Биткойн болон блокчейны хөгжлийг интернетийн хөгжилтэй харьцуулах нь

2018 оны 5 сарын 142018-05-14

 Интернет гэдэг технологи нь 1991 онд хамгийн анхны вэбсайт тавигдсанаар хурдацтай хүч авч хөгжиж эхэлсэн гэж үзэж болох бөгөөд тэр цагаас хойш хүн төрөлхтөнг тэр чигт нь өөрчилсөн.

Тэгвэл Chris McCann хэмээх нийтлэлч интернет технологийн эхэн үеийг блокчейнтехнологийн эхлэлтэй харьцуулалт хийж үзжээ.

Ингэж харьцуулалт хийх нь тийм амархан биш.

Учир нь гэвэл яг хэдэн хүн криптовалют ашиглаж байгааг мэдэх боломжгүй.

  • Өөр криптогоо хадгалдаг хүмүүс янз бүрийн шалтгаанаас хэд л бол хэдэн онлайн хэтэвчтэй байж болно.
  • Бирж дээр криптогоо хадгалж байгаа хүмүүсийн хувьд 1 хэтэвчний ард 1 хэрэглэгч байгаа гэсэн үг биш. Зарим биржүүд гүйлгээ хийх бүртээ шинээр хэтэвч үүсгэдэг.

Тиймээс крипто хэрэглэгчдийн тоог барагцаагаар таамаглахаас өөр аргагүй юм.

Криптовалютын хэрэглэгчдийн өсөлтийг хэмжих нь

Хэрэглэгчдийн өсөлтийг хэд хэдэн төрлийн өөр аргаар таамаглах гэж оролдов.

  • Биткойн болон Эфириум хэтэвчний өсөлт
  • Биткойн болон Эфириум идэвхитэй хаягнуудын өсөлт
  • Крипто биржүүдийн хэрэглэгчдийн өсөлт
  • Нийт крипто валют арилжаалагдаж буй хэмжээний өсөлт

Одоогоор ойролцоогоор 24 сая Биткойн хэтэвч үүсгэгдсэн байгаа билээ. Гэвч нэг хүн олон хэтэвчтэй байж болно, мөн зарим биржүүд гүйлгээ бүрт Биткойн үүсгэдэг гэх мэт шалтгаанаар 24 сая хэтэвч байна гэдэг нь 24 сая хэрэглэгч байгаа гэсэн үг биш. Тиймээс 24 сая нь Биткойн хэрэглэгчдийн дээд хязгаар байж болно.

Хэтэвчнүүдийн тооноос гадна өдөр бүрт идэвхитэй байдаг хэтэвчнүүдийг бид мөн тоолж болно. Сар сараа дундажлаж харвал.

Нэг өдөрт хамгийн олон хэтэвч идэвхтэй байсан тоо ойролцоогоор 1.1 сая юм. Энэ нь өдөр бүр идэвхитэй байдаг хэрэглэгчдийн дундаж гэж таамаглаж болно. Эфириумын хэтэвчнүүд дээр мөн адил дээрх хоёр графыг харж болно.

Одоогоор нийт 31 сая эфириум хэтэвч үүсгэгдсэн бөгөөд мөн нэг өдөртөө хамгийн олон хэтэвч идэвхтэй байсан хэмжээ нь 1.1 сая юм.

Эфириумын хэрэглэгч болон Биткойны хэрэглэгч нарын хооронд маш өндөр хэмжээний давхцал байгаа гэж таамаглахад буруутахгүй.

Крипто биржүүдийн хэрэглэгчдийн тоог мөн харж бас болно.

Зарим биржүүд өөрсдийн хэрэглэгчийн тоог олон нийтэд зарладаггүй. Хэрэв бид өөрсдийн хэрэглэгчдийн тоог нээлттэй мэдэгддэг бүх биржүүдийн мэдээллийг авч, тухайн бирж дээр эргэлдэж буй эргэлттэй уялдуулж хуваах юм бол нэг хэрэглэгч дунджаар хэр хэмжээний арилжааны хэмжээ бий болгодгийг мэдэх боломжтой. Түүнээс үндэслэж биржүүдийн мэдээллээр дэлхийн нийт хэрэглэгчдийг 20.2 сая гэж таамаглаж болно.

Эдгээр мэдээлэл дээр үндэслэж дэлхий дээр нийт 20-30 сая хүн криптовалют хэрэглэж, блокчейн технологи ашиглаж байна гэж би таамаглаж байна.

Блокчейн технологийн хэрэглэгчдийн өсөлтийг интернет технологийн хэрэглэгчдийн өсөлттэй харьцуулах нь

Интернет хэрэглэгчдийн өсөлт

1990-1995 оны хооронд интернет хэрэглэгчдийн өсөлтийг 2013-2018 оны хооронд криптовалют хэрэглэгчдийн өсөлттэй харьцуулах юм бол.

