Ж.Мөнхбат: Ард иргэдийн бухимдлын гал руу наймын хувинтай ус цацаад унтрааж чадахгүй

6
1 жилийн өмнө

УИХ-ын чуулганы хуралдаанаар ХХААХҮ-ийн сайд Б.Батзориг сайдыг үүрэгт ажлаас нь чөлөөлөх асуудлыг хэлэлцэж байна. Хуралдааны үеэр УИХ-ын гишүүд асуулт асууж хариулт авч байна.

УИХ-ын гишүүн Ж.Мөнхбат: Сүүлийн үед Засгийн газар өөрсдөө хөндөөд шалгалт зохион байгуулаад, хариуцлага тооцож байгаа юм шиг мэдээлэл, ПиАр хийгээд эхэллээ. Нийгмийн шаардаж байгаа шударга ёсыг сайн бодоорой. Ард иргэдийн бухимдлын гал руу наймын хувинтай ус цацаад унтрааж чадахгүй.

Хэчнээн авсан зээлээ төлөөд, уучлалт гуйгаад ард иргэд хүлээж авахгүй байна шүү дээ. Цаашдаа ард иргэдийн итгэл, нийгмийн шударга ёсыг яах вэ.

Ерөнхий сайд У.Хүрэлсүх: Хэлж байгаатай санал нэг байна. Нийгэмд шударга ёсыг тогтоох чиглэлээр МАН асуудлаа ярина. Тун удахгүй. Үнэхээр үүнийг ярьж чадахгүй, хийж чадахгүй бол Засгийн газар ажиллах уу үгүй юу гэдэг асуудлыг ч хөндөнө. Би харлаа, тэвчлээ, ажиглалаа, засах гэж оролдлоо. Болохгүй байна.

Зээл авсан гишүүд зээлээ төлж, уучлалт гуйхгүй бол дахиж нэр дэвшихгүй шүү. Би гишүүдээсээ, ард иргэдээс дэмжлэг хүснэ. Чадахгүй бол би огцорно. 

Санал болгох

Үнэн ба зөв намын дарга А.Отгонбаатар нарыг саатууллаа

Нийслэлийн Засаг дарга авто зам ашигласны төлбөрийг тав дахин нэмэх санал гаргасныг НИТХ дэмжиж, нийслэлийн 2020 оны төсвийг баталсан. Үүнийг эсэргүүцэж Үнэн ба зөв намын дарга А.Отгонбаатар, МАХН-ын дэд дарга Ц.Оюунбаатар, Ардчилсан залуучуудын холбооны Бодлогын зөвлөлийн гишүүн Б.Цэгмид, МАХН-ын гишүүн Б.Жагар, Босоо хөх Монгол ТББ-ын дэд тэргүүн Б.Чойпүрэв нар Сүхбаатарын талбайд жагсаал зохион байгуулж, төв замыг хаасан. Тэд төлбөр нэмэх шийдвэрээ эргэн харах, нийслэлийн төсөвт тавьсан үрэлгэн зардлыг танах шаардлагыг тавьж байгаа юм.

9 цагийн өмнө
Opendata: УИХ-ын гишүүдийн эзэмшдэг, тэргүүлдэг ТББ-ууд

ТББ гэдэг малгайн дотор шашны байгууллага, бизнесийнхэн, спорт холбоод, нийтийн эрх ашгийн төлөө төрд шаардлага тавьдаг иргэний нийгмийнхэн, мэргэжлийн холбоод, сургуулиуд, нутгийн зөвлөлүүд, үйлдвэрчний эвлэлүүд, намууд, боловсролын байгууллагууд, шантаажчид багтана. ТББ-ын тамгагүй дарга гэж алга, холбоо, сангүй УИХ-ын гишүүн бараг алга.

10 цагийн өмнө
Нийгмийн сүлжээний хяналт ба УИХ-ын гишүүдийн байр суурь

УИХ, орон нутгийн 2016 оны сонгууль, 2017 оны Ерөнхийлөгчийн сонгуулиар улстөрчид иргэдэд бодлого, мөрийн хөтөлбөрөө танилцуулахаас илүүтэйгээр өрсөлдөгчөө гутаах доромжлох чиглэлийн мэдээлэл түлхүү цацсан. Ийм хар мэдээлэл Монголын эрх зүйн орноос гадуурх дүрэмгүй талбар буюу фейсбүүк, твиттэр зэрэг нийгмийн сүлжээгээр тархсан юм. Зохион байгуулалттайгаар нэгнийхээ эсрэг хийсэн эдгээр акциуд сонгогдсон болон сонгуульд ялагдсан улстөрчдийн нурууг авсан гэхэд болно.

10 цагийн өмнө