцуулсан болохоор энэ бүтээгдэхүүндээ хайртай. Epoch бол шинэ мянганы бизнес эрхлэгч залууст зориулагдсан, гурван цүнхний хэрэглээг нэгтгэсэн шийдэлтэй, товчхондоо хүний хэрэгцээт эд зүйлсээс нэгийг нь ч үлдээлгүй багтаахаар бодож хийсэн арьсан цүнх юм.

e4e6b3e3-3cef-44e2-be60-b6fc30983fa6,брэнд5.jpg.jpg

Миний ирээдүйн төлөвлөгөө

Би хувийн ур чадвар, мэдлэгээ ямагт дээшлүүлэхийн төлөө чармайдаг. Хэтийн төлөвлөгөө гэвэл, брэндээ дэлхийн түвшинд хүргэж, үндэсний томоохон экспортлогч болох. Үүний эхлэл болгож гадаадад, тэр дундаа арьсан эдлэл өндрөөр үнэлэгддэг Япон улс, Европын орнууд руу бүтээгдэхүүнээ гаргах талаар хүмүүстэй холбогдоод эхэлчихсэн байгаа. Мөн LIVON брэндийн үзүүлэнгийн танхим нээх, брэндийн бие даасан фэшн шоу хийх төлөвлөгөөтэй байна. 

f1d05ab5-30e7-475e-80ae-82df82b4716f,брэнд6.JPG.jpg
 

Epoch цүнх


Нийтлэлийг: Т.Гүндэгмаа

Эх сурвалж: 

"НийслэлGuide" №65/ 2017 аравдугаар сар

b0e66d71-564c-4b32-ac0b-1761bc96f06a,22449597_1667353769961894_6660342589113805005_n.jpg.jpg

Санал болгох

40 удаагийн зөвлөгөөний үр дүн хаана байна?

Засгийн газрын хэрэгжүүлж буй  “Шинэ сэргэлтийн бодлого”-ын тулгуур зорилтуудын нэг нь Аж үйлдвэрийн сэргэлт. Гэвч  өнөөдрийг хүртэл “мөрөөдлийн жагсаалт” хэвээр байгаа нь нууц биш.

6 цагийн өмнө
Сангуудын цуврал ба Цуврал уулзалтууд

“Төрөөс төрсөн тэрбумтан” гэдэг нэршил хэвлэлийн хуудаснаас арчигдаад овоо хэдэн жил өнгөрсөн. Энэ нэршил сэргэжээ. Мэдээлэлд ойр байдаг төр засгийн дарга нар төрийн өмчит компаниуд, Засгийн газрын тусгай сангуудаас яасан их тоншоо вэ. Концесс, тендер, хувьчлал, давуу боломж, хөнгөлөлттэй зээл, урамшууллыг “томчууд” л авч. Энэ идээ бээрийг илчлэх ажил “нам-төр-сэтгүүлч-жиргээч” гэсэн “төр-хувийн хэвшлийн түншлэл”-ийн хүрээнд өрнөж байна. Засгийн газар 25 тусгай сангийнхаа дөнгөж есийнх нь үүцийг задлахад ийм байна. Бусад сан, төрийн өмчит компанийн мэдээллийг “шилэн ажиллагаа” гэдгийг хүрээнд Н.Учрал сайдаар дамжуулан дэлгэх байх. Гэхдээ энэ засаг, энэ төр шүгэлдэх төдийхнөөр “хулгайчтай тэмцдэг” имижээр УИХ-ын сонгуульд оролцох нь иргэдийн хүссэн үр дүн бас биш.

5 өдрийн өмнө
Тойрогтоо очсон гишүүдийг дахиад загнавал яах вэ

Х.Баттулга шиг УИХ-аар хэлэлцүүлж чадсан тохиолдол 2008-2019 онд долоон удаа байгуулсан ажлын хэсгээс гарч байсангүй. Сүүлийн алхам, хоёр удаагийн сонгуульд үнэмлэхүй ялсан МАН-ын дангаар байгуулсан Засгийн газраас 2023 онд гарч ирсэн нь энэ.

11 өдрийн өмнө
Залууст залуу нас үлдсэнгүй

“Залуу хүн эрүүл, өвддөггүй” гэх ойлголт нэгэнт ард хоцорч өнөөдөр дөнгөж 15 настай хүүхэд зүрхний эмгэг, шигдээсээр шаналж, 20 настай залуу цус харваж эмнэлгийн орон дээр амь тэмцэж буй дүр зураг аль ч эмнэлэгт байна.

14 өдрийн өмнө