Энэ графаас харах юм бол манай салбар интернет технологийн өсөлтийн эхэн үедээ маш төстэй дур зурагтайгаар хөгжиж байгаа нь харагдаж байна. Интернет технологиор бол крипто салбар нь 1994 оны интернет хөгжлийн үетэй адил үед явж байна.

Интернет технологийн эхэн үед бий болж байсан вэбсайтуудтай одоогоор блокчейнтехнологи дээр хөгжүүлэлт хийгдэж буй хэрэглээний нэгж, DAPP зэргүүдийн тоог харьцуулж үзье.

Вэбсайтуудын өсөлт

Тэгвэл 1991 – 1995 оны хооронд шинээр бий болж байсан вэбсайтуудын тоог 2014-2017 оны хооронд шинээр бий болж байгаа криптовалют, хэрэглээний нэгж, болон Dapp-нуудын тоотой харьцуулах юм бол.

Энэхүү харьцуулалт дээр крипто салбар нь мөн л 1994 онд явж байгаа харагдаж байна. Хамгийн сүүлд нь бид 1991-1995 оны хооронд амжилттайгаар санхүүжилт авсан интернетийн компаниудын тоог 2014-2017 оны хооронд амжилттайгаар санхүүжилт авсан блокчейн компаниудын тоотой харьцуулж үзье.

Дүгнэлт

  • Криптовалют болон блокчейн технологи нь сүүлийн жил маш олон хэрэглэгч шинээр татаж байгаа ч интернет технологитой харьцуулах юм бол дөнгөж 1994 онд явж байгаатай адил дүр зураг ажиглагдаж байна.
  • Хэдийгээр энэ харьцуулалт дээр графууд нь хоорондоо маш төстэй байгаа боловч энэ нь блокчейн технологийн хөгжилт интернет технологийн хөгжилтэй яг адил зургаар цааш үргэлжилнэ гэсэн баталгаа биш.

Одоогоор криптовалют болон блокчейн технологийн үндсэн хэрэглээ нь зах зээл таамаглал дээр мурий тавих, үнэ цэнэ хадгалах, хөрөнгө оруулалт болгож ашиглах, мөн төлбөр төлөх юм. Хэрэв төвлөрсөн бус аппликейшнүүд амжилттайгаар хөгжиж, олон нийтийн хэрэглээ болж, блокчейн технологи нь үндсэн хэрэглээ нь төвлөрсөн бус интернет болж чадсан тохиолдолд магадгүй ирээдүйн хөгжил нь интернет технологийн хөгжилтэй төстэй дүр зургаар үргэлжилж болох юм.


Эх сурвалж: Monbit.mn

Санал болгох

"Apple"-д хортой кодын хамгаалалт хэрэгтэй

“macOS” үйлдлийн системд хортой кодын хамгаалалт хэрэгтэй болжээ. Өнгөрөгч 7 хоногт ThiefQuest нэртэй шинэ төрлийн хортой код P2P үйлчилгээгээр дамжин тархдаг хууль бус программ хангамжуудаас илэрч эхэлсэн.

1 сарын өмнө
Windows үйлдлийн системийг ингэж шинэчилжээ

Microsoft компаниас программ хангамжийн аюулгүй байдлын шинэчлэлтийн багцыг өнгөрсөн зургадугаар сард гаргажээ. Энэ нь дэлхийд COVID-19-ийн дэгдэлт эхэлснээс хойшхи гурав дахь шинэчлэл бөгөөд хөл хорионы үеэр аюулгүй байдлын багууд эмзэг байдал, цоорхой гаргахгүйн үүднээс шинэчлэлтүүдийг хийсээр байна.

1 сарын өмнө
Цахим орчны “Цар тахал”

Дэлхий олон улс оронд тархсан “Covid-19” цар тахлын тархалттай мөр зэрэгцэн цахим орчинд цахим халдлага, залилан, хортой кодын тархалт нэмэгдэж байгаа бөгөөд мэргэжилтнүүд үүнийг хөл хорионы дэглэмийн үед мэдээллийн технологийн хэрэглээ огцом өссөнтэй холбон тайлбарлаж байна.

3 сарын өмнө
Хүний аминд хүрэх компьютерийн вирус

Шинжээчидийг үзэж байгаагаар хамгийн муугаар бодоход энэхүү хорт код нь азотын хүчлийн хорт хийг алдагдуулах эсвэл томоохон хэмжээний дэлбэрэлт үүсгэж үйлдвэр болон ажилчидын амь нас хоёулаа аюулд орох магадлалтай байсан гэж үзжээ.

3 сарын өмнө