ЗРМ За Рулём
За рулём Сэтгүүл

ӨВӨЛ ХӨДӨӨ ЯВАХДАА...

2018 оны 2 сарын 52018-02-05

d004d6fe-0a1f-4a8c-8a5f-4deca258df15,өвөл тээвэр.jpg.jpg

Аялал ч бай ажлаар ч бай өвөл хөдөө явахаар бол юуны түрүүнд машинаа шалгаж, бэлтгэлээ базаах хэрэгтэй. Нэн түрүүнд: 

-Хөргөлтийн шингэн -40 хэмээс дээш заах 
-Моторт өвлийн тос сольж хийх 
-Өвлийн шил арчигч шингэнтэй байх 
-Дугуйнууд хээ сайтай эсэх 
-Нөөц дугуйн хийг шалгах 
-Аккумуляторын чадлыг хэмжих 
-Гэрэл, гэрэлтүүлгүүд бүрэн ажиллаж байгаа эсэхийг шалгаарай. 

Машин ОК бол ухаалаг утсаараа цаг агаарын төлөв байдлыг хар. Хүрэх газар хүртэл 4 цаг яваад очих байсан ч онцгой байдлын газраас мэдээлсэн анхааруулгыг үл ойшоож болохгүй. Хуулиар шаарддаг ослын гурвалжин, галын хор, эмийн сан зэрэг байгаа л байх. Энэ бүхнээс гадуур юу хэрэг болохыг дурдъя.

ТАТЛАГА 

3fab3b6e-5340-4a1e-a1ec-7bb5fe59cab7,татлага.jpg.jpg

4 метрээс урт байвал зүгээр. Өвлийн замд тоормослох зай их байх тусмаа сайн. Машиныхаа жинг тооцоорой. 

Жижиг ч гэсэн ХҮРЗ зэхээрэй. Алгын чинээ хүрзтэй байх нь гараараа ухахаас хавь илүү шүү. Эвхэгддэг бол багаажинд зай эзлэхгүй.

Дулаан явбал мянган лан. Гэр бүлийхнийгээ дулаан хувцаслахаас гадна өөрийгөө ч бас анхаарах хэрэгтэй. Даараад байвал яаж цас ухаж, дугуйгаа солих билээ. 

Бага ч болтугай НӨӨЦ БЕНЗИН Машины бензин дуусдаггүй юмаа гэхэд гал гаргаж дулаацах үе тохиох ч юм билүү? 5,10 литрийн төмөр канистр, бүр болохгүй бол ундааны саванд ч болтугай бэлд.

Дугуйн ГИНЖ

ee595831-368c-4859-9e96-9de2f9037fa5,дугуйн гинж.jpg.jpg

Ээдээ мөн тустай даа. Гинжийг зөвхөн хотод л хэрэглэнэ гэсэн юм байхгүй. Эргэлттэй зам, хунгарласан цасанд дугуйндаа гинжтэй машин цасыг ураад л гарна.

Гадны улсуудад “АМЬ АВРАХ БАГЦ” гэсэн ойлголтыг өргөн хэрэглэдэг. Багадаа 24 цагийн хэрэгцээнд зориулж бэлдсэн “багц хэрэгслийг” гамшиг ослын үед ч шүүрээд л гарах байх.

bacb8900-f61a-469f-99a0-336a48f68e93,багц.jpg.jpg
1. Хөлддөггүй газ. Хүйтэнд ахуйн газ нэмэргүй учраас хүйтний зориулалттайг нь олж авбал сайн. 

2. 1,3 л хөнгөн цагаан тогоо. Жин болон дулаан дамжуулалтаараа хөнгөн цагаан нь хамаагүй дээр. 

3. Жижиг сүх. Алгын чинээ сүхээр гал түлэх мод ихээр бэлтгэж чадахгүй ч гацуурын мөчрийг цавчиж болдог. 

4. Аяллын хөнжил. Машиндаа дулаацахад том “пүүгээний” хэрэг байхгүй. 

db0a724a-67ad-4846-8ce2-2b9a17c47931,аяны.jpg.jpg

5. Аяны хүнс. Найруулдаг цай, лаазалсан хүнс, бэлэн хоол гэх мэтээс хийчих. 

6. Ус. Гал түлэхэд хуванцар саваар нь нойтон мод асаахад нэмэртэй. 

7. Шүдэнз, лаа, гар чийдэн. Машины салон жижиг учраас галын аюулаас урьдчилан сэргийлэх үүднээс лаагаа болгоомжтой асаагаарай. Дээрх бүх хэрэгсэл 35х18х23 см хэмжээтэй жирийн нэг үүргэвч цүнхэнд асуудалгүй багтдаг юм билээ.
 

Эх сурвалж: Зарулем сэтгүүл

Санал болгох

"Бахархалгүй" Монгол

Дахин нэг аавын хүү эх орныхоо манаанд яваад эргэж ирсэнгүй.  Зэвсэгт хүчний 326 дугаар ангид алба хааж байсан 21 настай цэрэг амь насаа алдсан хэрэг гарсан нь олон нийтийг бухимдуулж байна.

15 өдрийн өмнө
Хотын мартагдсан төслүүд "амилах" боломж нь БОНД

Жилээс жилд иргэдийнхээ ачааллыг дийлэхээ больж буй нийслэл хот   дэлхийн жишигт хүрэхийн тулд   мөнгөний амин чухал урсгалтай болох шаардлагатай нүүр тулж байна. Ингэхийн тулд хот санхүүгийн хувьд эрсдэлгүй бие даах нь чухал.

2 сарын өмнө
Гамшиг Туркээр дуусахгүй

Дэлхий нийтийг цочирдуулсан энэ байгалийн гамшиг бидэнд ч бас нүүрлэхийг үгүйсгэхгүй. Магадгүй энэ нь маш том сануулга болсон гэдгийг салбарын сайд ч бас хэллээ.

5 сарын өмнө
Нэр дэвшигчдийн ясыг нь цайтал шалгах хугацааг бидэнд өг

УИХ-ын 126 гишүүнтэй байх, 78-ыг нь тойргоос, 48-ыг нь намын жагсаалтаас сонгох Үндсэн хуулийн өөрчлөлтийг баталж, Ерөнхийлөгч гарын үсэг зурснаар Төрийн мэдээлэл сэтгүүлд хэвлэгдлээ. Өөрөөр хэлбэл, Үндсэн хуулийн өөрчлөлт Үндсэн хуулийн нэг хэсэг болж хүчин төгөлдөр боллоо. Ирэх 2024 оны сонгуулийн санал хураалтыг хуульд заасанчлан зургадугаар сарын 17-28-ны ажлын өдөр товлож таарна. Санал авах өдрөөс жилийн өмнө Сонгуулийг хуулийг өөрчилж болдоггүй тул УИХ ирэх долоо хоногт УИХ-ын сонгуулийн тухай хуулийг өөрчлөх нь ээ.

6 сарын өмнө