Ц. Анхзул
Сэтгүүлч

2018 оны эхний хоёр сард гэр бүлийн хүчирхийллийн 7368 дуудлага иржээ

2018 оны 3 сарын 292018-03-29

2018 оны эхний хоёр сард гэр бүлийн хүчирхийллийн 7368 дуудлага цагдаагийн байгууллагад иржээ. Гэр бүлийн хүчирхийллийн улмаас 135 иргэн хохирсноос нэг хүн амь насаа алдаж, 14 хүн хүчиндэх гэмт хэргийн хохирогч болсон байна. 

Гэр бүлийн хүчирхийллийн хохирогчдын 93.3 хувь нь эмэгтэйчүүд байна. Нарийвчилбал эхнэр 66, хамтран амьдрагч 24, төрсөн хүүхэд 7, дагавар хүүхэд 4 хохирчээ. Тэдэнд хамтарсан баг сэтгэлзүйн болон эрүүл мэнд, хуульзүйн тусламж үзүүлсэн байна. 

Гэр бүлийн хүчирхийлэл үйлдэгч, хэргийн холбогдогчид 7-30 хоног баривчлан саатуулах хариуцлага хүлээлгэдэг. Түүнчлэн хүчирхийлэл давтан үйлдсэн бол 6 сараас хоёр жил хүртэл хугацаагаар хорих ял оноодог. Гэхдээ цагдан хорих ял нь хүчирхийллийн үйлдлийг таслан зогсоох хөшүүрэг болж чадах эсэх нь эргэлзээтэй. Хууль, хүчний байгуулагынхан ч хүчирхийлэгчийн сэтгэлзүйд нөлөөлөх нь илүү үр дүнтэй гэж үзэж байна. Гэр бүлийн хүчирхийллийн 60 хувь нь үйлдэгддэг нийслэлд хэрэгт холбогдогчийг  баривчлах, сэтгэлзүйн сургалт явуулах ажлыг ШШГЕГ хариуцдаг. Гэвч тухайн байгууллагад мэргэжлийн сэтгэлзүйч хангалттай байдаггүй. Харин орон нутагт үйлдэгдсэн хүчирхийлийн холбогдогчийг баривчлах, сэтгэлзүйн сургалт явуулах ажлыг цагдаагийн байгууллага хариуцдаг бөгөөд энэ чиглэлээр албан хаагчдаа мэргэшүүлэн сургажээ. 

Хүчирхийлэл үйлдэгчдийн 47 хувь нь бүрэн дунд боловсолтой, 20.3 хувь нь дээд боловсролтой хүмүүс байгаа бол боловсрол эзэмшээгүй хүчирхийлэгч 3 хувийг эзэлж байгаа юм. Эндээс гэр бүлийн хүчирхийлэл үйлдэгч нь боловсролгүй нэгэн байх гэсэн ойлголт үгүйсгэгдэж байна. Нийгмийн байдлын хувьд хүчирхийлэл үйлдэгчдийн 48.4 хувь нь ажилгүй иргэд байна.  Гэр бүлийн хүчирхийлэл үйлдэгчийн сэтгэлзүйд өөрчлөлт хийх, өсвөр насныханд хүчирхийллийн хор хөнөөлийн талаар мэдлэг мэдээлэл олгох нь чухал байгаа юм. 
 

Санал болгох

МИАТ ТӨХК тийзийн үнээ 10-26 хувиар хямдрууллаа

Иргэний агаарын үндэсний тээвэрлэгч МИАТ ТӨХК гадаад дахь нислэгүүдийн тийзийн үнийг 10-26 хувиар бууруулж, өнөөдрөөс борлуулалтаа эхлүүлж байгаа талаар мэдээллээ

20 цагийн өмнө
М.Бадарч: Би гүжирдүүлсэн

Улсын арслан М.Бадарчийг допинг хэрэглэсэн нь батлагдсан талаарх мэдээлэл өнөөдөр ч анхаарлын төвд байна. Тэгвэл Улсын арслан М.Бадарчаас гарч буй мэдээллийн талаар дараах тодруулгыг авлаа

1 өдрийн өмнө
ТӨСӨВГҮЙ гэх үгийн золио нь 13 настай охины амь

Зам тээврийн ослын улмаас 12 настай охин нас барж, 13 настай эмэгтэй Х нь  биеийн байдал хүнд Гэмтэл согог судлалын үндэсний төвд эмчлүүлж байна. Дээрх хэрэг

1 өдрийн өмнө
ЭМЯ: Хөх хотод сурсан 30 сувилагч гэрчилгээгээ гардлаа

Эрүүл мэндийн яам, Эрүүл мэндийн хөгжлийн төвөөс БНХАУ-ын ӨМӨЗО-ы Олон улсын монгол эмнэлэгтэй хамтран хэрэгжүүлсэн сувилагчдын мэргэжил дээшлүүлэх олон улсын сургалт өндөрлөлөө.

1 өдрийн өмнө