Супер тулааны ялагч Жордан Барроуз

35
1
1 жилийн өмнө

“Лондон-2012” олимпийн наадам болон дэлхийн дөрвөн удаагийн аварга АНУ-ын Жордан Барроуз, “Рио-2016” олимпийн наадмын хүрэл медальт, дэлхийн хошой аварга Италийн куба легионер Франк Чамизо нарын халз тулаан өнөөдөр АНУ-ын Нью-Йорк хотын “Beat the Streets” гудамжинд боллоо. Шоуны тов зарлагдсанаас хойш чөлөөт бөхийн хорхойтнуудын анхаарлыг татаад байсан энэхүү дуэлийн өмнө нь олимпийн наадмын алт, мөнгөн медальт, Азербайжаны Тогрул Аскеров, эзэн орны Жордан Оливертэй халз барилдсан юм. “Хигенамин” хэмээх хориотой бодис хэрэглэсний улмаас эрхээ нэг жилээр хасуулж, өнгөрсөн сараас цагаадсан азербайжан эр өрсөлдөгчдөө 3:3-аар ялагдав. Түүнчлэн АНУ-ын эмэгтэйчүүдийн шигшээ баг Нигерийг 2:1-ээр, АНУ-ын эрэгтэйчүүдийн шигшээ баг Кубыг 5:1-ээр тус тус буулган авсан юм. 

Хамгийн сүүлд Барроуз, Чамизогийн супер тулаан болоход америк эр 6:5-аар давамгайлснаар хүсэн хүлээсэн дуэлийн ялагч боллоо. Тэд аравдугаар сард Унгарын Будапештэд болох ДАШТ-д дахин уулзалдах магадлал өндөр.

БУСАД ХАЛЗ БАРИЛДААНЫ ДҮН:

АНУ - НИГЕРИ (ЭМЭГТЭЙЧҮҮД) 2:1
57 кг: Хелен Марулис - Одунайо Адекуоройе 4:1
59 кг: Меган Блэйк - Аминат Адений - цэвэр ялсан 
68 кг: Тамыра Мынса Сток - Блессинг Оборудуду 2:1

АНУ - КУБА (ЭРЭГТЭЙЧҮҮД) 5:1

57 кг: Жош Родригес - Рейнери Ортега 1:5
70 кг: Жеймс Грин - Франклин Марен Кастильо 2:1
79 кг: Кайл Дэйк - Ливан Лопес Азкүй 13:1
92 кг: Жейден Кокс - Юрьески Торребланка 2:1
97 кг: Кайл Снайдер - Рейнерис Салас 9:8
125 кг: Ник Гвяздовски - Юденни Алапажон Эстевез 9:1

Санал болгох

Олимпийн наадмаас авах медалийг тоог 2027 онд 22 болгох зорилт дэвшүүлжээ

Төрөөс биеийн тамир, спортын талаар баримтлах бодлогын бичиг баримтад тусгасан зорилтууд.

19 өдрийн өмнө
2019 онд орон нутагт гурван жижиг талбай баригдана

Азийн Хөлбөмбөгийн Холбооны дэмжлэгтэйгээр Булган, Завхан, Увс аймгуудад 2019 онд стандарт жижиг талбайг байгуулахаар төлөвлөжээ.

1 сарын өмнө
Олимпийн бэлтгэлд 6.5 тэрбумыг 2019 онд зарцуулна

Олимпийн наадамд бэлтгэх үндэсний хорооны дарга У.Хүрэлсүх бэлтгэх ажлыг эрчимжүүлэх тухай тогтоол гаргалаа

2 сарын өмнө