ЗРМ За Рулём
За рулём Сэтгүүл

Тоормосны наклаад

2018 оны 2 сарын 272018-02-27

Тоормосны наклаадны ангилал, сонгох аргачлал, анхаарах зүйлс. Нийтлэлч Х.Гантуул

ebae5d9d-a4ff-4846-b211-aca10f52d035,наклаад1.jpg.jpg

Тоормосны наклаад сонгохдоо нэн түрүүнд үйлдвэрлэсэн материал болон үрэлтийн температурыг анхаарна. Энгийн автомашинд 300-350°C, харин люкс эсвэл спорт загварт 800-900°C хүртэл ажиллах наклаад тавьсан нь дээр. Түүнчлэн үрэлтийн коэффициентыг чухалчлах хэрэгтэй. Хэрэв тэлдэг наклаад горимын хэмжээнд хүртэл халахгүй бол үрэлт муудаж, наклаад түргэн элэгдэнэ гэсэн үг. Стандартын дагуу наклаадны үрэлтийн коэффициент 0,3-0,5 хооронд эсвэл үүнээс их байх тусам илүү сайн тоормослох болно.

Тоормосны наклаадны ангилал 

Үрэлтийн температур олон хүчин зүйлээс хамаардаг бөгөөд тэр дундаас үйлдвэрлэсэн материал чухал үүрэг гүйцэтгэнэ.

50 хувь төмрийн орцтой наклаад 

30-65 хувь төмөрлөг агуулах эдгээр наклаадын сайн тал нь дулаан сайн дамжуулдаг бол саар тал нь түргэн элэгдэж, хүйтэнд муу ажиллаж, тоормос гишгэх үед дуугардаг.

f6abbd64-07a0-4b4d-b5dd-cd8e55ce0a0b,наклаад2.jpg.jpg

Органик наклаад 

Кевлар, шил, нүүрсхүчил, өндөр хэмийн давирхай ба резин гэх зэрэг материалаар хийдэг энэ төрлийн наклаад пиланз бага элэгдүүлдэг. Нам дуутай, гэхдээ нэг чийг авбал тоормос муу барьж, түргэн элэгддэг. Тоосжилт үүссэнээс болж шахагч дискнүүд бохирддог.

Төмрийн орц багатай эсвэл бүхэлдээ төмөр наклаад 

Үнэ, чанарын хувьд бусдаасаа илүү эдгээр наклаадын бүтцэд органик наклаадтай ижил материал ордгоос гадна тоормос барилт болон дулааны солилцоог сайжруулдаг ган, зэс нэмсэн байдаг. Гэм нь ган, зэс нь наклаад хурдан элэгдүүлдэг.

70fa430f-f4a5-4e08-8161-7314d57b2401,наклаад3.jpg.jpg

Керамик наклаад 

Хамгийн хэрэгтэй хэрнээ хамгийн үнэтэй наклаад. Хурд сааруулах чадвараараа бусдаасаа илүү, өндөр хэмд тэсвэртэй, чийг авсан үед шинж чанараа алддаггүй, тоормосны дискэнд ээлтэй, тоосонцор бага үүсгэнэ.

ТООРМОСНЫ НАКЛААДЫГ ХЭРХЭН СОНГОХ ВЭ? 

Нэг автомашинд олон төрлийн наклаад тохирдог тул яг таарч тохирох наклаад сонгоно гэдэг санасан шиг хялбар биш. Юуны түрүүнд наклаадаа ямар зорилгоор, ямар нөхцөлд ашиглахыг тодорхойлж, тоормосонд ирэх ачааллыг тооцох хэрэгтэй. Наклаадын төмөр суурь нь нугалаагүй, материал нь ховхорч хуураагүй, бүтцэд гадны биет орох ёсгүй. Мэдээж наклаадаа зах эсвэл дэлгүүрээс авах нь таны хэрэг боловч, заримдаа дэлгүүрт хуурамч наклаад харин зах дээр эсрэгээр маш сайн, чанартай бүтээгдэхүүн байж болохыг үгүйсгэхгүй. Худалдаж авахдаа брендийн савлагаа шошгон дээрх бичгийн алдаатай эсэх, үнийг нь анхааралдаа аваарай.

