Э. Сайнзаяа
Сэтгүүлч

Осол гэмтэл нас баралтын тэргүүлэх шалтгаан болж байна

2018 оны 1 сарын 172018-01-17

e7a8afa3-09ee-416d-95ea-9e07c9ecd3b7,703a15_DSCF6554_x974.jpg.jpg

Ахуйн ослоос урьдчилан сэргийлэх зорилготой “Миний гэр аюулгүй орчин” сэдэвт аяны талаар Эрүүл Мэндийн Яамнаас /ЭМЯ/ өнөөдөр мэдээлэл хийлээ.

“Миний гэр аюулгүй орчин" аян энэ сарын 18-наас эхэлнэ

ЭМЯ-ны Нийгмийн эрүүл мэндийн газрын дарга Д.Ганцэцэг: Бид 2017 оныг "Нийгмийн эрүүл мэндийг дэмжих жил" болгосон байгаа. Өөрөөр хэлбэл ард иргэдээ өвдсөн хойно нь биш, өвдөхөөс нь өмнө урьдчилан сэргийлье төлөвлөгөөг Монгол Улсын Засгийн газар, тэр дундаа ЭМЯ санаачлан гаргасан гэж ойлгож болно. Статистик мэдээллээр нас баралтын тэргүүлэх шалтгааны гуравдугаар байрт осол гэмтэл орж байна. Тэгэхээр яах аргагүй осол гэмтэлд бид зайлшгүй анхаарах ёстой. Энэ жилийн аяныг бид энэ сарын 18-наас хоёрдугаар сарын 28-ныг хүртэл “Миний гэр аюулгүй орчин" ахуйн ослоос сэргийлэх зорилготой аяныг ЭМЯ, БСШУСЯ, Гэр бүл хүүхэд, залуучуудын хөгжлийн газар, ГССҮТ, Улаанбаатар хотын Захирагчийн ажлын алба болон бусад байгууллагатай хамтран зохион байгуулах гэж байна. Энэхүү үйл ажиллагааны гол зорилго нь гэр орон, ахуйн нөхцөлд хайхрамж болгоомжгүй байдлаас үүдэх осол гэмтлийг бууруулах, хүн амын мэдлэг, хандлагыг өөрчлөн зохистой зан үйлийг төлөвшүүлж, ахуйн ослоос урьдчилан сэргийлэх юм.

Тоо баримтаас дурдвал:

Нийт өвчлөлийн аравны нэгийг осол гэмтлийн өвчлөл эзэлдэг

Жил бүр 5.2 сая гаруй хүн осол гэмтлийн улмаас амь насаа алддаг

Судалгаагаар 2020 онд осол гэмтлийн улмаас нас барах хүний тоо 8.4 саяд хүрэх магадлалтай

Монгол Улсад нийт осол гэмтлийн 86.6 хувийг санамсаргүй осол гэмтэл эзэлдэг

Гэмтлийн гол шалтгаан болох унаж гэмтэх гэмтэл нь бүх насны бүлгийн хүмүүсийн гэмтэж бэртэх шалтгааны нэгдүгээрт ордог

Хоёрдугаарт 0-4 насанд түлэгдэлт

Гуравдугаарт 5-19 насанд зам тээврийн осол

Дөрөвдүгээрт 20-39 насанд хүчирхийлэл

Тавдугаарт 40-44 насанд амьгүй механик хүчинд өртөх осол ордог байна.

ГССҮТ-ийн дэд захирал О.Хишигсүрэн: Манай төвийн 2017 оны тоо мэдээгээр нийт гэмтэгсдийн 31.2 хувь буюу 26,615 нь орон гэртээ осолд өртөж эмнэлгийн тусламж үйлчилгээ авсан бол сүүлийн таван жилд нас барсан тохиолдлын 34.8 хувь нь буюу гурван хүн тутмын нэг нь гэр орон, ахуйн нөхцөлд осолд өртөж нас барсан байна. Гэмтэгсдийг шалтгаанаар нь авч үзвэл уналт өндөр хувийг эзэлж байна. Үүний дараагаар түлэгдэлт болон бусад шалтгаанууд орж байгаа. Энэ байдлыг бууруулахын тулд ахуйн орчинд болон гэртээ амьдрах хэв маяг, дадал зуршил, үр хүүхдэдээ тавих анхаарал зэргийг сайжруулбал уналт болон түлэгдэлт, гэмтлээс урьдчилан сэргийлэх бүрэн боломжтой. Гэртээ маш энгийн жижиг өөрчлөлт хийхэд л урьдчилан сэргийлэх боломж бий. 

