Ц.Раднаа: Спортоор хичээллэж явсан болохоор олон талын өвчин байдаггүй

5.4 мянга
4 сарын өмнө
Ц.Раднаа: Спортоор хичээллэж явсан болохоор олон талын өвчин байдаггүй

Польшийн Торун хотод гуравдугаар сарын 24-30-ны өдрүүдэд хөнгөн атлетикийн мастеруудын ДАШТ-д оролцсон Монголын баг тамирчид эх орондоо хүрэлцэн ирлээ. 

Тэмцээнд 88 орны 500 гаруй тамирчид 45, 50, 60, 70, 80, 90 насны ангилалд өрсөлдснөөс Монгол Улсын 85 настай иргэн Ц.Раднаа, 81 настай иргэн Т.Цэрэндолгор нар дэлхийн аварга болсон билээ. Тодруулбал, тус тэмцээнд Монгол Улсаас 13 тамирчин оролцож, Ц.Раднаа 400 метр, саадтай 60 метр,  гурвын харайлтын төрөлд алтан медаль, нэг мөнгөн медаль, Т.Цэрэндолгор бөөрөнцөг түлхэлтийн төрөлд мөнгөн медаль хүртсэн.

Сошиал орчинд олны анхаарлыг татаад буй Ц.Раднаа гуайг ар гэрийнхэн болон нутгийн зон олон, хэвлэл мэдээллийнхэн тосч авлаа. Тэрбээр "Намайг амжилтаар минь огшоож өгсөн та бүхэндээ баярлалаа. Та бүхэн надад үнэхээр их том урам зориг өглөө. Би 30 гаруй жил спортоор хичээллэсэн, мэргэжлийн биеийн тамирын багш. Манайх ер нь спортлог айл. Миний том хүү Украинд усан спортын мэргэжлээр дээд сургууль төгсөж ирсэн. Манай дүү нар биеийн тамирын багшаар ажилладаг. Спортоор хичээллэж явсан болохоор надад олон талын өвчин байдаггүй. Өвдгөндөө бага зэрэг бэртэлтэй байсан ч гайгүй оролцлоо" хэмээн сэтгэгдлээ хуваалцсан юм.

Санал болгох

Н.Номтойбаяр: Хүнд зэрэглэлээрээ нэгт бичигдэх бартаат замын уралдааныг зохион байгуулна

Монголын бартаат замын авто спортын холбооноос (МБЗАСХ) дэлхийд чансаагаар эхний аравт, хүнд зэрэглэлээрээ нэгт орохуй бартаат замын олон улсын тэмцээнийг зохион байгуулах гэж байна.

2 өдрийн өмнө
Торгоны зам-2019 авто ралли өнөөдөр дуусна

Торгоны зам-2019 авто ралли энэ сарын 6-нд эхэлсэн бөгөөд өнөөдөр БНХАУ-д хаалтаа хийнэ.

4 өдрийн өмнө
Э.Оюунболд аварга шагналын машинаа худалдаж, аймагтаа түргэний тэрэг хандивлана

Ардын хувьсгалын 98 жилийн ой, Үндэсний их баяр наадмын хүчит бөхийн барилдаанд Хэнтий аймгийн Өмнөдэлгэр сумын харьяат Улсын арслан Э.Оюунболд түрүүлж Монгол Улсын Аварга цол хүртсэн юм.

4 өдрийн өмнө