Нийслэл guide
Сэтгүүл

ТЭДНИЙ ХАРЦ ЮУГ ҮГҮҮЛНЭ ВЭ?

5
2018 оны 1 сарын 232018-01-23

Түүнийг П.Хангайхүү гэдэг. Цахилгаан электроны инженер мэргэжилтэй ч сонирхлоо дагаж “Бидний цөөхөн монголчууд” төслийн урлаг, уран сайхан, өв соёлын багийн гэрэл зурагчнаар ажиллаж байна.

f22301c6-0fe4-4f48-b846-2f1ad6c06797,mdgkladga.JPG.jpgУг төсөл 2017 оны гуравдугаар сараас эхэлсэн бөгөөд 21 аймгийн бүх сум, багт очиж, аажим аажмаар хувьсан өөрчлөгдөж буй монголчуудын соёл, зан заншлыг баримтжуулж “энэ цагийн архив”-ыг бий болгох зорилготой аж. Тэд өвөл явсан аймгаараа зун дахин явж тухайн аймгийн бүрэн дүрслэлийг буулгаж авдаг юм байна. Ингэж явахдаа Ховд аймгийн Зэрэг сумын захчин ястангуудын тэмээн хөсгийг ч дурандаа буулгаж амжжээ.

Баруун аймгуудаар нүүдэл ховордож “Зэрэгийн нүүдэл” хэмээх алдартай тэмээн хөсгийн нүүдэл л үлдээд байгаа тухай тэр хэлсэн юм. Зэрэг суманд зундаа хүн, мал байхын аргагүй шумуултай болдгоос тус нутгийнхан ДТД 2900 метрийн өндөрт гарч зунждаг байна. Эргэн тойронд нь мөнх цаст уулс дүнхийх өндөрлөг газар руу тэмээгээр л гарч болдог ажээ. Тэд сүүлд олон ястны өлгий нутаг болох баруун гурван аймагт ажиллаад ирсэн байна. Монголчуудын ахуй, аж байдлын сэдэвт зургууд арвин учир П.Хангайхүүгийн дуранд буусан хүүхдийн хөрөг зургуудыг онцлон цөөн хэдийг нь толилуулж байна. Хүүхэд “Би муухай харагдах вий” гэж эмээдэггүй, хамгийн цагаахан, үнэн ертөнц учраас зураг дарахад хялбар, хэдхэн хором шаардагддаг бөгөөд тэд байгаа зүйлдээ үнэхээр сэтгэл хангалуун амьдарч буйг мэдэрсэн тухайгаа гэрэл зурагчин үгүүлсэн юм.

УВС, ТАРИАЛАН СУМ 

52e20817-f726-490f-8962-b9ec4d615b2b,нийслэл1.jpg.jpg

Түүнийг анх хараад л зургийг нь дармаар санагдсан. Түүний өвөрмөц нүд яс үндэстэй нь холбоотой. Г.Нямсүрэн охины гэр хөдөө байдаг бөгөөд Тариалан суманд ахтайгаа айлд сууж, цэцэрлэгтээ явдаг.


УВС, ТАРИАЛАН СУМ 

05b3a2be-3435-44b6-a9ed-b6fcfdd3cd3c,нийслэл3.jpg.jpg

Хүүхдийн урлагийн наадам үзээд Соёлын төвөөс гарч явахад энэ хүү нүдэнд тусч хөргийг нь буулгасан. Ширүүн төрхтэй мэт боловч их зөөлөн, даруу хүүхэд шиг санагдсан.


БАЯН-ӨЛГИЙ, УЛААНХУС СУМ

ffdaa556-5a07-409a-bed1-de7455b149c3,нийслэл2.jpg.jpg

Баруун зүгт хамгийн хол орших нэгэн сургуулийн дотуур байранд энэ охины хөргийг буулгасан юм.


УВС, БӨХМӨРӨН СУМ 

1ac5bcc4-ed7b-46d5-8f7b-0eb90872d78c,нийслэл4.jpg.jpg

Дөрвөн настай С.Амина охин бол удам дамжсан бий биелгээчин. Түүний аав, эмээ нь алдарт бүжигчин, биелгээчин гэнэ.


БАЯН-ӨЛГИЙ, ЦЭНГЭЛ СУМ 

783f729d-5ba2-4783-971b-86c30f8e2f03,нийслэл5.jpg.jpg

Тэр бол цээлхэн хоолойтой энгийн нэгэн дуучин хүүхэд. Анх түүний цэвэрхэн хувцаслалт нүдэнд тусч, түүнийг дуудаж цонхны зөөлөн гэрэлд зургийг нь авсан.


УВС, ТАРИАЛАН СУМ

8169dd57-3e79-4211-8f41-2b69dfda4591,нийслэл12.jpg.jpg

Түүнтэй би гудамжинд таараад хамт явж байсан хүнээс нь “Охины нь зургийг авч болох уу?” гээд шууд л асуучихсан. Хөдөө амьдардаг хүмүүс энэ тал дээр огт цааргалдаггүй болохоор шууд л зөвшөөрч “Тэр ах руугаа хараарай” гэж хэлж билээ.


