2020 оны есдүгээр сар хүртэл хуш модны самар бэлтгэхийг хориглов

2019 оны 9 сарын 102019-09-10
2020 оны есдүгээр сар хүртэл хуш модны самар бэлтгэхийг хориглов

Байгаль орчин, аялал жуулчлалын сайдын 2019 оны А/463 дугаар тушаалаар 2020 оны есдүгээр сарын 01-нийг хүртэл хуш модны самар түүж бэлтгэх, худалдан борлуулах, экспортлохыг хориглолоо.

Нийслэлийн ногоон бүсийн ойн сан нь “Ойн тухай хууль”-д заасны дагуу экологи-эдийн засгийн ач холбогдлоороо хамгаалалтын бүсийн ойд хамаардаг. Ногоон бүсийн ой нь байгалийн аясаар ургасан ой бөгөөд шинэс, хуш, нарс, хус зонхилж улиангар, гацуур, улиас, бургас харьцангуй бага талбайд тархсан байдаг. Ойн сангийн талбай 116.257 га, үүнээс ойгоор бүрхэгдсэн талбай 95.234 га, ойгоор бүрхэгдээгүй талбай 17.534 га, ойн бус талбай 3.480 га байна. Үүнээс 16.520 га талбай буюу 17,3 хувийг хушин ой эзэлдэг. Жил бүрийн намар иргэд олноороо хотын ногоон бүсийн ойд зорчиж, ойн дагалт баялаг болох хушны самар түүдэг тул 2020 оны есдүгээр сарын 01-нийг хүртэл дээрх зорилгоор зорчихгүй байхыг анхааруулж байна.

Хуш модны ургалт, самар түүх явцад байгаль орчинд учруулдаг сөрөг нөлөөллийг бууруулах зорилгоор хэрэгжүүлж буй шийдвэрийг дэмжиж, зөрчлийн мэдээллийг Нийслэлийн Байгаль орчны газрын байгаль хамгаалагчид болон байгаль орчны зөрчил гомдлын мэдээлэл хүлээн авах “Зуслан” аппликэйшнээр дамжуулан ирүүлэхийг уриалж байна. Самар түүж бэлтгэсэн гэм буруутай этгээдээр экологи-эдийн засгийн үнэлгээгээр тогтоогдсон мөнгөн дүнг /Сибирь хушны самрын 1 кг тутамд 50000 төгрөг/ гурав дахин нэмэгдүүлсэнтэй тэнцэх хэмжээгээр нөхөн төлүүлнэ.

 

НИЙСЛЭЛИЙН БАЙГАЛЬ ОРЧНЫ ГАЗАР

Санал болгох

"АПУ" ХК 1000 ӨРХӨД ХҮНСНИЙ ТУСЛАМЖ ҮЗҮҮЛЛЭЭ

НЗДТГ-аас санаачилсан "Дэм дэмэндээ"2 аянд АПУ ХК нэгдэж хөл хорионы үед орлого нь тасарч хоол хүнсний хомсдолд орсон 1000 өрхөд хүнсний тусламж үзүүллээ. Уг аяны хүрээнд Сонгинохайрхан, Чингэлтэй дүүргүүдийн орлого нь тасалдаж, хоол хүнсгүй болсон өрхөд хүнсний багц хүргүүлжээ. 

10 цагийн өмнө
Талбай дээр жагсаж байгаа иргэдээс шинжилгээ авахаар хамгаалалтад авлаа

Өглөө эхэлсэн түүний эсэргүүцэлд өдөр дундын үед УИХ-ын гишүүн Х.Болорчулуун, Ц.Даваасүрэн нар нэгдэж, байр сууриа илэрхийлсэн бол 17:00 цагийн орчимд УИХ-ын гишүүн Б.Бат-Эрдэнэ, А.Адъяасүрэн болон иргэд мөн үзэл санаа нэг гэдгээ илэрхийлсэн.

10 цагийн өмнө
Иргэд QR код уншуулах нь хоёр дахин нэмэгджээ

Өнгөрсөн хугацаанд коронавирусийн халдварын голомтод бүртгэгдсэн 1195 иргэний гар утсанд анхааруулах мэдээлэл өгч, халдварын ойр харилцагчдыг тогтоосныг НЗДТГ-ын Хэвлэл мэдээлэлтэй харилцах хэлтэс мэдээлжээ.  

14 цагийн өмнө
Өлсгөлөн зарлаж буй С.Ганбаатарт цагдаагийнхан хууль санууллаа

Улсын их хурлын гишүүн С.Ганбаатар өнөөдөр Сүхбаатарын талбайд өлсгөлөн зарлаж байгаагаа мэдэгдсэнтэй холбогдуулан Сүхбаатар дүүрэг дэх цагдаагийн газраас энэхүү үйл ажиллагааг зогсоох тухай албан мэдэгдлийг хүргүүлэн ажиллаж байна. 

15 цагийн өмнө