Б. Бат-Эрдэнэ
Редактор

ШАРКуудад шахах санал

1
2017 оны 12 сарын 122017-12-12

-    Егөөдөл -

8ce45e7d-0a55-4773-9821-1ac531b44a38,24993254_1542064449210589_3920350092462130773_n.jpg.jpg

Сайн байна уу уншигч ШАРКуудаа. Бид эхний удаад уншигч шаркууддаа дараах саналыг тавьж байна.

Бизнесийн танилцуулга

Машин ачлагынхан яаж ажилдгийг уншигч та бүхэн мэднэ биз. 

1.    I эгнээнд машин тавихыг хүлээж отож байгаад жолооч нь буусан даруйд утсан дээрээ яаравчлан бичлэг хийнэ. 
2.    Дотор нь хүүхэд, амьтан байгаа эсэхийг үл харгалзан өршөөл үзүүлэхгүйгээр үргэлжлүүлэн ачна.
3.    Жолооч нь эргээд ирж хэрүүл хийсэн ч түүнийг үл харгалзан хүчээр ачна.
4.    Ачсан машинаа 10 км-ээс холгүй, хамгийн ойр байгаа түр саатуулах хашаанд аваачиж буулгана. Ингэснийхээ төлөө дор хаяж 60 мянган төгрөгийг жолоочийн хармаанаас “сэгсэрнэ”. 

Нугалж олдог ашигтай бизнес гэдэг нь хэнд ч тодорхой.

Хөрөнгө оруулах хэрэгцээ шаардлага

Зөвшөөрөлгүй газарт зогсож байгаа машин маш их байгаа ч машин ачлагынхан ачааллаа дийлдэггүй. Мөн түр саатуулах хашаанууд хотын төвөөс хол байдаг учраас рейс хийх цаг урт, ачлагын машины түлшинд их мөнгө зарцуулдаг.

САНАЛ

Хэрвээ шаркууд итгэл хүлээлгэн хөрөнгө оруулалт хийвэл 2-3 машин зэрэг ачдаг шинэ ачлагын машиныг импортоор оруулж ирнэ. Түүнчлэн хотын төвд олон давхар машины зогсоол барих нэрийдлээр газар аваад зогсоол байгуулна. Давхар машины зогсоол баригдсаны дараа зориулалтыг нь жаахан өөрчлөөд түр саатуулах хашааны оронд ашиглана. Мэдээж ингэхийн тулд хурган дарга нарт “өгдөг юм”-ыг нь өгнө.

Хэрэв ингэж чадвал олон машиныг нэг дор ачиж хугацаа хэмнэхээс гадна, хотын төвдөө ойрхон түр саатуулах хашаанд хийснээр ачилтын рейс цаг багасч, зарцуулах түлш хэд дахин буурна.

Хөрөнгө оруулах овсгоотой ШАРК байвал холбогдоно уу.
 

Санал болгох

2 сая долларын хахууль ба хууль

Нийслэлд хэрэгжүүлэх LRT буюу баганан тулгуурт хөнгөн галт тэргийн төслийн мэдээллийг Засгийн газрын 247-р тогтоолын хавсралт буюу Төрийн нууцын жагсаалтад хамруулах гэж байна гэсэн мэдээлэл өнгөрсөн амралтын өдрүүдэд цацагдлаа.

2 өдрийн өмнө
Шүүхийн шинэтгэлийг бүтэн болгоё-Прокурорын хууль

Шүүхийн шинэтгэлийн үйл явц дөрөв дэх Засгийн газартаа үргэлжилж байна. 2012 оны парламент Шүүхийн тухай, Шүүгчийн эрх зүйн байдлын тухай, Шүүхийн захиргааны тухай, Шүүх байгуулах тухай, Шүүхийн иргэдийн төлөөлөгчийн эрх зүйн байдлын тухай, Эвлэрүүлэн зуучлалын тухай, Хуульчийн эрх зүйн байдлын тухай хуулиудыг баталсан. Зам дундаас алдаа оноогоо шүүрдэн өнөөгийн парламент Шүүхийн тухай хуулийн шинэчилсэн найруулга болгон багцалсан. Өмнөх шинэтгэл Хуульчдыг холбоог байгуулснаараа, шүүхийн захиргааг шүүн таслах ажлаас салгаснаараа, шүүх, шүүгчийн хараат бус, бие даасан байдлыг хангаснаараа, Японы Жайка төслийн тусламжтайгаар эвлэрүүлэн зуучлалыг Монголд нэвтрүүлснээрээ онцлог байв. Харин сүүлийн шинэтгэл Шүүхийн сахилгын болон Мэргэшлийн хороог байгуулан, хариуцлагыг чангатгаснаараа онцлог хэмээгдэж байна.

14 өдрийн өмнө
XX зууны нэрт эрдэмтэн, Төрийн шагналт Намгарын Лонжид агсны бариулсан БАЙГАЛИЙН МӨСӨН ЗООРЬ

Цул мөсөн зоорь Улаанбаатарт 7 (500 – 1000 тонны багтаамжтай), Завхан аймгийн Тосонцэнгэлд 1 (100 тонны багтаамжтай), Хөвсгөл аймгийн Мөрөнд 1 (150 тонны багтаамжтай) зэрэг 27 гаруйг барьж байгуулсан байдаг.

1 сарын өмнө
ТОП 100 БА ТӨРИЙН ӨМЧИЙН РЕФОРМ

төрийн өмчит оролцоотой компаниуд 2021 оны ТОП-100 компанийг тэргүүлсэн нь анхаарал татаж буй.

1 сарын өмнө