Доржсүрэнгийн Болдбаатар
Хятад судлаач, орчуулагч

Ким Жон Уны хэлсэн үг

5
2018 оны 4 сарын 272018-04-27

Өнөөдөр хоёр Солонгосын удирдагч нарын дээд хэмжээний уулзалт болов. Түүн дээр Умардын удирдагч Ким Жон Уны хэлсэн ердөө гуравхан өгүүлбэр дэлхийн хэвлэл мэдээллийн анхаарлын төвд ороод байна. Тэдгээрийг жагсаавал:

01. Өнгөрсөн арван нэгэн жилийн хугацаанд маш хайран цагийг алдаж дээ хэмээн харуусах сэтгэл өөрийн эрхгүй төрж байна.

02. Гэхдээ бид нар стратегийн шинэ өндөрлөгөөс хамтын ажиллагаа эхлүүлэхэд юу нь хожимдох вэ.

03. Өнөөдрийн уулзалт хэлэлцээр хамгийн бодит үр дүнг авчирч шинэ хөгжил дэвшлийн үндэс суурийг тавих учиртай юм.

Дээрх өгүүлбэрийг синхрон орчуулгын тусламжтайгаар сонсож ойлгосон болохоор ерөнхий санааг бичлээ.

Ер нь түүний сэтгэлийн мухарт нь хятад маягийн хоёр тогтолцоо нэг улс загварын дор улс үндэстнээ нэгтгэх алсын хүсэл байсан мэт санагдах болов. Түүний өнгөрсөн онд атом, ус төрөгчийн бөмбөг болон тив алгасах пуужинг ойр ойрхон хөөргөөд байхаар нь дайны хэнээтэн биш биз дээ гэсэн бодол хэн хүний сэтгэлд байсан байх аа. Гэтэл тэгж ширүүн дориун аашилж байгаад гэнэт ийм зангаргатай атлаа аядуу намжуухан болсчихсоныг азийн улс орнуудад "Өрсөлдөгчөө маш ширүүн цуппаридаж байгаад шилдээд татчихсантай" зүйрлэж болохуйц дипломатын арга хэрэгсэл хэмээн үнэлж байна.

Атом цөмийн зэвсэг, тив алгасах пуужинтай технологийн асар их нөөц бүхий наян сая үндэстэнтэй нэгдмэл улс зүүн хойд Азид бүрэлдэн тогтоохыг Хятад, Орос улсууд тэгтэл таашаахгүй. Япончууд бүр ч жийрхэн жихүүрхэх нь аргагүй. Тэр тусмаа энэ хүчирхэг үндэстэнг салангид байлгах сонирхол Америкуудад бүр ч их байдаг гэвэл манайхан тэр бүр мэдэхгүй байх л даа.

Хятадууд дарга нараа бэлтгэх тусгай сургуультай бөгөөд тэндээ хэл ярианы чадварын хичээлийг онцгой сайн заадаг шиг санагддаг. Захын дунд тушаалын албан хаагч бүгд л час хийсэн цэгцтэй хэдэн үг хэлчихнэ шүү. Түүн лүгээ адил Солонгосчууд ч тэр тал дээр айхтар юм аа. Харин манай дарга нарын дунд логик муутай, ус ихтэй урт өгүүлбэрүүд урсгахыгаа хэл ярианы чадвар хэмээн ойлгосон хүмүүс цөөнгүй байх шиг байдаг нь орчуулагч хүний хувьд айхтар анзаарагддаг л даа.

Нэвтрүүлэгч үзэж суухад ийм бодол төрж байсныг давхар хавчуулав.

Санал болгох

БНХАУ-ын хаврын баярын эдийн засагтаа үзүүлж буй нөлөө

Хятадын төмөр замаар 8 сая 591 мянган, авто замаар 24 сая 350 мянга, агаараар 1 сая 456 мянган зорчигч зорчжээ. Хаврын баяраар аялал жуулчлалын бүтээгдэхүүний захиалга 2022 онтой харьцуулахад 40 хувиар, нэг хүнд ногдох аялал жуулчлалын зардал 50 хувиар өсжээ.

14 цагийн өмнө
АНУ Украинд алсын тусгалын пуужин нийлүүлэх төлөвтэй байна

Украины аюулгүй байдалд туслах санаачилгын хүрээнд АНУ дахин шинээр 2.2 тэрбум ам.долларын тусламж үзүүлэх, түүний дотор алсын тусгалын пуужин нийлүүлэхээр төлөвлөж байна. Энэ тухайгаа АНУ-ын эрх баригчид  албан ёсоор маргааш баасан гарагт зарлах бололтой. 

15 цагийн өмнө
Европын холбоо ОХУ-ын газрын тосны далайн тээврийн хоригийг эхлүүлэв

Шинжээчдийн үзэж байгаагаар газрын тосны бүтээгдэхүүнд хязгаарлалт тогтоосон нь ОХУ-ыг тус бүтээгдэхүүнийг Азийн орнууд тэр дундаа Хятад, Энэтхэг улсад илүү ихээр нийлүүлэх болно. Энэ нь манай улсын транзит тээврийг нэмэгдүүлэх боломжтой юм.

15 цагийн өмнө
Тайванийн талаар баримтлах шинэ бодлогыг Ван Хунин боловсруулна

Хятадын Коммунист намын тархи, улс төрийн бодлогын гол стратегич гэгддэг Улс төрийн товчооны байнгын хорооны гишүүн Ван Хунинг Тайванийн талаар баримтлах шинэ бодлого боловсруулах ажилд томилсон тухай Nikkei Asia мэдээлэв. Тайвань руу чиглэсэн энэхүү шинэ бодлогыг Ши Жиньпин ойрын хугацаанд зарлах төлөвтэй байгаа аж.

16 цагийн өмнө