Ховд аймгийнхан үнэхээр гайхшрууллаа

41
1 жилийн өмнө

Энэ сарын 23-нд 19 00 цагт “ХӨӨРХӨН ЖИНЖИЙМАА” тоглолт СТӨ-нд болход  үзэх боломж олдсон юм. Оны шилдэг хөгжмийн зохиолч шалгаруулах “Морин хуур-2017” наадмын Гран-при шагналт хөгжмийн зохиолч Базарсадын Хүрэлбаатар тоглолтоо ийнхүү нэрийджээ.

Тоглолт хөгжмийн зохиолчийн “Цөөд баян алтай” дуугаар эхэлж удаах ноймор нь Ардын Жүжигчин В.Зангад гуай “Буянт гол”-оо дуулж нутгийн хөгжмийн зохиолч дүүгээрээ бахархаж байгаагаа илэрхийлснээр “Сар анх мандсан нутаг” баримтат киноны 15 минутын симфони, сүэтийг дуурь бүжгийн эрдмийн театрын симфони оркестор эгшиглүүллээ. 

Үүнээс цааш тоглолтын зарим бүтээлүүд бараг 60 хувь нь симфони оркестортой тоглогдсон явдал нь хөгжмийн зохиолчийн бүтээлийн чанар чансааг илтгэж байгаагаас гадна нутгийн зон олны дэмжлэг туслалцаа байсан нь дамжиггүй юм.    

Ингэж бодохоор ч байв. Хөгжмийн зохиолч Б.Хүрэлбаатар “Эгиймаа” дууныхаа 3 дугаар бадгийг дуулаад үзэгчдэд хандаж хэлсэн үгэндээ “Уг тоглолтыг хийхэд гүн туслалцаа үзүүлсэн “Ховд аймгийн нутгийн зөвлөл”, “Ховд аймгийн хөгжлийн төлөө сан”, “Нутгийн зөвлөлийн байгууллага”, нутгийн төрийн түшээддээ баярлалаа” гэж хэлхэд нь үнэхээр цагаан атаархал төрж байсан шүү. Үзэгчид соёлын төв өргөөний заалыг битүү дүүргэж, нижигнэтэл алга ташиж байлаа.

Ховд аймгийнхан үнэхээр гайхшрууллаа. Соёлын төв өргөөнд 02:30 минут үргэлжилсэн уг тоглолт тарсны дараа хүн бүр амандаа “Нутгийн байгууллага, төрийн түшээд нь яасан мундаг юм вэ? Ингэж л дэмжиж байж урлагийн хүмүүс нь хөглөгдөж цааш цаашдаа их юм хийнэ дээ” гэж байлаа.

Ховд аймгийнхан үнэхээр гайхшрууллаа

Санал болгох

The Wasabies: Бидний гол зорилго бол Азид болон онлайн орчинд Монгол Улсаа сурталчлах

Энэ удаа Монголын хамгийн отгон охидын хамтлагийн гишүүдтэй ярилцлаа.“Wasabies” хамтлаг байгуулагдаад нэг жил болж байгаа бөгөөд гишүүд 16-19 настай. Охид аль хэдийнээ таван дуу гаргаж, анхны цомгоо гаргахаар бэлдэж байгаа бөгөөд удахгүй бие даасан тоглолтоо хийхээр бэлдэж байна.  

23 өдрийн өмнө
Ж.Энхзаяа: “Playtime 2019” хөгжмийн наадамд АНУ-ын алдарт “Yo La Tengo” тэргүүтэй 30 хамтлаг оролцоно

“Playtime” бол Монголын хамгийн том бөгөөд 18  жилийн түүхтэй хөгжмийн наадам. Сүүлийн жилүүдэд тус наадмын нэр хүнд улам өсөж дагаад хувцас загвар, аялал жуулчлал хөгжиж байгаа. Тиймээс энэ жилийн “Playtime” хөгжмийн наадмын тухай хөгжлийн асуудал хариуцсан захирал Ж.Энхзаяатай ярилцлаа.

1 сарын өмнө
"The Hu" хамтлаг Bilboard-ын жагсаалтад багтлаа

Монголын метал рок Bilboard жагсаалтад бичигдсэн нь олны анхааралд өртөв.

1 сарын өмнө
НордАрт-Олон улсын дүрслэх урлагийн үзэсгэлэнд 23 уран бүтээлч оролцохоор шалгарлаа

ХБНГУ-д НордАрт-Олон улсын дүрслэх урлагийн үзэсгэлэн 21 дэх удаагаа зохион байгуулагдах гэж байгаа.  Монгол Улс ХБНГУ-тай дипломат харилцаа тогтоосны 45 жилийн ой, НордАрт Монгол Улсын хамтын ажиллагааны 5 жилийн ойн хүрээнд манай улсаас тус үзэсгэлэнд  23 уран бүтээлч 53 бүтээлээрээ оролцохоор боллоо.

1 сарын өмнө