Уг аяны хүрээнд дараах ажлуудыг хийх юм байна. 

Сургуулийн багш, нийгмийн ажилтан, эмч нарт ахуйн осол гэмтлээс сэргийлэх чиглэлээр сургалтыг зохион байгуулах

Өрхийн эмч, сувилагч нарт ахуйн ослоос сэргийлэх, эрсдэлт хүчин зүйлийг үнэлэх чиглэлээр сургалт зохион байгуулах

Тохижилт үйлчилгээний ажилтнуудад ахуйн осол гэмтлээс сэргийлэх чиглэлээр сургалт зохион байгуулах

21 аймаг, 9 дүүрэг харьяа газар, хэлтсүүдэд аян зохион байгуулах талаар албан тоот илгээх

Санал болгох

Нийслэлийн хөгжлийн 2023 оны хөгжлийн төлөвлөгөөг 2,609.3 тэрбумаар хэрэгжүүлнэ

Нийслэлийн ИТХ-ын Зөвлөлийн хуралдаж, Нийслэлийн хөгжлийн 2023 оны хөгжлийн төлөвлөгөөний төслийг хэлэлцлээ. Уг төслийг хүний хөгжлийн бодлого, эдийн засгийн бодлого, засаглалын бодлого, ногоон хөгжлийн бодлого, Нийслэл ба бүс, орон нутгийн хөгжлийн бодлого, Улаанбаатар хотын автозамын түгжрэлийг бууруулах бодлого гэсэн 6 бүлэг, 21 зорилт, 432 арга хэмжээ бүхий нийт 2,609.3 тэрбум төгрөгийн санхүүжих дүнтэйгээр хэрэгжүүлэхээр тооцсон. Үүнээс улсын төсвийн хөрөнгөөр 286.6 тэрбум төгрөг, нийслэлийн төсийн хөрөнгөөр 934.6 тэрбум төгрөг, гадаадын зээл тусламжаар 1,043.8 тэрбум төгрөг, төр хувийн хэвшлийн түншлэлээр 284.6 тэрбум төгрөг бусад эх үүсвэрээс 59.5 тэрбум төгрөг байхаар тус тус төлөвлөсөн байна.

5 өдрийн өмнө
“20К программист” тусгай хөтөлбөрийн танхимын сургалт эхэллээ

Технологийн боловсролоор Европ тивдээ тавдугаарт ордог Болгар улсын “20К программист” тусгай хөтөлбөрийн анхан шатны сургалт өнгөрөгч бямба гарагт эхэллээ. Тус хөтөлбөрийг Нийслэлийн Бизнес инновац хөгжлийн газар, Нийслэлийн Цахим хөгжил, мэдээлэл технологийн газраас “Новелсофт” ХХК, “MLC Business school”, Болгарын Программ хангамжийн их сургуультай хамтран хэрэгжүүлж байна.

9 өдрийн өмнө
Төсөв: Түгжрэлийг бууруулах 420 тэрбумын ажлын задаргаа

Засгийн газрын 2021 оны тавдугаар сарын 19-ний 146 дугаар тогтоолоор нийслэл Улаанбаатар хотоос улсын төсөвт төвлөрүүлдэг 420 тэрбум төгрөгийн орлогыг хотод үлдээж, хотын хөгжил дэвшилд, тодруулбал, түгжрэл бууруулах, төвлөрөл сааруулах, дагуул хотуудыг хөгжүүлэхэд зарцуулахаар шийдвэрлэсэн. Энэ нь Улаанбаатарын тулгамдсан асуудал болох түгжрэлийг бууруулах, улмаар нэг төвт хотоос олон төвт хот болон хөгжихийг дэмжсэн түүхэн шийдвэр байсан юм. Тэрхүү шийдвэрийн дагуу нийслэлээс 2022 онд 12 багц томоохон ажлыг төлөвлөн хэрэгжүүлж байна.

13 өдрийн өмнө
Нийслэлд 450 цэгээр сайжруулсан шахмал түлш худалдаж эхэлжээ

Өнөөдрийн байдлаар нийслэлийн хэмжээнд 60 агуулах, дундын баазад нийт 110 мянган тонн сайжруулсан шахмал түлшний нөөц бүрдүүлээд байна.

13 өдрийн өмнө