У.Хүрэлсүх: Тост, Тосон бумбын нурууг бүхэлд нь улсын тусгай хамгаалалтад ав, чадахгүй бол ажлаа өгцгөө

4 сарын өмнө
У.Хүрэлсүх: Тост, Тосон бумбын нурууг бүхэлд нь улсын тусгай хамгаалалтад ав, чадахгүй бол ажлаа өгцгөө

Тост, Тосон бумбын нуруунд ашигт малтмал олборлох үйл ажиллагаа явуулж буйтай холбоотой асуудлаар Ерөнхий сайд У.Хүрэлсүх БОАЖ-ын сайд, УУХҮ-ийн сайд, Тагнуулын ерөнхий газрын дарга болон хууль хяналтын байгууллагуудын удирдлагуудыг дуудаж, шуурхай хурал хийлээ.

Ерөнхий сайд У.Хүрэлсүх "Тост, Тосон бумбад уул уурхай явуулах зөвшөөрлийг хууль бусаар олгосон. Өмнөговь аймгийн иргэд төрөөс юу ч гуйгаагүй, газар нутгийнхаа бүрэн бүтэн байдлыг хамгаалж үлдэхийн төлөө нутгийн иргэд уйлаад ярьж байна.

Ард түмэн газраа ухуулахгүй гээд байхад яагаад уурхай ажиллаад байна вэ. Энэ бол анхнаасаа хууль зөрчиж олгогдсон зөвшөөрөл гэж би ойлгож байгаа. Ерөнхий сайд энэ асуудлаар 2-3 удаа даалгавар өгсөн. Энэ уурхайтай холбогдоод байгаа УИХ-ын гишүүн Б.Чойжилсүрэнтэй би хэд хэдэн удаа уулзаж, анхааруулж хэлсэн. Яасан цадаж ханадаггүй шунал вэ. Эх орны газар шороо бохирдуулаад, хувьдаа ашиг хонжоо олохын төлөө УИХ-ын гишүүнээр сонгогддоггүй гэж би бодож байна.

Тиймээс Байгаль орчны сайд Тост, Тосон бумбын нуруунд ашигт малтмал олборлож буй компанийн лицензийг өнөөдөр цуцал. Уурхайн машин теникийг Цагдаагийн дарга журамлаад газар дээр нь очиж ажил. Ард түмэнд хахууль өгөх гэж оролдсон этгээдүүдэд эргүүгийн хэрэг үүсгэж шалга" хэмээн үүрэг өгч нэн даруй ажилдаа орохыг үүрэгдлээ.

Мөн энэ асуудлыг шийдвэрлэхгүй бол сайд нар төдийгүй Тагнуулын ерөнхий газар, Цагдаагийн ерөнхий газрын дарга, албан тушаалтнуудыг ажлаа өгөхийг сануулсан юм.

 

Санал болгох

Шууд торгохын оронд эхлээд сануулдаг Зөрчлийн хуультай болно

УИХ-ын өнөөдрийн чуулганаар Эрүүгийн багц хуульд нэмэлт өөрчлөлт оруулах тухай хуулийн төслүүдийг хэлэлцлээ. Анхаарал татсан нь бүтэн жил маргаан дагуулж, олны шүүмжлэлд өртсөн “хөөн хэлэлцэх хугацаа”-тай холбоотой асуудал байв. Гишүүн юу ярьсныг хүргэе. Хуулийн анхны хэлэлцүүлгийг ирэх долоо хоногт үргэлжлүүлэх юм.

14 цагийн өмнө
АН-ын гишүүд даваа гарагт багтаан 40 сая төгрөг намдаа өргөнө

Ардчилсан намын гишүүд ирэх 2020 оны УИХ-ын сонгуульд нэрээ дэвшүүлэхийн тулд 100 сая төгрөгийн хандив намтай өгөх ёстой болсон. Энэ шийдвэрийг АН-ын Үндэсний бодлогын хорооны гишүүд санаачилж, хурлаараа баталгаажуулсан бөгөөд Улс төрийн намын тухай хуульд нийцэж байгаа гэж тус намын дарга С.Эрдэнэ тайлбарласан.

1 өдрийн өмнө
П.Батсайхан: Монголчууд бүгдээрээ экспортлогч болох ёстой

АПУ ХК ОХУ-ын Казань хотод “Монголын нэг өдөр” соёлын арга хэмжээг энэ сарын 6-нд амжилттай зохион байгууллаа. Өдөрлөгийн хүрээнд тус компани ОХУ-ын “Татспиртпром” компанитай хамтын ажиллагааны гэрээ байгуулсан юм.

1 өдрийн өмнө
Монгол Улс Үндэсний номын баярын өдөртэй болно

Монгол Улсын Их Хурлын гишүүн А.Ундраагийн санаачилгаар Нийтээр тэмдэглэх баярын болон тэмдэглэлт өдрүүдийн тухай хуульд нэмэлт, өөрчлөлт оруулах тухай хуулийн төслийн хэлэлцүүлгийг өнөөдөр (2019.12.12) Төрийн ордонд зохион байгууллаа.

1 өдрийн өмнө