Эдийн засгийн хөгжил сул, иргэдийн амьжиргааны түвшин буурай орнуудад сүлжээний бизнес цэцэглэдэг. Манай улсад энэ төрлийн луйврын улмаас 20 мянга гаруй иргэн 45 тэрбум төгрөгөөр хохирсон байна.
Бараа бүтээгдэхүүн зарах болон бэлэн мөнгө нийлүүлэн доороо гишүүн элсүүлэх пирамид загвартай сүлжээний 26 төрөл цагдаагийн байгууллагын хяналтад байдаг. Эдгээрээс дөрвөн сүлжээний үйл ажиллагааг зогсоон, Мөрдөн шалгах хэлтэст Эрүүгийн хэрэг үүсгэн шалгаж байна. Үүнд, Казакстаны “Жи тайм”, Ултимэйт сайклер, Монгол Жи тайм буюу “Юнит сайклер”, “1-9-90.ком” гэсэн дөрвөн сүлжээ байна. Монгол улсын хуулинд пирамид тогтолцооны хэлбэрээр бараа бүтээгдэхүүн зарахыг хориглосон байдаг.
МОНГОЛД ҮЙЛ АЖИЛЛАГАА ЯВУУЛЖ БАЙГАА СҮЛЖЭЭ КОМПАНИУД
|
№ |
Сүлжээний нэр |
Үүсгэн байгуулагчийн мэдээлэл, гишүүдийн тоо |
|
1 |
Onecoin |
Ирээдүйн төлбөрийн хэрэгсэл болно гэж цахимаар элсүүлдэг |
|
2 |
Bitcoin |
Ирээдүйн төлбөрийн хэрэгсэл болно гэж цахимаар элсүүлдэг |
|
3 |
Easy 1 up |
“Бид танд дэлхий дахинд ажиллах боломжийг олгож байна” уриатай |
|
4 |
Хонконгийн 520 ам.доллараар элсүүлдэг даатгал гэх |
VIP аялал зохион байгуулдаг World Venturest гэх компанийг оруулж ирсэн гэх. Баруун, зүүн гар болж 4, 4 хүн элсүүлдэг |
|
5 |
Хоох |
Онлайнаар үйл ажиллагаа явуулдаг |
|
6 |
Алтан өндөг |
Гар утсан дээр аппликэйшн татаж, оноо цуглуулж, оноо цуглуулж 6000 төгрөг авдаг |
|
7 |
Их Баяндалай |
Үндэсний үйлдвэрлэлийн гоо сайхны бүтээгдэхүүн гаргадаг гэх |
|
8 |
Ерхөг |
Их Баяндалайтай нэгдсэн |
|
9 |
Үүдэл эс |
Эм бэлдмэл борлуулдаг, Phyto scienve нэртэйгээр үйл ажиллагаа явуулж байгаа |
|
10 |
Талын сувд |
Тодорхойгүй |
|
11 |
LR |
Онлайнаар үйл ажиллагаа явуулдаг |
|
12 |
Redex |
Онлайнаар үйл ажиллагаа явуулдаг |
|
13 |
GBS |
Онлайнаар үйл ажиллагаа явуулдаг |
|
14 |
Оросын Услада Хаан |
Олон шатлалт маркетинг буюу пирамид тогтолцоотой |
Мөнгөө богино хугацаанд өсгөх, орлоготой болох хүслийнхээ дагуу хохирогч болсон иргэдийн дийлэнх нь 30-40 насны эмэгтэйчүүд. Тодруулбал, гэртээ хүүхдээ асарч суудаг ээжүүд байдаг. Тиймээс сүлжээний эздийн зараа түгээх түгээмэл орчин нь фэйсбүүк дэх олон мянган гишүүдтэй ээжүүдийн групп болдог байна.
Сүлжээний луйвартай цагдаагийн байгууллага тэмцэн, үйл ажиллагааг нь зогсоодог ч дахин өөр нэрээр, өөр хэлбэрээр гарч ирдэг. Амь бөхтэй оршсоор байгаа сүлжээний бизнес өнөөдөр ч цахим орчинд мэдээлэлгүй хэн нэгний багахан орлогыг хуу хамахаар өнгөлзөж байна. Цахим орчинд зар байрлуулан, ихээхэн орлого амласан нэгний яриаг одоо танд хүргэе. Энэ мэт луйвар бидний яг дэргэд оршсоор байгааг санаж, хөдөлмөрлөн олсон мөнгөөрөө хэн нэгний луйврыг бүү цэцэглүүлээрэй.
