Ц. Анхзул
Сэтгүүлч

Гадаадаас авах ажиллах хүчний тоог 25 хувиар бууруулна

2018 оны 3 сарын 142018-03-14

Ажилгүйдлийн түвшин нь 9 хувьтай манай улс өнгөрсөн 2017 онд 91 орны 17300 гадаад иргэнийг ажиллах хүчээр авсан байдаг. Харин хөдөлмөр эрхлэх насны иргэд нь харь орны хар ажлыг нугалахаар хэдэн мянгаараа дугаарладаг.

Тэгвэл гаднаас авах ажилчдын тоог энэ жил 25 хувиар бууруулж, 12 мянгаас хэтрүүлэхгүй барихаар тогтжээ. Түүнчлэн, Засгийн газар 2020 гэхэд гадаадын ажиллах хүчний тоо, хэмжээг 50 хувь хүртэл бууруулахыг зорьж байгаа юм.

Гадаадаас авах ажиллах хүч, мэргэжилтний тоо хавсралтаар баталсан хувиас илүү гарсан нөхцөлд 100 хүртэлх гадаадын ажиллах хүч, мэргэжилтэн авах бол салбарын сайд, 100-гаас дээш бол Засгийн газар шийдвэрлэж байх юм.

Манай улсад ажиллахаар ирэх гадны иргэдийн дийлэнх нь барилга, зам барих ажил эрхэлдэг. Харин монгол залуус гадаад оронд энэ л ажлыг горилдог. Эх оронд нь байгаа ажлын байрыг хариас хайдгийн шалтгаан нь цалин хангамжтай холбоотой. Тэгвэл ажилгүйдлийг шийдвэрлэхээр ХНХЯ-наас гурван зорилт дэвшүүлжээ.

Хөдөлмөр эрхлэлтийг дэмжих чиглэлд энэ жил 25.9 тэрбум төгрөг зарцуулан ажилгүй иргэдэд дэмжлэг үзүүлнэ. Тухайлбал, туслах малчнаар гэр бүлээр нь ажиллуулан, нийгмийн даатгалыг нь төлж, орон нутагт нүүх зардлыг нь хариуцах юм. Энэ зорилтыг орон нутгийн удирдлагууд дэмжин хүлээн авч байна.

Ажилгүйдэл өндөр хувьтай байгаагийн шалтгаан нь үйлдвэжилт муу, томоохон төслүүд хөдөлгөөнд орохгүй байгаатай холбон тайлбарлаж байна. Түүнчлэн сул зарлагдсан ажлын орон тоонд тавигдах шаардлагыг биелүүлэх иргэд цөөн. Өөрөөр хэлбэл, дээд боловсролтнуудаас илүү мэргэшсэн ажилын байр элбэг байдгийг энд мөн онцолсон юм. 

Санал болгох

Т.Дэлгэрмөрөнг 50 хоног баривчлах шийтгэлийг 750 мянган төгрөгийн торгууль болгожээ

Дуучин Т.Дэлгэрмөрөнд холбогдох зөрчлийн хэргийн шүүх хуралдаан өнөөдөр Баянзүрх дүүргийн эрүүгийн хэргийн анхан шатны шүүхэд боллоо.

7 цагийн өмнө
Дуучин Т.Дэлгэрмөрөнгийн зөрчлийн хэргийн шүүх хурал дуусч, шийдвэрээ танилцууллаа

Дуучин Т.Дэлгэрмөрөнд холбогдох зөрчлийн хэргийн шүүх хуралдаан өнөөдөр Баянзүрх дүүргийн эрүүгийн хэргийн анхан шатны шүүхэд боллоо.

9 цагийн өмнө
15 хоногийн хөл хорионы зорилго нь юу байв?

Коронавирусний нэг өдөрт гарч байгаа халдварын тоо 800 давахтай зэрэгцээд Засгийн газраас 15 хоногийн хатуу хөл хорио тогтоож, энэ хугацаанд вакцинжуулалтыг хоёр дахин нэмэгдүүлнэ гэж зарласан ч хоёр хоногийн дараа вакцинжуулалт зогсоохоор болсныг мэдэгдсэн. Иймээс 15 хоногийн хугацаатай хөл хорионы зорилго нь эрүүл мэндийн асуудал байв уу? аль эсвэл улстөрийн шалтгаан байв уу? гэдэг эргэлзээг олон нийтийн дунд бий болгоод байна.

9 цагийн өмнө
Б.Сүндаръяа: Ц.Анандбазарын бэлгийн дарамтад өртсөн 1000 гаруй эмэгтэй надад хандсан

Бэлгийн дарамт учруулсан тухайгаа цахим хуудаст мэдээлснээс хойш өнгөрсөн 20 жилийн хугацаанд Ц.Анандбазартай холбоотой түүнд дарамтлуулсан 1000 гаруй эмэгтэй надад хандсан. Энэ хүмүүс мэдүүлэг өгөхөд бэлэн байгаагаа хэлсэн. Багадаа хүчирхийлэлд өртөж байсан гэх мэт. Ямартай ч хуулийн байгууллага үнэн зөв шийдэж өгөх байх" гэлээ.

11 цагийн өмнө