Л.Болд: АН бүрэн шинэчлэгдэх хүртэл намын гишүүнчлэлээс татгалзлаа

32
6 сарын өмнө

АН-ын Үндсэн дүрмийн хороо шийдвэр гаргаж, Ж.Батзанданг намаас хөөх, Л.Болд, Д.Мурат нарыг АН-аас сонгуульд нэр дэвших эрхгүй болгосон билээ.

Тэгвэл өнөөдөр УИХ-ын гишүүн Л.Болд намаасаа татгалзаж байгаа талаараа мэдэгдлээ. Тэрбээр "Би АН-аас татгалзаж байна. Гишүүнчлэлээсээ татгалзаж байгаа. АН бүлгээ авч үлдэж, 60 тэрбумын бүлэглэлийн халаасны нам болох үйл ажиллагааг үргэлжлүүлэх гэж байгаа бол би дэмжиж чадахгүй. Үүнийг таслан зогсооно" хэмээн мэдэгдэв.

Мөн албан бичгээр намаас татгалзаж байгаагаа мэдэгджээ. Тэрбээр "Лувсанвандангийн Болд миний бие 1990 оны ардчилсан хувьсгалд Монголын оюутны хөдөлгөөнийг толгойлон удирдаж оролцсон цагаас хойш ардчиллын үйл хэргийн төлөө ардчилсан намын гишүүний хувиар тасралтгүй тууштай тэмцэж ирсэн билээ. Ардчилсан Намын өнөөгийн удирдлагын гаргасан зөрчилтэй шийдвэр, УИХ дахь Ардчилсан намын бүлгийн даргын хийсэн хууль бус тайлбарыг эсэргүүцэж Ардчилсан Намд бүрэн шинэчлэл хийгдэх хүртэл Ардчилсан намын Үндсэн дүрмийн 3.5-д заасны дагуу намын гишүүнчлэлээс татгалзаж байгааг мэдэгдэж байна" гэжээ. 

Ингэснээр УИХ дахь АН бүлэггүй болох нөхцөл бүрдэж байгаа юм.

Санал болгох

ЗГХЭГ: Олон нийтийн саналын дагуу 1072 хувьцааны ногдол ашгийг тараахгүй

Улсын Их Хурлын гишүүн Н.Амарзаяагаас ”Эрдэнэс Тавантолгой” ХК-ийн үйл ажиллагаа, санхүүжилт босголт, ногдол ашиг хуваарилалт, тусгай зөвшөөрөл зэрэг асуудлуудаар" тавьсан асуулгын хариу

10 цагийн өмнө