Ц. Анхзул
Сэтгүүлч

Нууцаар биткойн олборлож байсан цахилгааны төлбөрөө СӨХ-өөр төлүүлж байжээ

2018 оны 3 сарын 22018-03-02

0c4475f0-082f-4b91-be0b-b46a37bd599e,вива-сити-биткойн.jpg.jpg

1600 өрхтэй “Вива сити” хотхоны хонгилын давхарт нууцаар биткойн үйлдвэрлэж байсан нь ил болжээ. Түүгээр зогсохгүй олборлолтод ашиглагдах цахилгааны зардлыг СӨХ төлж байсан нь оршин суугчдыг бухимдуулж байна.   

“Вива сити” хотхоны N4 дүгээр байрны хонгилыг СӨХ-ийн ТУЗ-ийн дарга Ж.Хишигбаясгалан гагнуур хийх зориулалтаар өнгөрсөн наймдугаар сард түрээслэжээ. Харин цахилгааны утсаа СӨХ-ийн буюу нийтийн тоолуурт залгуулсан байна. Түүний энэ үйлдлийг хоёр хоногийн өмнө “MCS states” компани гэнэтийн шалгалт хийж, нууцаар биткойн үйлдвэрлэж байсныг нь илрүүлэн, цахилгааныг тасалжээ.
Хотхоны оршин суугчид сард 17500 төгрөгийг СӨХ-дөө төлдөг. Харин энэ мөнгөнөөс биткойн үйлдвэрлэх цахилгааны зардалд зарцуулагдсанд оршин суугчид бухимдаж байна. Түүнчлэн хотхон даяараа орцгүй, цэвэрлэгээ үйлчилгээ муу, СӨХ-ийн зүгээс дарамт их байдгийг оршин суугчид хэлж байгаа юм. 

Биткойн үйлдвэрлэсэн Ж.Хишигбаясгалан СӨХ-ийн тоолуурт бичигдсэн цахилгааны зардал болох 3.5 сая төгрөгийг төлсөн хэмээн мэдэгдсэн. Түүнчлэн биткойн үйлдвэрлэх нь ямар ч хууль зөрчөөгүй тул хариуцлага хүлээх үндэслэл байхгүй хэмээн өөрийн байр суурийг илэрхийлж байгаа юм.

Ямартай ч гагнуурын зориулалтаар цахилгаан холбуулаад биткойн үйлдвэрлэсэн, олборлолтын цахилгааны зардлыг СӨХ төлсөн нь тодорхой болсон. Харин орон сууцны хороололд биткойн үйлдвэрлэх боломжтой эсэх, оршин суугчдын мөнгөөр биткойн үйлдвэрлэсэн эсэхийг мэргэжлийн байгууллага шалган тогтоох шаардлага үүслээ. 

Санал болгох

“Сүүн зам” япон, монгол бүжгийн наадам ирэх даваа гарагт болно

Монгол, Японы хооронд дипломат харилцаа тогтоосны 50 жилийн ойн хүрээнд “Cүүн зам” япон, монгол бүжгийн наадмыг наймдугаар сарын 22-ны өдөр Жанжин Д.Сүхбаатарын талбайд зохион байгуулах гэж байна

19 цагийн өмнө
“Улаанбаатар үндэсний хоолны өдөрлөг” маргааш Д.Сүхбаатарын талбайд болно

Маргааш буюу наймдугаар сарын 20-ны өдөр “Улаанбаатар үндэсний хоолны өдөрлөг”-ийг Жанжин Д.Сүхбаатарын талбайд найм дахь жилдээ зохион байгуулах гэж байна

1 өдрийн өмнө
ТАНИЛЦ: 17 байршилд хүнсний ногооны үзэсгэлэн худалдаа гарлаа

Намрын улирал дөхөж, хичээлийн шинэ жил ойртож байна. Үүнтэй холбогдуулан "Алтан намар-2022" төмс, хүнсний ногооны худалдаа болон хичээлийн хэрэгслийн үзэсгэлэн худалдааны зохион байгуулалтын талаар Улаанбаатар хотын Захирагчийн ажлын алба /УБЗАА/, Нийслэлийн Хүнс, хөдөө аж ахуйн газар /НХХААГ/-аас мэдээлэл өглөө

3 өдрийн өмнө
Ажил үүргээ хариуцлагатай гүйцэтгэсэн цагдаагийн алба хаагчдад хүндэтгэл үзүүллээ

Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч З.Төмөртөмөө өнөөдөр иргэд, олон нийтийн аюулгүй байдлыг хангах үүргээ хариуцлагатайгаар гүйцэтгэж, хамт олноо манлайлсан цагдаагийн 20 алба хаагчтай уулзаж, хүндэтгэл үзүүллээ

3 өдрийн өмнө