Доржсүрэнгийн Болдбаатар
Хятад судлаач, орчуулагч

Дэн Сяо Пингийн төр барих ухаан

1
2018 оны 5 сарын 212018-05-21

Дэн Сяо Пин улс төрийн тавцан дээрээс гурван удаа унаж гурван удаа гарч ирж байсан ховор түүхтэй нэгэн. Түүнийг буухаар улс орон уруудаад гараад ирэхээр сэргээд ирдэг байсан нь сонин. Соёлын хувьсгалын ид үед буюу түүнийг 1974 онд хоёрдахь удаа буцаан өндөр албанд томилоход ердөө есөн сар хүрэхгүй хугацаанд улс орны эдийн засаг 1,2 хувиар өсөж байсан байдаг юм. Нэг их өндөр боловсролтой байгаагүй тэрбээр хэнийг хаана тавихаа мэддэг нь улс төрч хүний гол чадвар юм л даа.

Гуравдахь удаагаа буучихаад 68 настай тэрбээр хойд ээж, даралт өндөртэй эхнэр хоёрыгоо аваад Зянсу мужид цөллөгөнд байсан. Мань мэт шигүүд нь бол амьдрал дууслаа гэж бодохоороо доо. Гэтэл тэр слесарийн найман цагийн ажлаа амжуулчихаад орой болгон хятад өвгөчүүлийн заншлаар хашаандаа тарьсан ногоо цагаагаа услаж бордоно. Тэгээд орой наймаас шөнийн хоёр цаг хүртэл ном уншин суудаг байжээ. Маргааш нь найман цаг хүртэл хашаандаа алхангаа уншсан номоо бодож алхдаг байсан байгаа юм. Бодвол бас улс орноо хэрхин өөд татах тухай боддог байсан байлгүй.

Тэгээд "Чулуу тэмтэрч гол гатлахуй", "Улсыг засах жараахай шарахаас амархан", "Хүр хорхой ялмын модыг идэхүй", "Муур хар цагаан байх хамаагүй. Хулгана барьж чаддаг л бол тэр сайн муур" гэх зэрэг алдартай онолуудаа гаргажээ. 
-Чулуу тэмтэрч гол гатлах гэдэг нь Хятад шиг том гүрэн хүн төрөлхитний туулж ирсэн зөв зам мөр болох зах зээлийн тогтолцоо руу орох ёстой. Гэхдээ голын шавартай хэсгээр биш хайргатай хэсгээр гатлах ёстой гэдэг онол юм.

-Улсыг засах жараахай шарах амархан гэдэг онолыг бүр Лаозы Богд дэвшүүлсэн л дээ. Тэрийг орчин үед зөв зүйтэй хэрэглэсэн байдаг. Өөрөөр хэлбэл улсын удирдагчид хэрэгтэй гол зүйлсийн судсыг олж барих хэрэгтэй. Түүнээс биш хогийн цэг дээр давхиж очоод уриа лоозон хашгирах албагүй гэдэг энгийн логик л доо.

-Хүр хорхой гэж жижигхэн хорхой алгын чинээ том ялмын модтой харьцуулахад бөөсөн чинээ жижиг боловч мэрсээр байгаад өөрөө ч томроод навчаа дуусгадаг аж. Тэрэн шиг том улс гүрнийг нэг захаас нь бодлоготой хөгжүүлэх хэрэгтэй гэсэн нарийн ухаан бөлгөө.

-Хар цагаан муурын онол нь бол ард түмнийгээ л сайхан амьдруулж байвал ямар -измтэй байх нь хамаагүй гэсэн бодлого юм.

Одоо тэр дагуу буюу Дэн Сяо Пингийн дээр дэвшүүлсэн бодлогын дагуу Хятад улс хэрхин хөгжиж байгааг бид бүхэн харж байна. Дэн Сяо Пингийн амьдралын сүүлчийн жилүүдийг харахад сайхан хоол идэж хааяа нэг Маотайгаа шимчихээд үе тэнгийн хэдэн өвгөчүүдтэй "Бридж" нэрт тоглоом наадан суудаг байсан байгаа юм. Тэгэхдээ хэнийг хаана тавьбал улс оронд хэрэгтэйг маш сайн мэддэг байсан гэдэг. Ер нь Дэн Сяо Пин амьд сэрүүн ахуйдаа дэд сайдаас дээш албан тушаалтны томилгоог хөшигний цаанаас шийддэг байжээ. ҮРГЭЛЖЛЭЛ БИЙ. . . . . . .

Санал болгох

Судар бичгийн хүрээлэнгийн тайлан буюу ОХУ-аас юу хүсэх хэрэгтэй вэ?

1927 оны 11-р сарын 1-нд эхэлж, мөн сарын 16-ны өдөр өндөрлөсөн БНМАУ-ын 4-р их хуралд 88 төлөөлөгч оролцож, 25 илтгэл сонсон хэлэлцжээ. Үүнд Судар бичгийн хүрээлэнгийн илтгэлийг дарга Жамьян буюу олноо алдаршсанаар Жамьян гүн илтгэн танилцуулсан байна. 

21 өдрийн өмнө
Өвгөөдэй Цэндийн Дамдинсүрэн: “Мал ба газар тариалангийн яам эсэргүү зэвсэгт бослогод бэлдэх байтугай манаандаа барих буугүй газар шүү”

Өвгөөдэй Дамдинсүрэн агсны өөрийнх нь бичиж үлдээсэн дуртгал, өгүүлэл, бүтээлийн эшлэл учраас эрхэм уншигч та ч гэсэн миний адил, эгээ л Дамдинсүрэн гуай дүрээрээ суугаад сургаал зөвлөгөөгөө хайрлаж буй мэтээр сэтгэн уншаарай.

1 сарын өмнө
Казах иргэд ба монгол хэл, бодлого

Баян-Өлгийн хувьд монгол хэлний сургалт, бодлогыг эрүүл ухаанаар бодож боловсруулахгүй бол болохгүй

3 сарын өмнө
Монголын буудалд орогносон хятадуудаас үлдэх сургамж

Тэднийг илрүүлсэн сайн, ийм зохион байгуулалтаар хууль бус үйлдэл хийж болзошгүйг нийтээрээ мэдэж авсан нь илүү сайн боллоо.

3 сарын өмнө