Монгол хүүхдийн биеийн дундаж хэмжээсийг тодорхойлов

3.4 мянга
2
10 өдрийн өмнө
Монгол хүүхдийн биеийн дундаж хэмжээсийг тодорхойлов

“Монгол Хүүхдийн биеийн хэмжээ” судалгааны үр дүн, ач холбогдол, цаашид хэрхэн ашиглах боломж байгаа талаар танилцуулах семинар зохион байгуулагдлаа.

 Үндэсний статистикийн газрын мэдээгээр Монгол улсад хүн амын 22 хувийг эзлэх 6-18 насны 710 мянган хүүхэд амьдарч байна. Дэлхийн улс орнууд 5-15 жилийн тутамд хүн амын хэмжилзүйн судалгаа явуулж биеийн хэмжээний ангилал, стандартаа шинэчилж байдаг. Манай улс 1985 онд хүүхдийн биеийн хэмжээний судалгаа явуулж “Хөвгүүд, охидын биеийн хэв шинжит галбир, ангилал хэмжээ” MNS 4253-1995 стандартыг 1995 онд боловсруулсан байдаг. Энэ нь нийгэм, цаг үеийн технологийн хөгжил дэвшил, амьдралын хэв маяг өөрчлөгдөхийн хирээр хүүхдийн биеийн өсөлт, хэлбэр, хэмжээ ч өөрчлөгдөж 25 жилийн өмнө тогтоосон стандарт нь өнөөгийн хүүхдийн биеийн хэмжээг бүрэн илэрхийлж чадахгүй болсон юм. Үүний нэг жишээ нь стандартын дагуу үндэсний үйлдвэрлэгчдийн үйлдвэрлэсэн  сурагчдын дүрэмт хувцас багадах эсвэл томдох, түүнчлэн сургуулийн ширээ, сандал таарахгүй байх зэрэг асуудал тулгарч иржээ. Боловсролын байгууллагад олон улсын сургалтын стандартыг нэвтрүүлж буй өнөө үед Монгол хүүхдийн биеийн хэлбэр, хэмжээ, эргономикийн шаардлагад нийцсэн анги, танхим, дүрэмт хувцас, сургалтын тоног төхөөрөмжөөр хангасан орчинд сургалт явуулах үндсэн шаардлага тавигдаж байна.

          Иймээс хүүхдийн биеийн хэмжээний стандартыг боловсруулан үйлдвэрлэлд ашиглах зорилгоор Монгол улсын  Засгийн газар, ХХААХҮЯ-ны захиалгаар Азийн хөгжлийн банкны буцалтгүй тусламжаар Шинжлэх ухаан технологийн их сургуулийн Хувцас судлалын төв уг төслийг 2017-2019 онд хийж гүйцэтгэсэн.  Төслийн хүрээнд судалгааг түүврийн аргаар Төв, Ховд, Дорноговь, Орхон, Дорнод, Сүхбаатар аймаг, Нийслэл Улаанбаатар хотын нийт 9012 сурагчаас биеийн 63 төрлийн хэмжээг антропометрийн хүрэлцэх болон үл хүрэлцэх 3D бодискайнер ашиглан хэмжилт хийлээ. Судалгааны үр дүнг боловсруулан мэдээллийн сан бүрдүүлэн математик статистик боловсруулалт хийж, “06-18 насны охидын биеийн хэв шинжит галбирын ангилал. Биеийн хэмжээ”, MNS 2019”, “06-18 насны хөвгүүдийн биеийн хэв шинжит галбирын ангилал. Биеийн хэмжээ. MNS 2019” стандартуудыг боловсруулан батлуулаад байна.                                                                                                                     

  Монгол хүүхдийн биеийн дундаж хэмжээ, см

 

Нас

Өндөр-цээжний бүслүүр-бүсэлхийн бүслүүр, см

Хөвгүүд

Охид

6 нас

116-56-51

116-56-48

7 нас

122-60-54

122-60-51

8 нас

128-64-57

128-60-54

9 нас

134-64-57

134-64-57

10 нас

140-68-60

140-68-57

11 нас

146-72-63

146-72-60

12 нас

152-76-63

152-76-63

13 нас

158-76-66

158-80-63

14 нас

164-80-66

158-80-66

15 нас

164-80-66

158-80-92*

16 нас

170-84-69

158-84-92*

17 нас

170-84-72

164-88-92*

Судалгааны үр дүнг 2008, 2015 онд гүйцэтгэсэн судлаачдын хэмжилттийн утгатай харьцуулахад биеийн өндөр эрэгтэй сурагчдын хувьд бүх насанд 0.3-6.91 см хооронд өсөлттэй, эмэгтэй сурагчдад 14 нас хүртэл 2.0-7.0 см хүртэл өсөлттэй байв. Харин эмэгтэй сурагчид 15,16 насанд 2 см хүртэл буурсан, 17 насанд 2 см-аар өсөлттэй байна.

