Нийслэлийн боловсролын салбарт эрчим хүчний хэмнэлттэй дулааны технологийг нэвтрүүлэх төсөл хэрэгжинэ

2018 оны 1 сарын 272018-01-27

Нийслэлийн Засаг даргын Тамгын газар Германы олон улсын хамтын ажиллагааны нийгэмлэг (GIZ)-тэй хамтран “Төсвийн хөрөнгө оруулалтыг сайжруулснаар эрчим хүчний үр ашгийг нэмэгдүүлэх нь” төслийн хоёрдугаар шатыг хэрэгжүүлэх гэрээг үзэглэх арга хэмжээ өнөөдөр боллоо. Гэрээнд Нийслэлийн Засаг дарга бөгөөд Улаанбаатар хотын захирагч С.Батболд GIZ-г төлөөлж Суурин төлөөлөгч Даниель Пассон нар гарын үсэг зурав.

Энэ үеэр Нийслэлийн Засаг дарга бөгөөд Улаанбаатар хотын Захирагч С.Батболд “Завхан, Ховд аймагт амжилттай хэрэгжүүлсэн сургууль цэцэрлэгийн дулаалгын төсөл нь орон нутгийг хөгжүүлэх сангийн санхүүжилтийг зөв зохистой зарцуулах, хүүхэд багачуудыг тохилог дулаан орчинд сурч боловсрох, засаглалын чадавхыг бэхжүүлэх зэрэг олон сайн үр дүн, үлгэр жишээг харуулсан. Тиймээс Швейцарийн Хөгжлийн агентлагийн 3.6 сая еврогийн санхүүжилтээр Германы олон улсын хамтын ажиллагааны нийгэмлэг Нийслэлийн Засаг даргын Тамгын газартай хамтран нийслэлийн хамгийн их хүн ам бүхий дүүргүүд болох Баянзүрх, Сонгинохайрхан дүүргийн сургууль, цэцэрлэгийн дулааны алдагдлыг бууруулах зорилгоор “Төсвийн хөрөнгө оруулалтыг сайжруулснаар эрчим хүчний үр ашгийг нэмэгдүүлэх нь” төслийн 2 дугаар шатыг 2018-2021 онд хэрэгжүүлэхээр боллоо. Төслийн барилгын засварын ажилд зориулан нийслэлийн төсвөөс 2018 онд 1 тэрбум төгрөгийг төлөвлөсөн. Нийслэлээс 2018 оныг “Иргэдийн оролцоотой, амьдрах орчныг сайжруулах жил” болгон зарласан. Төслийн үр дүнг хүртэх хүмүүс нь хүүхдүүд бөгөөд тэд дулаан орчинд сурч боловсрох боломжоор хангагдаж байгаа нь туйлын чухал бөгөөд энэ нь мөн хотын бодлого, төлөвлөгөөтэй илүү уялдаж байгааг онцлон тэмдэглэмээр байна. 1.4 сая орчим хүн амтай нийслэлд сургууль, цэцэрлэгийн хүртээмж хамгийн тулгамдсан асуудлуудын нэг. Шинээр сургууль цэцэрлэг барьж байгаа хэдий ч хурдтай өсөн нэмэгдэж байгаа хэрэгцээг гүйцэхгүй байгаа билээ. Харин энэ төслийг хэрэгжүүлснээр дулааны алдагдалтай сургууль цэцэрлэгүүдийг дулаалж, төсвийн хөрөнгө оруулалтыг үр ашигтай зарцуулж, мөн засаглалыг бэхжүүлэх зэрэг олон үр дүнд хүрэх юм. Ингээд төсөл хэрэгжүүлэгч, санхүүжүүлэгч, төслийн бүх оролцогч талуудын идэвхтэй хамтын ажиллагааны үр дүнд төсөл амжилттай хэрэгжинэ гэдэгт эргэлзэхгүй байна” хэмээлээ.     

Энэхүү ёслолын арга хэмжээнд Нийслэлийн Засаг даргын Нийгмийн хөгжлийн асуудал хариуцсан орлогч Ш.Анхмаа, НЗДТГ-ын Нийгмийн бодлогын хэлтсийн дарга М.Эрдэнэжаргал, нийслэлийн Боловсролын газрын дарга Ж.Гантулга, нийслэлийн Хөрөнгө оруулалтын газрын Хөрөнгө оруулалт, төлөвлөлт, зураг төсөл хариуцсан орлогч дарга А.Хаянхярваа, Швейцарын Хөгжлийн агентлагийн Хамтын ажиллагааны захирал Габриелла Спирли, төслийн захирал Дэвид Ханкок нар байлцав.

