Нийслэл guide
Сэтгүүл

2017 оны Монгол бахархал

1
2017 оны 12 сарын 192017-12-19

1. БЛОКЧЭЙН ТЕХНОЛОГИ 

f9d10b96-1928-4557-a960-5642ed5c5b67,бахархал1.jpg.jpg

Биткойны суурь технологи блокчэйн нь зөвхөн санхүү, төлбөр тооцоон дээр ашиглагддаггүй. Жишээ нь, уг технологи дээр суурилсан даатгалын үйлчилгээ л гэхэд гэрээг наториатаар баталгаажуулах, мөнгө шилжүүлэх зэрэг олон шат дамжлагыг байхгүй болгож, асар их цаг хугацаа, мөнгийг хэмнэнэ. Саяхан болж өнгөрсөн Крипто Үндэстэн чуулган дээр гадаад хэргийн сайд Д.Цогтбаатар блокчэйн технологид суурилсан дижитал яамтай болох саналыг дэвшүүлээд амжсан. Тиймээс энэ технологийг эрүүл мэнд, үл хөдлөх хөрөнгийн бүртгэл гээд бүхий л салбарт ашиглаж болох нь.

2. АЛТАН ГАРТАЙ ЭМЧ О.СЭРГЭЛЭН

47c65cb2-b7d2-46bf-a63e-b461c1d9d317,бахархал2.jpg.jpg

Дэлхийн шилдэг таван мэс засалчийн нэгээр монгол хүн шалгарав. Наян мянган мэс засалчийг эгнээндээ нэгтгэсэн дэлхийн мэс засалчдын хамгийн том байгууллага American College of Surgeons- ээс жил бүр шилдэг мэс засалчдыг тодруулдаг. Тэгвэл энэ жилийн шилдэг таван мэс засалчийн нэгээр УНТЭ-Элэг шилжүүлэн суулгах үндэсний багийн ахлагч, АШУҮИС- ийн Анагаах ухааны сургуулийн Мэс заслын тэнхимийн эрхлэгч, АШУ-ы доктор, профессор, Монгол улсын гавьяат эмч О.Сэргэлэн шалгарсан юм. Тэрбээр элэг шилжүүлэн суулгах болон дурангийн мэс заслыг Монголд нутагшуулсан гавьяатан. Нэмж хэлэхэд, Монголд Шинжлэх ухааны доктор гурван эмэгтэй байдгийн нэг нь билээ.

3. ААМИЙ ТААМИЙ ХОЁР

dbf32f69-883a-4670-96cb-276d41f929b8,бахархал3.jpg.jpg

Хүүхдэд зориулсан шинэ соргог үндэсний контент телевизүүдэд дутагдаж, энэ орон зайг ихэвчлэн гадны кинонууд эзэлдэг байлаа. Тэгвэл энэ эрэлт хэрэгцээг Монгол контент ХХК–ийн үндэсний дүр, үндэсний бүтээгдэхүүний “Маамуу” төслийн контентууд нөхөж чадсан юм. Уг төслийн гол бүтээгдэхүүн “Маамуу” хүүхэлдэйн киноны эхний бүлгийн дөрвөн анги үзэгч хүүхдүүдэд хүрээд байгаа. Одоо хөгжилтэй, сэргэлэн Аамий, Таамий хоёрыг мэдэхгүй хүүхэд бараг үгүй болжээ. Үүнээс гадна тус компанийн уран бүтээлчид хүүхдийн боловсрол, хүмүүжилд эерэгээр нөлөөлөх олон бүтээл гаргаад байна.

4. ВИЗУАЛ ҮЗҮҮЛБЭРИЙН ОД Б.ШИЖИРБАТ

4bc8f091-b6bc-4f3f-827e-32e715b01819,бахархал4.jpg.jpg

“Авьяаслаг азичууд”-уудын алтан базерын эзэн, “Авьяаслаг монголчууд” шоу нэвтрүүлгийн шилдэг оролцогчдын нэг Б.Шижирбатын визуал үзүүлбэр урьд харагдаж байгаагүй онцлох үзүүлбэр байлаа. Тэрбээр график анимэйшнийг бүжигтэй хослуулсан үзүүлбэрээрээ монголчуудын төдийгүй гадныхны сонирхлыг татаж, гайхшируулсан юм. Түүний үзүүлбэрийг 49 сая хүн үзэж, алдарт mashable.com цахим хуудас онцолсон удаатай.

5. МОНГОЛ ХҮНИЙ БҮТЭЭСЭН АНХНЫ СҮРЧИГ

c335c7a8-54a7-484b-988c-558d57f98741,бахархал5.jpg.jpg

Монголчууд бид анхны сүрчгээ бүтээлээ. “Шамбалын орон”, “Үүрийн цолмон”, “Цас чихэр” гэх чихэнд чимэгтэй сонсогдох энэ гурван сүрчиг бол монгол хүний бүтээсэн анхны сүрчгүүд юм. Германд 20 жил уран бүтээлээ туурвиж амьдарсан зураач бүсгүй Ц.Цацрал хообийдоо тулгуурлан эдгээр бүтээгдэхүүнийг хийсэн байна. Ц.Цацрал хэдийгээр үнэртэй ус бүтээгчдийн мэргэжлийн сургуульд сураагүй ч түүний мэдрэхүй, бий болгосон томъёо нь хүмүүст ихээхэн таалагдаж, эхний бүтээгдэхүүнүүд нь нээлтэн дээрээ шууд борлогдсон юм.

