Булган аймагт сүрьеэгийн 30 ортой эмнэлэг ашиглалтад орно

52
23 өдрийн өмнө
Булган аймагт сүрьеэгийн 30 ортой эмнэлэг ашиглалтад орно

Булган  аймагт халдварт сүрьеэгийн 30 ортой барилга ашиглалтад ороход бэлэн болоод байна. Мөн ЭМЯ болон АХБанкны санхүүжилтээр  43 сая төгрөгний эмнэлгийн тоног төхөөрөмж болох өвчтөний амин үзүүлэлт хянах монитор, амьсгалын аппарат, хүчилтөрөгч өтгөрүүлэгч, утлагын аппарат, дуслын болон тариурын шахуургын аппараттай болжээ.

1961 онд тус аймагт халдварт шар өвчиний дэгдэлт их гарсан. Энэ үед дотрын тасгаас тусгаарлан  10 ортойгоор тусгай тасаг болж  их эмчээр Баасанлхүндэв, сувилагчаар Д.Чойжамц, Н.Дашцэрэн, Ш.Должинсүрэн, Н.Дашзэвэг нар 2 гэрт  үйл ажиллагаагаа эхэлсэн түүхтэй.   1975 онд шинээр барьсан 2 давхар байранд орж, 20 ортойгоор эмчилгээ, үйлчилгээнийхээ ажиллагаагаа өргөжүүлсэн. Халдварт өвчний өвчлөл ихтэй халдварт шар өвчин голомтлон гарч халдварт өвчний голомтонд үзлэг хийх,  балнад өвчин гарч гэдэс тайрах хагалгааг тасагтаа мэс заслын эмч нартай хамтран хийн эмчилдэг байсан.   1980-2000 онд хүүхдүүдийн дунд халдварт шар өвчин их гарч сахиургүй хүүхдүүдийг авч  2 ээлжийн сувилагчтай  ажиллаж байв.   2001-2010 онуудад урьдчилан сэргийлэх вакцин олон нийтэд хэрэглэж зарим халдварт өвчний гаралт багассан боловч байгалийн голомтот, шинэ болон дахин сэргэж буй хачигт халдвар, зоонозын халдварт өвчин боом гэх зэрэг өвчин тухайн он жилүүдэд гарч байсан байна. 


Санал болгох

Энэ амралтын өдрүүдэд "Элсэн манхны баяр" болно

"Элсэн манхны баяр-2019" уламжлалт арга хэмжээг есдүгээр сарын 14, 15-ны өдрүүдэд Өмнөговь аймгийн Сэврэй сумын нутаг Монголын 9 гайхамшгийн нэг болох Хонгорын элс Дуут манхны хормойд зохион байгуулна.

2 өдрийн өмнө