Хоёр байгууллагын төсөл хэрэгжүүлэх гэрээний дагуу нийслэлийн төсвийн хөрөнгө оруулалтын удирдлага, бодлого төлөвлөлтийг ил тод, үр дүнтэй, жендэрийн мэдрэмжтэй болгосноор төсвийн хөрөнгө оруулалтын үр ашгийг нэмэгдүүлэхийг зорих ба барилга байгууламжийн эрчим хүчний үр ашгийг нэмэгдүүлэх технологийг нийслэлийн боловсролын салбарт жишиг болгон нэвтрүүлж цаашид бусад салбарт түгээх юм. Төсөл нь Швейцарын Хөгжлийн агентлагийн 3.6 сая еврогийн санхүүжилттэй бөгөөд төслийн барилгын засварын төсөвт санхүүгийн дэмжлэг хэлбэрээр нийслэлийн төсвөөс 2018 онд 1 тэрбум төгрөгийг зарцуулахаар төлөвлөжээ.  2019 оноос Холбооны Бүгд Найрамдах Герман Улсын Засгийн газрын санхүүжилт нэмэгдвэл тус гэрээнд нэмэлт өөрчлөлт орж илүү олон тооны сургууль, цэцэрлэгийн дулааны алдагдлыг бууруулах боломжтой болох юм гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Санал болгох

Нийслэлийн хөгжлийн 2023 оны хөгжлийн төлөвлөгөөг 2,609.3 тэрбумаар хэрэгжүүлнэ

Нийслэлийн ИТХ-ын Зөвлөлийн хуралдаж, Нийслэлийн хөгжлийн 2023 оны хөгжлийн төлөвлөгөөний төслийг хэлэлцлээ. Уг төслийг хүний хөгжлийн бодлого, эдийн засгийн бодлого, засаглалын бодлого, ногоон хөгжлийн бодлого, Нийслэл ба бүс, орон нутгийн хөгжлийн бодлого, Улаанбаатар хотын автозамын түгжрэлийг бууруулах бодлого гэсэн 6 бүлэг, 21 зорилт, 432 арга хэмжээ бүхий нийт 2,609.3 тэрбум төгрөгийн санхүүжих дүнтэйгээр хэрэгжүүлэхээр тооцсон. Үүнээс улсын төсвийн хөрөнгөөр 286.6 тэрбум төгрөг, нийслэлийн төсийн хөрөнгөөр 934.6 тэрбум төгрөг, гадаадын зээл тусламжаар 1,043.8 тэрбум төгрөг, төр хувийн хэвшлийн түншлэлээр 284.6 тэрбум төгрөг бусад эх үүсвэрээс 59.5 тэрбум төгрөг байхаар тус тус төлөвлөсөн байна.

3 өдрийн өмнө
“20К программист” тусгай хөтөлбөрийн танхимын сургалт эхэллээ

Технологийн боловсролоор Европ тивдээ тавдугаарт ордог Болгар улсын “20К программист” тусгай хөтөлбөрийн анхан шатны сургалт өнгөрөгч бямба гарагт эхэллээ. Тус хөтөлбөрийг Нийслэлийн Бизнес инновац хөгжлийн газар, Нийслэлийн Цахим хөгжил, мэдээлэл технологийн газраас “Новелсофт” ХХК, “MLC Business school”, Болгарын Программ хангамжийн их сургуультай хамтран хэрэгжүүлж байна.

7 өдрийн өмнө
Төсөв: Түгжрэлийг бууруулах 420 тэрбумын ажлын задаргаа

Засгийн газрын 2021 оны тавдугаар сарын 19-ний 146 дугаар тогтоолоор нийслэл Улаанбаатар хотоос улсын төсөвт төвлөрүүлдэг 420 тэрбум төгрөгийн орлогыг хотод үлдээж, хотын хөгжил дэвшилд, тодруулбал, түгжрэл бууруулах, төвлөрөл сааруулах, дагуул хотуудыг хөгжүүлэхэд зарцуулахаар шийдвэрлэсэн. Энэ нь Улаанбаатарын тулгамдсан асуудал болох түгжрэлийг бууруулах, улмаар нэг төвт хотоос олон төвт хот болон хөгжихийг дэмжсэн түүхэн шийдвэр байсан юм. Тэрхүү шийдвэрийн дагуу нийслэлээс 2022 онд 12 багц томоохон ажлыг төлөвлөн хэрэгжүүлж байна.

11 өдрийн өмнө
Нийслэлд 450 цэгээр сайжруулсан шахмал түлш худалдаж эхэлжээ

Өнөөдрийн байдлаар нийслэлийн хэмжээнд 60 агуулах, дундын баазад нийт 110 мянган тонн сайжруулсан шахмал түлшний нөөц бүрдүүлээд байна.

11 өдрийн өмнө