Прасанна Ди Силваг "Найрамдал" медалиар шагналаа

2019 оны 9 сарын 112019-09-11
Прасанна Ди Силваг "Найрамдал" медалиар шагналаа

Даян дэлхийн байгаль хамгаалах сангийн Ази, Номхон далайн бүс нутаг хариуцсан захирал Прасанна Ди Силваг  Монгол Улсын Ерөнхийлөгч Х.Баттулгын зарлигаар “Найрамдал” медалиар шагналаа. Шагналыг ЕТГ-ын дарга З.Энхболд гардуулсан бөгөөд ЗГХЭГ-ын дарга Л.Оюун-Эрдэнэ оролцов.

Прасанна Ди Силва нь төрийн болон Олон улсын байгууллагын төсөл, хөтөлбөрт нийтдээ17 жил ажилласан бөгөөд Монгол, Австрали, Армен, Лаос зэрэг улсуудад Олон улсын байгууллагын удирдах албан тушаалыг хашсан туршлагатай. Манай улсад “Дэлхийн зөн Монгол” Олон Улсын байгууллагын Үйл ажиллагаа эрхэлсэн захирлаар ажиллаж байсан. Харин 2018 оноос  Даян дэлхийн байгаль хамгаалах сангийн Ази, Номхон далайн бүс нутаг хариуцсан захирлаар ажиллаж байгаа юм.

 Монголд ажиллах хугацаандаа Прасанна Ди Силва нь нийгэм, эдийн засаг, боловсрол, хүүхэд хамгаалал, хөдөө аж ахуй, гадаад харилцааны салбарт олон чухал ажлыг санаачлан хэрэгжүүлж Монгол Улсын хөгжилд бодитой хувь нэмэр оруулсан учир “Найрамдал” медалиар шагнаж буй аж гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Санал болгох

Хот байгуулалтын тухай хуулийн шинэчилсэн найруулгын төсөл болон бусад хуулийн төслүүдийг өргөн барилаа

Өвөрхангай аймгийн Арвайхээр, Тарагт сум, Баян-өлгий аймгийн Өлгий, Бугат сумдын хилийн цэсэд өөрчлөлт оруулах тухай тогтоолын төсөл зэргийг өргөн барилаа.

7 цагийн өмнө
Л.Пүрэвсүрэн: Герман эрийн мөнгийг цагдаагийнхан завшсан гэж хэлсэн

Элчин сайд Л.Пүрэвсүрэн нь Клойбер нарыг эрэн сурвалжилсан, Д.Цогтбаатар хурандааг шалгаж байсан цаг хугацаанд Монгол Улсын Ерөнхийлөгчийн Аюулгүй байдал, гадаад бодлогын зөвлөх, Гадаад харилцааны сайдын албыг хашиж байсан тул твиттэр дэх мэдээллийг нь уншигчидтай хуваалцав.

8 цагийн өмнө
Г.Батхүү агсны ар гэрийнхнээс тэдэнд хүргүүлсэн Нээлттэй захидал

Төр, нийгмийн зүтгэлтэн Г.Батхүү амиа алдсан асуудал шийдвэрлэгдэлгүй найман сар өнгөрч байна. Өнөөдөр түүний ар гэрийнхэн болон өмгөөлөгчид хэвлэлийн бага хурал хийсэн. Мөн УИХ дахь АН-ын зөвлөл, МАН-ын бүлгийн дарга, гишүүдэд хандсан нээлттэй захидал хүргүүлсэн байна. Адил агуулгатай нээлттэй захидлыг хүргэе.

12 цагийн өмнө