Бөхчүүдийн "Их Эе" 18-нд хуралдахаар боллоо

1
2018 оны 5 сарын 42018-05-04

Үндэсний бөхчүүдийн талцал хуваагдал спортын салбараасаа хальж, бизнесмэн, улс төрчид хүртэл татагдан орсон.

Ерөнхийлөгч Х.Баттулга бөхчүүдийг эв эеэ олоогүй тохиолдолд нэр бүхий хүмүүсийн цолыг хурааж, Монгол бөхийн өргөөг улсын өмчид авна хэмээн анхааруулаад багагүй хугацаа өнгөрлөө. Гэсэн ч хоёр хуваагдсан бөхчүүд эсрэг тэсрэг байр сууриа илэрхийлсээр байгаа.

Харин өчигдөр болсон Монголын үндэсний бөхийн холбооны Цэцдийн зөвлөлийн хуралд 2002 оны дөрөвдүгээр “Их эе”-ээс сонгогдсон зарим гишүүн оролцож, дараагийн “Их эе” хурлын тов, оролцох гишүүдийн квотыг баталлаа. Түүнчлэн Цэцдийн хурлыг нийт гишүүний олонх нь улсын заан Ж.Ганболд, начин Г.Пүрэв-Очир, Д.Дашжамц нараар удирдуулахаар сонгожээ.

Тус хуралд УИХ-ын гишүүн, МҮБХ-ны тэргүүн Б.Бат-Эрдэнэ, өмнөх тэргүүн Р.Нямдорж, Д.Данзан болон хөдөлмөрийн баатар Л.Чинбатын талынхан буюу улсын заан Ж.Ганболд тэргүүтэй хүмүүс оролцжээ. Тус хурлаар ээлжит тавдугаар “Их эе”-ийг энэ сарын 18-нд зохион байгуулахаар болж, бэлтгэл ажлыг хөдөлмөрийн баатар, дархан аварга Х.Баянмөнх, улсын арслан Д.Мөнх-Эрдэнэ, нөгөө талаас улсын заан Ц.Магалжав, Б.Сайнбаяр нар зэрэг найман хүн хангахаар болов. Тэд тавдугаар “Их эе" хуралд 200 орчим хүн оролцоно гэж тооцоод улсын аварга цолтой бөхчүүдийг шууд оруулахаар тохирчээ.

 

Санал болгох

Ширээний теннисний ДАШТ-ийг хаалттай системийн хүрээнд явуулна

Ширээний теннисний ДАШТ есдүгээр сарын 30-наас аравдугаар сарын 9-ний өдрүүдэд БНХАУ-ын Чэндү хотноо болно

18 өдрийн өмнө
Ливид цэрэг-улс төрийн байдал хурцдаж эхэллээ

НҮБ-ын дэмжлэгтэйгээр өнгөрсөн онд байгуулсан А.Дабайба тэргүүнтэй Ливийн Үндэсний эв нэгдлийн хуучин Засгийн газар, Ливийн парламентаас энэ оны хоёрдугаар сард сонгогдсон Ф.Башага тэргүүнтэй шинэ Засгийн газрыг дэмжигч зэвсэгт бүлэглэлүүдийн хооронд өнгөрсөн амралтын өдрүүдэд Ливийн нийслэл Триполи хотод мөргөлдөөн боллоо. Үүний улмаас наймдугаар сарын 28-ны байдлаар 32 хүний амь үрэгдэж, 159 хүн шархдаж, Ф.Башагагийн талынхан ялагдал хүлээн хотыг орхин гараад байна.

21 өдрийн өмнө
Хөдөлмөрийн баатар М.Уранцэцэгийн ОКТАГОН дахь анхны тулааны тов зарлагдлаа

Монгол Улсын гавьяат тамирчин, Хөдөлмөрийн баатар,жүдо бөхийн Олимпийн хүрэл медальт, дэлхийн аварга ( алт, мөнгө, хошой хүрэл )Мөнхбатын Уранцэцэг маань жүдогийн дэвжээнээс "зодог тайлсан" ч холимог тулааны төрөлд хүч үзэхээр бэлтгэл сургуулилтаа АНУ-ын Нью Мексико мужийн Альбукерке хотноо байрладаг "Jackson Wick MMA Academy"-д хийж байгаа билээ.

25 өдрийн өмнө
Өсвөрийн харваачдыг шагнаж урамшуулав

МҮОХ-ны Тэргүүн дэд ерөнхийлөгч Ч.Наранбаатар Ардын хувьсгалын 100, 101 жилийн ойн баяр наадамд амжилт гаргасан өсвөрийн харваачдыг багшийнх нь хамт хүлээн авч уулзлаа.

1 сарын өмнө