Зэвсэгт хүчний Соёмбо сонин
Монгол Улсын Зэвсэгт хүчний сонин

Монголын энхийг сахиулагчид Суданы таван иргэний амь насыг аварлаа

2018 оны 5 сарын 212018-05-21

БНӨСУ-д энхийг сахиулах үүрэг гүйцэтгэж буй Монгол Улсын Зэвсэгт хүчний долоодугаар ээлжийн батальоноос манай сурвалжлагч, ахлах дэслэгч Э.Очхүү мэдээ ирүүллээ.

Мэдээлэлд "БНӨСУ-ын Бентью хотод байрлах дотоодын дүрвэгсдийн хуаранд 120 гаруй мянган хүн байгаагаас 80 хувийг нь хүүхэд, эмэгтэйчүүд эзэлж байна. Хүүхэд, эмэгтэйчүүд дүрвэгсдийн хуарангийн ойролцоох газруудаас модны нүүрс бэлтгэн худалдаалах, ногоо тарих зэргээр амьжиргаагаа залгуулдаг. Гэтэл энэ сарын 11-нд зэвсэгт этгээдүүд таван эмэгтэйг хүч хэрэглэн авч явсан талаар мэдээллийг орон нутгийн иргэд дотоодын дүрвэгсдийн хуаранд үүрэг гүйцэтгэж байсан НҮБ-ын цагдаагийн офицерт ирүүлсэн байдаг. Улмаар НҮБ-ын Цагдаагийн ажиллагааны төвөөс хурандаа Д.Энхбаатар захирагчтай Мотобуудлагын VII ээлжийн батальоноос дэмжлэг хүссэний дагуу томилогдсон шуурхай бүлэг “Самнан хайх ажиллагаа” зохион байгуулж, гэмт этгээдүүдийг шуурхай илрүүлж, иргэдийг барьцаалах оролдлогыг таслан зогсоолоо. 

Шуурхай бүлгийн бие бүрэлдэхүүн зэвсэгт этгээдүүдээс аварсан эмэгтэйчүүдийг хамгаалан дотоодын дүрвэгсдийн хуаранд ирэх үед орон нутгийн иргэд, олон улсын хүмүүнлэгийн байгууллагын ажилтнууд, НҮБ-ын цэрэг, цагдаагийн алба хаагчид угтан авч баяр хүргэсэн юм. Мөн Монголын цэргийн багийн байрлах Юнити мужид суух НҮБ-ын UNMISS ажиллагааны зохицуулагч хатагтай Хироко Хирахара болон олон улсын хүний эрхийн байгууллагуудаас дээрх үйл явдалтай холбогдуулан Монголын цэргийн алба хаагчдад талархалын захидал ирүүлээд байна" гэжээ. Дэлхийн халуун цэгийн нэг болох Өмнөд Суданд монгол цэргүүд үүргээ нэр төртэй биелүүлж, даян дэлхийн энх тайваны төлөөх ариун үйлсэд Монгол Улс, Зэвсэгт хүчнийхээ нэр хүндийг өндөрт өргөж, монгол хүний хүнлэг тусч, сэтгэлийг дуурсгасаар байна. 

Эх сурвалж: "Соёмбо" сонин

Санал болгох

Украинд байлдааны нисэх онгоц нийлүүлэх боломжийн талаар ярилцаж эхэллээ

Польшийн Ерөнхий сайд Матеуш Моравецки “НАТО-гийн орнууд зөвшилцөн холбогдох шийдвэр гаргавал Польш улс F-16 сөнөөгч онгоц нийлүүлэх боломжтой” хэмээн нэгдүгээр сарын 30-нд мэдэгдсэн бол Францын Ерөнхийлөгч, Нидерландын Ерөнхий сайд нар хамтарсан хэвлэлийн бага хурлыг хийж “Украинд байлдааны онгоц нийлүүлэх асуудлыг  зарчмын хувьд үгүйсгэхгүй” гэдгээ илэрхийллээ.

18 цагийн өмнө
Нисгэгчгүй онгоцоор Иранд цохилт өгчээ

Мөн Ираны Зүүн Азербайжан мужийн Шахид Салими хотод хөдөлгүүрийн тосны томоохон үйлдвэр шатсан, баруун хэсгийн Дизфул хотын агаарын баазад дэлбэрэлт болсон,  тус улсын баруун хэсэгт орших  Хамадан хот, хойд хэсэгт орших  Рашт хотод дэлбэрэлт болж гал гарсан тухай Ираны IRNA, Tasnim агентлагууд мэдээлж байна. Улмаар Ираны нийслэл Техран хотод дэлбэрэлтийн чимээ сонсогдож,  нийслэлийн дээгүүр сөнөөгч онгоцнууд хөөрсөн талаар нутгийн оршин суугчид мэдээлж байна.  

19 цагийн өмнө
ОХУ-ын телевизүүүдийг хакердаж Украины Ерөнхийлөгч В.Зеленскийн үгийг дамжуулжээ

Тэрээр “Украины Зэвсэгт хүчин өмнө нь Украины бүрэлдэхүүнд байсан газар нутгаа удахгүй буцааж авна” хэмээн сувгаар нэгэн зэрэг мэдэгджээ.

2 өдрийн өмнө
Оросын “Адмирал Горшков” хөлөг онгоцоор Атлантын далайд сургуулилт хийлээ

Тус сургуулилтаар 900 километрийн зайд байрлах болзошгүй дайсны хөлөг онгоцыг Циркон хэт авианы пуужингаар харвах ажиллагааг компьютерын дуурайлган үзүүлэх аргаар боловсруулсан хэмээн Оросын БХЯ мэдээлж байна. Уг хөлөг онгоц Сирийн Тартус боомт орж ар тал хангалтаа нөхөх, улмаар Хятад, Өмнөд Африкийн тэнгисийн цэргийн хүчинтэй хамтарсан сургуулилтад оролцох үндсэн чиглэлтэй байсан юм.

5 өдрийн өмнө