Ш.Түмэнцэцэг Жакартагаас мөнгөн медаль авчирлаа

22
10 сарын өмнө

“Жакарта-2018” Азийн зуны спортын XVIII наадмын чөлөөт бөхийн эмэгтэйчүүдийн 68 кг-ын жинд Азийн АШТ-ий хошой мөнгө, хошой хүрэл, залуучуудын Азийн АШТ-ий мөнгө, Иван Ярыгиний “Алтан Гранпри”-гийн гурван хүрэл медальт, “Монголиа Опен” ОУТ-ий гурав, улсын дөрвөн удаагийн аварга “Хилчин” спорт хорооны тамирчин ОУХМ Шархүүгийн Түмэнцэцэг Монголын баг тамирчдын анхны мөнгөн медалийг авчирлаа. Түүнчлэн энэ нь Монголын чөлөөт бөхийн тамирчдын Азийн наадмаас хүртсэн 17 дахь мөнгөн медаль болж байна.

Тэрбээр Индонезийн нийслэлд шөвгийн наймд Азийн АШТ-ий мөнгө, Хамтын нөхөрлөлийн орнуудын наадмын хүрэл медальт Энэтхэгийн Дивья Какран, хагас шигшээд “Лондон-2012” олимпийн наадамд оролцож явсан Тайваний Чен Венлингийг тус бүр оноогоор цэвэр ялсан ч алтан медалийн төлөөх барилдаанд “Лас-Вегас-2015” ДАШТ-ий мөнгөн медальт, “Инчён-2014” Азийн наадам болон Азийн хошой аварга БНХАУ-ын Зоу Фенгэд 1:4-өөр ялагдсан.

Сонирхуулахад, Ш.Түмэнцэцэг нанхиад бүсгүйд Азийн наадмаас гадна энэ жилийн Дэлхийн цом, 2015, 2017, 2018 оны Азийн АШТ гээд таван барилдаанд ялагдаад байна.

Эх сурвалж: Монголын чөлөөт бөхийн холбоо

Санал болгох

Олимпийн наадмаас авах медалийг тоог 2027 онд 22 болгох зорилт дэвшүүлжээ

Төрөөс биеийн тамир, спортын талаар баримтлах бодлогын бичиг баримтад тусгасан зорилтууд.

1 сарын өмнө
2019 онд орон нутагт гурван жижиг талбай баригдана

Азийн Хөлбөмбөгийн Холбооны дэмжлэгтэйгээр Булган, Завхан, Увс аймгуудад 2019 онд стандарт жижиг талбайг байгуулахаар төлөвлөжээ.

2 сарын өмнө