“Хөлбөмбөгийн нөхөрлөлийн төлөө” формын сонгон шалгаруулалт боллоо

Спорт / Time Admin
2018 оны 03 сарын 07

Image may contain: one or more people, people playing sports and basketball court

Олон Улсын Хөлбөмбөгийн Холбоо /FIFA/, ОХУ-ын Казпром ХК хамтран зургаа дахь жилдээ зохион байгуулах “Хөлбөмбөг Нөхөрлөлийн Төлөө” олон улсын хүүхдийн фестивальд Монгол улсыг төлөөлж оролцох хоёр хүүхдийн сонгон шалгаруулалт өнөөдөр МХБХ-ны футзалын ордонд явагдлаа. Шалгаруулалтыг Монголын футзалын үндэсний шигшээ багийн ахлах дасгалжуулагч С.Эрдэнэ-Очир удирдан явуулав.

Ур чадварын шалгаруулалтаас таван хүүхдийг сонгон Англи хэлний сорил авсан бөгөөд шүүгчид дүнгээ нэгтгэж байна. Энэ долоо хоногтоо багтаад “Хөлбөмбөг Нөхөрлөлийн Төлөө” олон улсын хүүхдийн фестивальд оролцох хоёр хүүхдийн нэр тодорхой болно. Олон орны хүүхдүүдэд хөлбөмбөгөөр дамжуулан эх дэлхийн эв нэгдлийн төлөө хамтдаа тоглож, эх орноо сурталчлах томоохон боломж олгодог “Хөлбөмбөг нөхөрлөлийн төлөө” фестивальд Монголын хөл бөмбөгийн холбоо анх удаа оролцох гэж байна. Энэхүү үйл ажиллагааг ОХУ-ын Газпром ХК, ОУХБХ 6 жилийн өмнөөс хамтран зохион байгуулж ирсэн бөгөөд ОУХБХ-ны гишүүн 211 улс идэвхтэй оролцдог юм.

Image may contain: 2 people, people sitting and shoes