Олимпийн бэлтгэлд 6.5 тэрбумыг 2019 онд зарцуулна

3.1 мянга
4 сарын өмнө
Олимпийн бэлтгэлд 6.5 тэрбумыг 2019 онд зарцуулна

Олимпийн наадамд бэлтгэх үндэсний хороо (ОНБҮХ) өнөөдөр хуралдаж, Монгол Улсын Ерөнхий сайд ОНБҮХ-ны дарга У.Хүрэлсүх хуралдааныг удирдлаа.

БСШУС-ын сайд, ОНБҮХ-ны орлогч дарга Ё.Баатарбилэг тус хорооны 2018 оны төлөвлөгөөний биелэлтийн талаар, холбогдох газрын дарга нар Олимпийн хөгжлийг дэмжих сангийн үйл ажиллагааг эхлүүлэх, Үндэсний шигшээ багийн бүрэлдэхүүнд шаардагдах санхүүжилт, баг тамирчдын ёслол болон спорт хувцсыг хэрхэн шийдвэрлэх талаар мэдээлэл хийсний дараа Олимпийн наадамд бэлтгэх ажлыг эрчимжүүлэх тухай тогтоол гаргав.  

“Токио-2020” олимп, паралимпийн наадамд бэлтгэх Үндэсний хорооны 2019 оны ажлын төлөвлөгөөг баталж, төлөвлөгөөний дагуу ажлын явц, үр дүнгийн мэдээллийг Үндэсний хороонд улирал тутам танилцуулахыг үүрэг болголоо.

Монгол Улс спортын 16 төрлөөр шигшээ баг бүрдүүлсэн бөгөөд 9-10 төрөлд нь медаль хүртэх боломжтой гэж үзэж байна. Өмнөх олимпуудад бэлтгэх хороо 6-8 сарын өмнөөс ажиллаж эхэлсэн байдаг бол энэ удаад 15 сарын өмнөөс зохих бэлтгэлийг хангаж эхэлжээ. Тамирчдын бэлтгэл Булган аймгийн Хангал сум дахь “Спортын бэлтгэл, сургалтын төв”-д хийгдэнэ.

Үндэсний хорооны тооцоогоор Монгол Улс 2020 оны олимпийн наадамд амжилттай оролцоход 20 тэрбум төгрөг шаардлагатай бөгөөд 2019 оны Улсын төсөвт 6.5 тэрбум нь суусан байна. Үндэсний шигшээ багийн тамирчдын бэлтгэл сургуулилт хийх, олимпийн эрхийн тэмцээнд оролцуулахад шаардагдах төсвийг 2020 оны төсөвт тусган батлуулахаар шийдвэрлэлээ.  

Санал болгох

Н.Номтойбаяр: Хүнд зэрэглэлээрээ нэгт бичигдэх бартаат замын уралдааныг зохион байгуулна

Монголын бартаат замын авто спортын холбооноос (МБЗАСХ) дэлхийд чансаагаар эхний аравт, хүнд зэрэглэлээрээ нэгт орохуй бартаат замын олон улсын тэмцээнийг зохион байгуулах гэж байна.

2 өдрийн өмнө
Торгоны зам-2019 авто ралли өнөөдөр дуусна

Торгоны зам-2019 авто ралли энэ сарын 6-нд эхэлсэн бөгөөд өнөөдөр БНХАУ-д хаалтаа хийнэ.

4 өдрийн өмнө
Э.Оюунболд аварга шагналын машинаа худалдаж, аймагтаа түргэний тэрэг хандивлана

Ардын хувьсгалын 98 жилийн ой, Үндэсний их баяр наадмын хүчит бөхийн барилдаанд Хэнтий аймгийн Өмнөдэлгэр сумын харьяат Улсын арслан Э.Оюунболд түрүүлж Монгол Улсын Аварга цол хүртсэн юм.

4 өдрийн өмнө