Цээжний бүслүүр хэмжээсийг судлаачдын үр дүнтэй харьцуулахад эрэгтэйд 6-18 насанд  12 см хүртэл их, эмэгтэйд   17 см хүртэл нэмэгдсэн байгаа нь хүүхдүүд таргалсныг харуулж байна.

 Судалгаагаар :

  1. Монгол хүүхдийн биеийн өсөлт хөгжилтийн талаар нэгдсэн дүгнэлт гаргав. Үүнд
  • -Эрэгтэй сурагчдын биеийн өндрөөс хамаарч 15 ангилал, эмэгтэй сурагчдын 12 ангилал үүсгэн биеийн дундаж хэлбэрийг тогтоосон.
  • Хөвгүүд хамгийн өндөр нь 190-197 см бөгөөд Улаанбаатар хот, Орхон аймгийн хөвгүүд, охид хамгийн өндөр нь 170-176 см бөгөөд Улаанбаатар хот болон Төв аймгийн охид байна.
  • Охидын хувьд 1-р ангид хамгийн намхан нь Улаанбаатар хотын сурагчид, хамгийн өндөр нь Төв аймгийн сурагчид байна. 3 ангиас эхлэн охидод нурууны бөхийлт ажиглагдаж байгаа бөгөөд 3-5 ангид ойролцоо өндөртэй болж байна. 5-8 ангид өсөлт огцом явагдаж 9-11 ангид жигдхэн өссөн. Ахлах ангид Дорноговь, Орхон аймгийн охид илүү өсгөлүүн болсон байна.
  • Хөвгүүдийн хувьд Ховд аймгийн хөвгүүд намхан, Улаанбаатар хот, Орхон, Төв аймгийн хөвгүүд өндөр байна. 1-5 ангид жигд өсөлттэй байгаа ба 7-9 ангид огцом өсөлт байна. 3 ангиас эхлэн бөгтийлт ажиглагдаж байгаа бөгөөд 6-7 ангиас биеийн хэлбэрийн өөрчлөлт эхэлж байна. Ахлах ангиас нурууны бөгтийлт багасч байгаа нь бие бялдар, булчин томорч байгаатай холбоотой гэж үзэж байна

   2.Монгол хүүхдийн биеийн хэмжээний үндэсний стандартуудыг боловсруулан батлуулснаар ерөнхий боловсролын сургуулийн сургалтын орчин, хэрэглэгдэхүүний стандартад               хэрэгцээтэй өгөгдлүүдийг бий болгов.

  3. Ерөнхий боловсролын сургуулийн сурагчдын дүрэмт хувцас болон хүүхдийн хувцасны суулт тохироо сайжрах үндэс бүрдэв.

 4.Монгол улсын 6-18 насны хүүхдийн биеийн дундаж хэмжээ, стандарт гарснаар хүүхдийн биеийн хөгжлийн талаарх бодлогыг тодотгож, улс орны нийгэм, эдийн засгийн хөгжил, хүүхдийн эрүүл мэндэд анхаарахад оруулах хувь нэмрийг шинээр тодорхойлох боломжийг бүрдүүлэв.

 5. Судалгааны үр дүнгээр хүүхдийн биеийн дундаж хэмжээс, 3D дүрсжүүлсэн /avatar/ зураг гаргасан нь контент болон хувцасны үйлдвэрлэл, загвар зохион бүтээлтэд ашиглагдах манекен үйлдвэрлэх үндэс бүрдэв.  

Санал болгох

Аврагчид Хөвсгөл нуурт 80 удаа шумбав

Онцгой байдлын ерөнхий газраас “Гүний усны дадлага сургууль”-ийг энэ сарын 15-21-ний өдрүүдэд Хөвсгөл аймгийн Хатгал тосгон дахь ОБЕГ-ын харьяа Давтан сургалт сэргээн заслын төвийн Гүний усны сургалтын төвд зохион байгууллаа.

2 өдрийн өмнө
Хоолноос нь хорхой гарсан тул Кимбаб Чонгүгын үйл ажиллагааг албадан зогсоолоо

Нийслэлийн мэргэжлийн хяналтын газраас прокурорын тогтоолын дагуу Кимбаб Чонгүг солонгос хоолны газрын үйл ажиллагааг албадан зогсоолоо. 

2 өдрийн өмнө
Гэмт хэргийн тухай  мэдээллийг иргэдээс төлбөртэй авч байна

Тээврийн цагдаагийн алба Цагдаагийн албан тухай хууль, Гэмт хэргээс урьдчилан сэргийлэх тухай хуульд зааснаар:

2 өдрийн өмнө