111c439c-c898-405f-bb80-15fb0d48670a,наклаад4.jpg.jpg

ТООРМОСНЫ НАКЛААДЫГ ХЭВШҮҮЛЭХ 

Шинэ наклаад тавьсны дараа харшиж, элдэв дуу авиа гараад байвал огцом тоормослох, дөрөөгөө хүчтэй гишгэхийн оронд ойр орчимд машин тэрэггүй шулуун зам руу гараад наклаадны гадаргууг тэгш шүргэлцүүлж, тоормосны дискэнд үрэлцүүлэх зорилгоор тоормосоо аажмаар гишгэвэл зохино.

5d50edd7-957f-4520-aeb4-be9673d27d16,наклаад5.jpg.jpg

САНАМЖ: 

Наклаадыг хойд хоёр, урд хоёр дугуйнд хосоор нь сольдгийг бүү мартаарай. Ямар ч тохиолдолд дан ганц өрөөсөн дугуйнд сольж болохгүй шүү.


Эх сурвалж: Зарулем сэтгүүл
28d8c33e-ade7-44c9-b0aa-ccb58ca942b5,pgjyooj.JPG.jpg

Санал болгох

Улаанбаатарт нэвтрүүлэх дүүжин тээврийн бодит түүх

Хүн мэдэхгүй зүйлийнхээ дайсан гэдэг. Арваад жилийн өмнө Таванбогдынхон приус автомашин оруулж ирэхэд “Хөдөө унаж яваад зай нь дуусчихвал ёстой баларна. Бороотойд унавал аянганд ниргүүлж мэднэ. Богино холболт үүсээд машин дотроо цахилгаанд цохиулна” гээд их ч шуугиж, шүүмжилж байв даа. Өнөөдөр хар, приус 10, 20, 30, 40, 41 маркаараа хаа сайгүй. Шатахуунд хэмнэлттэй, сэлбэг хямд приус машин Улаанбаатарт нүд үзүүрлэгдэм олширчээ. Хүмүүс одоо бүр Ниссан Лийфээс ч уйдаж, Тесла авах талаар мөрөөдөж байна. Харин өнөөдөр дүүжин тээврийг болохгүй, бүтэхгүй мэтээр шүүмжилж байна.

1 өдрийн өмнө
Нууцад хамаарах тусгай санал ба Өршөөлийн хууль

Ардын хувьсгалын 100 жил, Монгол Улсад улс төрийн нам байгуулагдсаны 100 жил ирэх онд тохионо. Ойгоор Өршөөлийн хууль гаргахыг Хууль зүй, дотоод хэргийн сайд Х.Нямбаатар үгүйсгээгүй ч авлига, албан тушаалын гэмт хэргийг өршөөхгүй гэдгээ манай сайтад ярилцлага өгөхдөө зарласан. Эрх барьж байгаа МАН-аас олон хүн хууль хяналтын байгууллагад шалгагдаж, зарим нь шоронгийн хаалга татаад байна. Үүнээс дуулиантай нь ЖДҮХС-аас олон зуун саяар, тэрбумаар нь арын хаалгаар мөнгө тоншсон хэргүүд. Өөрөөр хэлбэл, ЖДҮчдэд холбогдох хэрэг өршөөлд хамрагдахгүй нь тодорхой болсон.

8 өдрийн өмнө
17-р зуунд испани, англи, франц хэлээр гарсан Чингис хааны хайр сэтгэлийн тухай роман

Марта Вашингтоны барьж асан номыг сурвалжилсан тэмдэглэл

13 өдрийн өмнө
Зуун арван жилийн өмнө “Монголын сонин бичиг”-ээс сануулсан  “зөөлнөөр улируулах арга”

1909 оноос хэвлэгдсэн “Монголын сонин бичиг” дөрөвдэх засаглалын үүргээ амжилттай гүйцэтгэж, Сандоо амбаны үйл хэрэг, үг хэл, гаргасан тушаал сэлтийг нэгд нэгэнгүй сурвалжлан шүүмжилж, олонд таниулж байсан тухай миний бие өмнө нэг өгүүлэл бичсэн билээ.

2 сарын өмнө