“Магнай трейд”-ийн Р.Ганзоригийг суллаж, гадуур байцаахаар болов

1.1 зуу
3
8 сарын өмнө

-    Р.Ганзориг, Г.Дашням нарыг “Жаст ойл” ХХК-г худалдаж авсантай холбон шалгаж байх магадлалтай-

e324abf5-cf3c-4e5b-9b53-63c47a85e6bf,мт-жаст-Р.Ганзориг.jpg.jpg

“Магнай Трейд" компанийн захирал Р.Ганзориг болон түүний хүү Дашням нарыг аравдугаар сарын 8-ны өдөр Эрүүгийн цагдаагийн албаны Эдийн засгийн гэмт хэрэгтэй тэмцэх хэлтсээс саатуулсан. Шүүхийн шийдвэргүйгээр албадан саатуулах хугацаа 48 цаг байдаг.  Өчигдөр орой 48 цагийн хугацаа дууссан учир ажлын цаг тарахаас өмнө Р.Ганзориг болон түүний хүүг суллажээ.

Уг нь суллагдахаас нь өмнө Нийслэлийн прокурорын газраас үргэлжлүүлэн хорих саналаа шүүхэд хүргүүлэх ёстой. Гэвч өчигдөр ажлын цаг дууссаны дараа хорих саналыг шүүхэд иржээ. Гэхдээ зөвхөн Р.Ганзоригийг хорих санал ирсэн байна. Тиймээс өнөөдөр Р.Ганзоригыг хорих эсэхийг шүүх хэлэлцлээ. 

Нийслэлийн прокурорын газраас 30 хоногийн хугацаанд хорих санал ирүүлсэн ч Сүхбаатар дүүргийн шүүхээс прокурорын саналыг хүлээж авсангүй. Өөрөөр хэлбэл Р.Ганзориг нар гадуур байцаагдана гэсэн үг. 
Албаны эх сурвалжын мэдээллээр Р.Ганзориг нарыг мөнгө угаах, залилангийн гэмт хэрэгт буруутган шалгаж байгаа. Тэрээр Жаст группын Жаст ойл компанийг 40 тэрбум гаруй төгрөгөөр худалдаж авсан байдаг. Ингэхдээ хууль бус үйлдэл гаргасан байж болзошгүй байна. 

Жаст группын үүсгэн байгуулагч Ш.Батхүүг Эрдэнэт үйлдвэрийн 51 хувийг барьцаалсан хэрэгт шалгаж байгаа. Түүнийг хоригдох үед Ш.Батхүүгийн эд хөрөнгө эзэнгүй алга болсон байдаг.  Энэ асуудлыг шалгаж тогтоох шаардлагатай талаар хууль зүй дотоод хэргийн сайд хэлж байсан удаатай.
 

Санал болгох

“Сити тур” хотын автобустай аялал эхэллээ

Дотоод гадаадын жуулчдад дэлхийн жишигт нийцсэн үйлчилгээг үзүүлэх “Сити тур” хотын автобустай аяллыг хоёр дахь жилдээ Нийслэлийн Аялал жуулчлалын газраас эхлүүлж байна.

1 цагийн өмнө
Уул уурхайн компани, нөхөрлөлийн үйл ажиллагааг шалгажээ

Хүрээлэн байгаа орчны эсрэг гэмт хэрэг, зөрчилтэй тэмцэхэд орон нутаг дахь хууль хяналтын байгууллагуудын ажлыг уялдуулах зорилгоор Булган аймгийн Прокурорын газраас санаачлан тус аймгийн Бүрэгхангай, Дашинчилэн суманд үйл ажиллагаа явуулж уул уурхайн компани, нөхөрлөлүүдийг шалгажээ. 

3 цагийн өмнө
“Пентатерра” ХХК-ийн уурхайд осол гарч хүний амь эрсэджээ

5 сарын 23-ны 23:10 цагийн орчимд Сэлэнгэ аймгийн Баянгол сумын нутаг Нарангийн ам гэх газар ашиглалтын тусгай зөвшөөрөл эзэмшигч “Пентатерра” ХХК-ийн туслан гүйцэтгэгч “Шарын гол уул уурхай” ХХК-ийн HOWO371 автомашины оператор Б нь хөрсний овоолгыг зөөж тээвэрлэн ашиглалт явуулсан талбайд нөхөн дүүргэлт хийж байх явцдаа машинтайгаа уурхайн ухаш руу унаж осолдсон байна.

4 цагийн өмнө
Монгол хүүхдүүдийн шударга байдлын түвшин буурсан дүн гарчээ

АТГ-аас жил бүр хийдэг “Хүүхдийн шударга байдлын судалгаа”-ны дүнгээр Монгол хүүхдүүдийн шударга байдлын түвшин буурсан дүн гарчээ.

3 өдрийн өмнө