6. ИД ШИДИЙН ОРОН

a4ab23aa-a25e-47f4-88ca-430593ad206c,бахархал6.jpg.jpg

Энэ оны онцлох санаачилгуудын нэг нь “Лантуун дохио” ТББ-ын “Ид шидийн орон” төсөл байв. Тэд Хүүхэд хамгааллын төв барих санаачилга гаргаснаас хойш ердөө тавхан сарын дараа Зүүн cалаанд есөн обьект бүхий хүүхэд хамгааллын цогц төв сүндэрлэсэн билээ. Энэ төсөл маш олон хүний хүч хөдөлмөр, дэмжлэг туслалцаатайгаар хэрэгжсэн нь санхүүгийн эх үүсвэрийг цэвэр олон нийтийн санхүүжилтээр /crowdfunding/ шийдэж болдгийн тод томруун жишээ болсон юм.

7. 24 ЦАГИЙН НОМЫН САН

eefc7eed-3bdf-4729-ae6c-7dec04a97a69,бахархал7.jpg.jpg

Гадаадын их дээд сургууль, хотуудад 24 цагаар ажилладаг номын сан маш олон байдаг. Ийм номын сантай болохыг бид олон жил мөрөөдсөн. Тэгвэл 2017 онд тус мөрөөдөл биелэлээ олсон юм. МУИС-ийн шинэ номын сан өдгөө 24 цагийн турш сургуулийнхаа оюутан залууст болон иргэдэд үйлчилж, оюуны цангааг нь тайлж байна. Сүүлийн үеийн номын сангийн технологи, шийдэл бүхий амрах, хонох, хичээлээ хийх танхимууд, цайны газар, төрөл бүрийн ангилалтай суудлууд гээд хэрэгтэй бүхэн тэнд бий.

8. ДЭЛХИЙН РЕКОРДЫГ ШИНЭЧЛЭГЧ А.ЯНЖИНДУЛАМ

ce8b556e-0eef-4c7f-8579-967bba12cbc2,бахархал8.jpg.jpg

Индонезийн нийслэл Жакарта хотод 12 дугаар сарын 1-3-нд Ой тогтоолтын дэлхийн аварга шалгаруулах тэмцээн болж өнгөрсөн. Энэ тэмцээнд ОУИМ А.Янжиндулам “Нэр, зүс царай” чээжлэх төрөлд 15 минутад 212 хүний нэр, царайг алдалгүй санаснаар дэлхийн рекордыг шинэчилсэн юм. Манай улсын тамирчид ой тогтоолтын олон улсын тэмцээнүүдэд амжилттай оролцсоор ирсэн нь монгол хүний оюуны чадамж, ой тогтоолт хэчнээн өндөр түвшинд байдгийн нэгээхэн илрэл биз ээ.

Нийтлэлийг: Б.Болортуяа
Эх сурвалж: "НийслэлGuide" №67/ 2017 12 дугаар сар
53ddc05c-39c5-462c-a932-e266d1fdb88e,24991109_1726258587404745_6576892857968719686_n.jpg.jpg

Санал болгох

40 удаагийн зөвлөгөөний үр дүн хаана байна?

Засгийн газрын хэрэгжүүлж буй  “Шинэ сэргэлтийн бодлого”-ын тулгуур зорилтуудын нэг нь Аж үйлдвэрийн сэргэлт. Гэвч  өнөөдрийг хүртэл “мөрөөдлийн жагсаалт” хэвээр байгаа нь нууц биш.

6 цагийн өмнө
Сангуудын цуврал ба Цуврал уулзалтууд

“Төрөөс төрсөн тэрбумтан” гэдэг нэршил хэвлэлийн хуудаснаас арчигдаад овоо хэдэн жил өнгөрсөн. Энэ нэршил сэргэжээ. Мэдээлэлд ойр байдаг төр засгийн дарга нар төрийн өмчит компаниуд, Засгийн газрын тусгай сангуудаас яасан их тоншоо вэ. Концесс, тендер, хувьчлал, давуу боломж, хөнгөлөлттэй зээл, урамшууллыг “томчууд” л авч. Энэ идээ бээрийг илчлэх ажил “нам-төр-сэтгүүлч-жиргээч” гэсэн “төр-хувийн хэвшлийн түншлэл”-ийн хүрээнд өрнөж байна. Засгийн газар 25 тусгай сангийнхаа дөнгөж есийнх нь үүцийг задлахад ийм байна. Бусад сан, төрийн өмчит компанийн мэдээллийг “шилэн ажиллагаа” гэдгийг хүрээнд Н.Учрал сайдаар дамжуулан дэлгэх байх. Гэхдээ энэ засаг, энэ төр шүгэлдэх төдийхнөөр “хулгайчтай тэмцдэг” имижээр УИХ-ын сонгуульд оролцох нь иргэдийн хүссэн үр дүн бас биш.

5 өдрийн өмнө
Тойрогтоо очсон гишүүдийг дахиад загнавал яах вэ

Х.Баттулга шиг УИХ-аар хэлэлцүүлж чадсан тохиолдол 2008-2019 онд долоон удаа байгуулсан ажлын хэсгээс гарч байсангүй. Сүүлийн алхам, хоёр удаагийн сонгуульд үнэмлэхүй ялсан МАН-ын дангаар байгуулсан Засгийн газраас 2023 онд гарч ирсэн нь энэ.

11 өдрийн өмнө
Залууст залуу нас үлдсэнгүй

“Залуу хүн эрүүл, өвддөггүй” гэх ойлголт нэгэнт ард хоцорч өнөөдөр дөнгөж 15 настай хүүхэд зүрхний эмгэг, шигдээсээр шаналж, 20 настай залуу цус харваж эмнэлгийн орон дээр амь тэмцэж буй дүр зураг аль ч эмнэлэгт байна.

14 өдрийн өмнө