ЗРМ За Рулём
За рулём Сэтгүүл

Халуун үлээгч паар

2018 оны 2 сарын 92018-02-09

Хөдөлгүүрийг асаахад цилиндрийн хөргөх цамцан дахь хөргөлтийн шингэн нь богино сэлгээ хийж, хөдөлгүүр халаагаад зогсохгүй салоны радиатороор дамжиж кабин халаадаг. Халуун үлээгч паар гэдэг нь тусдаа салангид систем учир хэд хэдэн эд ангиас бүрддэг. Үүнд, радиаторын хоолой, радиатор, агаар шүүгч, үлээлт тохируулагч, температур тохируулагч, хөргөх шингэний насос зэрэг орно.

052bdcc0-c50c-498f-8898-d9a569ada1cb,паар1.jpg.jpg

Элэгдэл, гэмтлийн шинж: 

-Хүйтэн бүлээнээр үлээх, огт халахгүй байх. 
-Хянах самбараас хөргөлтийн шингэн алдагдаж байгаа нь харагдах, үнэртэх. 

Гэмтэл илэрсэн үед авах арга хэмжээ: 

1. Хөргөлтийн шингэн багассан л бол паар халуунаар үлээхгүй. Муу үлээгээд байвал доорх зүйлсийг шалгана: 
-Үлээгч сэнсний моторын гал хамгаалагч шатсан эсэх. 
-Үлээгч сэнсний мотор шатсан эсэх. 
-Шүүрээ солихгүй удсанаас болж бөглөрсөн эсэх. 
-Усны помп болон хөргөлтийн системийн холбоосоор антифриз алдагдаж, дундарсан эсэх. Термостат нээлттэй байрлалд гацсан бол хөдөлгүүр бүрэн халахгүй. 

2.  Салоны радиатор бөглөрвөл хөргөлтийн шингэний эргэлт зогсож паар хүйтэн бүлээнээр үлээнэ. Харин моторын радиатор бөглөрсөн тохиолдолд хөдөлгүүр халах, хянах дээр анхааруулах гэрэл асах, хөргөлтийн шингэн асгарах, буцлах үзэгдэл илэрдэг. 

3. Радиатор бөглөрвөл доорх зүйлстэй салшгүй холбоотой: 

Хөргөлтийн шингэнийг удаан хугацааны турш солихгүй явах. Хөргөлтийн шингэн хольж хэрэглэх. Авто химийн бүтээгдэхүүний зүй зохисгүй хэрэглээ.

АНХААРАХ ЗҮЙЛС 

• Хөргөлтийн шингэнийг бүрэн асгаж байж солих, өнгө холихгүй байх, хөргөх шингэнийг хөлддөггүй шингэнтэй холихыг хориглоно. 
• Жолооч нар хөргөлтийн шингэний алдагдсан хэмжээг тогтоолгүй шууд авто химийн бүтээгдэхүүн хэрэглэх нь олонтаа. Гэхдээ авто химийн бүтээгдэхүүн нь маш бага хэмжээний шүүрлийг л битүүлдэг болохоор цооролт их байвал засварын газарт үзүүлэх хэрэгтэй. Асгарсан тохиолдолд мөн ялгаагүй мэргэжлийн хүмүүст хандаарай.

Эх сурвалж: Зарулем сэтгүүл

Санал болгох

Сайдаар ажиллуулах ШАГНАЛ ба ХАРИУЦЛАГА

Үндсэн хуулийн нэмэлтийн дараах үйл явцаас эхлээд Засгийн газрын УИХ-д үзүүлэх жин нөлөө их боллоо. Дан дээлтнүүдийг давхар дээлтнээр сольж, нэмээд Түгжрэлийн, Олимпизмын, Боомтын зэрэг яамгүй сайдууд нэмснээр Засгийн газар УИХ-аар бодлогоо дэмжүүлэхэд товчлуурын хувьд амар болсон хэдий ч хууль тогтоох засаглал, гүйцэтгэх засаглалын хяналтын тэнцвэр алдагдлаа гэж судлаачид яриад байгаа. Гүйцэтгэх засаглалаа хянадаг парламент байхын тулд УИХ-ын гишүүдийнхээ тоог нэмэх шаардлага үүсч байгаа нь дээр дурдсан ҮХНӨ-ийг даруй хийх шаардлагыг тулгаж байна.

6 өдрийн өмнө
БНХАУ-аас Монголд хар тамхи оруулж ирдэг бүлэглэл төлбөрөө биткоиноор хийжээ

Манай улсад мансууруулах эм, сэтгэцэд нөлөөт бодисын хууль бус эргэлттэй холбоотой далд байсан гэмт хэргийн санхүүжилт криптоны зах зээлээр дамжиж, Монгол Улсын дотоод аюулгүй байдал, хүн ам, удмын сангийн аюулгүй байдалд шууд заналхийлж байгаа нь аюулын харанга болж байна.

13 өдрийн өмнө
 “Ноён эмэгтэй” ноёлсонгүй

Хүсэл, шунал, өш хонзон, хараал зүхэл... Энэ бүгдийг  “Ноён эмэгтэй”-гээс  харж болохоор. Киноны үйл явдал  1974 оноос эхлэлтэй.

21 өдрийн өмнө
Эдийн засгийн амьд үлдэх РЕФОРМ

Энэ жил монголчуудын хувьд урд хормойгоо хойд хормойгоор ч нөхөж чадахааргүй хүнд сорилт хүлээлж байгааг эдийн засагчид сануулсаар.

1 сарын өмнө