УВС, ТЭС СУМ 

88bbcd25-ce4a-4d59-9a42-e9517bce4582,нийслэл7.jpg.jpg

Түүнийг би дэлдэн чихтэй сахилгагүй төрхөөр нь шууд санадаг. Анх бидэн дээр найзуудтайгаа дрон сонирхож ирсэн юм. Эхэндээ чихнээсээ ичээд зурагаа даруулахгүй байсан ч хэсэг хугацааны дараа түүний хөргийг буулгах завшаан надад олдсон юм.


БАЯН-ӨЛГИЙ, ЦЭНГЭЛ СУМ 

20606bbb-5ce5-43ad-9872-ad4bc2dd4a38,нийслэл6.jpg.jpg

Энэ хүүгийн хөргийг гудамжинд тоглож байсан хэдэн хөвгүүнтэй таарахдаа авсан юм. Казах хэлтэй болохоор сайн ойлголцоогүй ч тэдний инээж хөхөрч байгаа нь бид хоорондоо үг солих шаардлагагүй мэт санагдуулсан.


БАЯН-ӨЛГИЙ, УЛААНХУС СУМ 

469d0494-ceb0-47bf-bdff-ee4dd9411176,нийслэл11.jpg.jpg

Хөх хөтөл багийн дунд сургуульд буулгасан зураг. Тэр ирээдүйд сайн модель болж магадгүй.


БАЯН-ӨЛГИЙ, ЦЭНГЭЛ СУМ 

9147a5b5-5b5b-47ff-be54-68a75972b92c,нийслэл8.jpg.jpg

Гудамжинд тоглож байсан хэдэн хүүхдийн нэг. Түүний хацар дээрх сэвх, харц надад таалагдсан юм.


УВС, ӨЛГИЙ СУМ 

1b8cfe53-142f-471c-acb4-164ec0a69683,нийслэл9.jpg.jpg

Сумын сургуульд их олон хүүхдийн зураг авсанаас надад хамгийн таалагддаг нь энэ охины хөрөг. Тэр намайг ч тоохгүй байгаа энэ агшин миний зургийг амилуулсан мэт.


УВС, ЗҮҮНХАНГАЙ СУМ 

0d12e258-5701-42ca-aff1-07a141ff9d95,нийслэл10.jpg.jpg

Тэр бол бүжигчин, анх тайзан дээр зургийг нь авсан ч төсөөлснөөр минь болоогүй учир дахин дуудаж энэхүү гайхалтай хөргийг авсан юм.

Нийтлэлийг: Б. Болортуяа
Эх сурвалж: "НийслэлGuide" №68/ 2018 1, 2 дугаар сар
539ae59d-5739-43eb-a112-c50ec1f4cac8,26907370_1772785396085397_1697946430068975880_n.jpg.jpg

Санал болгох

Тэйлор Свифтийн “Хоосон зай”-г Юй Лань-ийн “Зэв хийгээд толь”-оор шинжихүй буюу уран зохиол дахь үзэсгэлэнт шулмын дүр

Эрэгтэйчүүд айдас эмээл ба хүсэл шуналын завсарт, далдын хүчний эзэмдэлд автахаас зүрхшээх мөртөө түүнийг ялан давахыг горилох хоёрын хооронд эргэлзэн тээнэгэлзсэн зөрчилт бодлоосоо болж эрэгтэйчүүдийг өдөөн татаж, хүсэл шуналын галыг нь буцалгадаг мөртөө гай гамшиг удирдан авчирдаг дүр – эмэгтэй шулмыг бүтээсэн юм.

7 өдрийн өмнө
Хар тамхитай тэмцэж ирсэн монголчуудын түүхэн уламжлал

Богд гэгээнээс Бүгд ерөнхийлөн захирах яаманд  дээд зарлиг буулгахдаа, “Монгол олон хан, ван, бэйл, бэйс, гүн, засаг нар  хятад хүнтэй ураг барилцан холбож, богтолж үүрд болохгүй болгогтун” хэмээгээд, үүнийг  дөрвөн аймгийн  чуулган дарга, жанжин  нарт тушаан явуулаад, хичээнгүйлэн  дагаж, ийнхүү цаазалсаныг зөрчигчид буй аваас  ял хэлэлцэх явдлыг  сайтар ухуулан тушаасугай” хэмээжээ.

24 өдрийн өмнө
"Ядарч байвал зогсоод ганцхан цаг ч болов унтчих, зам чамаас зугтаахгүй"

Ядарч байвал зогсоод ганцхан цаг ч болов унтчих. Зам чамаас зугтаахгүй. Харин амьдрал чамаас, чиний анхаарал болгоомжгүй байдлаас чинь зугтаах болно. Битгий яараарай!!!!

1 сарын өмнө
Үндэсний цэцэрлэгт хүрээлэнгийн захирал С.Эрдэнэтуулыг үүрэгт ажлаас нь чөлөөллөө

“Хан талст”  ХХК-ийн үйл ажиллагаанд хяналт тавиагүй, аюулгүй ажиллагааны журмыг баримталаагүй,  үйл ажиллагааг нь зогсоох арга хэмжээ авч ажиллаагүй  зэрэг үндэслэлээр  Хотын дарга С.Амарсайхан өнөөдөр Үндэсний цэцэрлэгт хүрээлэнгийн захирал С.Эрдэнэтуулийг  үүрэг ажлаас нь чөлөөллөө.

3 сарын өмнө