Д.Эрдэнэбат: Засгийн газар Монголбанк хоорондын мөнгөний бодлогын уялдаагүйгээс валютын ханш савж байгааг хүлээн зөвшөөрөх ёстой

22
3
9 сарын өмнө

УИХ-ын Эдийн засгийн байнгын хорооны хуралдаанаар Валютын зохицуулалтын тухай хуулийн төсөл болон хамт өргөн мэдүүлсэн бусад хуулийн төслүүдийн хэлэлцэх эсэхийг хэлэлцэв.

Энэ үеэр ам.долларын ханшийн чангаралтын талаар УИХ-ын гишүүн Д6Эрдэнэбат байр сууриа илэрхийллээ. Тэрбээр "Банкны гадуурхи гүйлгээ гэх мэтээс болоод валют саваад байна гэсэн танилцуулгад санал нийлэхгүй байна. Валютын ханшийн зохицуулалтыг хийх нь зөв. Гэхдээ дутуу байгаа зүйлүүд дээр нь хийхээс валютын ханшийг хяналтандаа авлаа гэж иргэдийн хил гаалиар халаасандаа авч гарч байгаа хэдэн ам.долларыг нь шалгаж баахан хүнд суртал үүсгэх юм бол энэ хууль буруу тийшээ явна. Аж ахуйн нэгжүүдийг гүйлгээнд хатуу хяналт тавиад ирэхээр мөн л адил.
Сангийн яам арилжааны банканд үнэт цаас өгөхөө болиод, өндөр хүүтэйгээс татгалзаад, бүгдийг нь аваад буцаагаад Монголбанкны бондыг авч байгаа гэж байна. Дөрвөн их наяд төгрөг гарсан байна. Өөрөө хэлбэл, Монголбанк дөрвөн их наяд төгрөг хэвлэсэн гэсэн үг. Энэ дөрвөн их наяд төгрөг зүйл бус хэрэглээг хөхиүлэн дэмжиж, импортыг өдөөж байгаа. ямар хяналт зохицуулалт цаашдаа явах юм. Энэ дөрвөн их наяд чинь цаашаа найман их наяд болох уу. 

Засгийн газар импортын худалдан авалтад хяналт тавьж зохицуулалтын бодлогыг хийх үүрэгтэй. Өнөөдөр валютын ханш савж байгааг тайлбарлахдаа ханшинд дэлхий буруутай гэж яриад хэн ч итгэхгүй. Та нарын өөрсдийгөө зүгээр л хамгаалах арга. Гэхдээ гол асуудал нь импорт 40 хувиар өсчихсөн учир валютын ханш савж байгаа. Тэгвэл импортыг өсгөх хүчин зүйл нь Засгийн газар өөрөө. Хяналт тавьж чадахгүй байгаа юм. Өөрөөр хэлбэл, Засгийн газар Монголбанк хоёр мөнгөний бодлогын ямар ч уялдаа холбоо байхгүй байгаагаас Монгол Улсын валют савж байгаа гэдгийг хүлээн зөвшөөрөх ёстой" хэмээсэн юм.

Санал болгох

Г.Занданшатар: Нэр бүхий 17 шүүгч авилга авсан, хүний эрхийг ноцтой зөрчсөнийг нотлох баримт хангалтай байна

Үндэсний аюулгүй байдлын зөвлөл 2019 оны 06 дугаар 26-ны өдөр хуралдаж нэр бүхий 17 шүүгчийн бүрэн эрхийг түдгэлзүүлэх зөвлөмж гарган, Монгол Улсын Ерөнхийлөгчид тогтоол  хүргүүлсэн байна. Уг тоолоолд үндэслэн Монгол Улсын Ерөнхийлөгч Х.Баттулга өнөөдөр 17 шүүгчийн бүрэн эрхийг түдгэлзүүлсэн юм.

3 цагийн өмнө
С.Амарсайхан: Өөрт нь ажлын хариуцлага тооцсон учраас намайг огцруулах гэж хөөцөлдөж байна

Өөрийг нь огцруулахаар Нийслэлийн иргэдийн төлөөлөгч Ж.Батсайхан гарын үсэг цуглуулж байгаа тухай асуудлаар Нийслэлийн засаг дарга бөгөөд Улаанбаатар хотын захирагч С.Амарсайхан тайлбар өглөө. 

5 цагийн өмнө