“Говийн чоно-2019” олон улсын сургалт команд штабын сургуулиар үргэлжилж байна

2019 оны 9 сарын 202019-09-20
“Говийн чоно-2019” олон улсын сургалт команд штабын сургуулиар үргэлжилж байна

Онцгой байдлын ерөнхий газраас АНУ-ын Номхон далайн командлалтай хамтран найм дахь удаагаа Дорноговь аймагт зохион байгуулж байгаа “Говийн чоно-2019” олон улсын сургалт, дадлага сургууль команд штабын сургуулиар үргэлжилж байна.

Команд штабын сургуульд Гамшгаас хамгаалах улсын алба, яам, агентлаг,Төрийн цэргийн байгууллагууд,Үндэсний аюулгүй байдлыг хангах тусгайлсан чиг үүрэг бүхий байгууллагууд, олон улсын хүмүүнлэгийн байгууллагууд, гадаад улс орны төлөөлөл, бүс, орон нутгийн байгууллага, төрийн бус байгууллагын 200 орчим төлөөлөл оролцож байгаа юм.

Оролцогчид бүлэгт хуваагдан газар хөдлөлт, хүчтэй салхи шуурга, үер, хүн, малын гоц халдварт өвчин, орон нутгийн онцлогоос хамааран үйлдвэрлэлийн осол, галт тэрэгний болон зам тээврийн осол, химийн хорт бодисын алдагдал зэрэг цагийн байдлын дагуу ажиллаж байна.

Сургалт, дадлага сургууль нь гамшгаас хамгаалах бэлэн байдлын төлөвлөгөөг турших, цэрэг иргэний харилцан ажиллагааг жигдрүүлэх, олон улсын хүмүүнлэгийн тусламж хүлээн авах зохицуулалтыг сайжруулах, гамшгаас хамгаалах үйл ажиллагаанд иргэний байгууллагуудын оролцоог хангах зорилгоор зохион байгуулагдаж байна гэж Онцгой байдлын ерөнхий газраас мэдээллээ

Санал болгох

Говь-Алтай аймгийн Халиун сумын Засаг дарга хүчингийн хэргээр шалгагдаж байна

Ийнхүү сүүлийн гурван сарын хугацаанд тус аймгийн хоёр ч засаг дарга хүн амины хэрэгт сэжиглэгдээд байна. Говь-Алтай аймгийн засаг дарга В.Рэнцэндорж, Тонхил сумын засаг дарга Р.Даваадорж нар хүн амины хэрэгт шалгагдаж байгаа юм. 

6 өдрийн өмнө
Алтанбулагийн боомтоор 188 иргэн ирснийг тусгаарлалаа

Иргэдэд эрүүл мэндийн тандалт хийж биеийн халууныг хэмжин асуумж судалгаа авсан байна. Ингээд 182 иргэнийг ажиглалтад, 6 иргэнийг сэжигтэй тохиолдлоор тусгаарлажээ.

17 өдрийн өмнө
Аянга зайлуулагч унаснаас болж Хөвсгөл аймгийн хоёр сум тоггүй болжээ

Хөвсгөл аймагт түр зуурын хүчтэй шороон шуурга шуурч бороо орсны улмаас аянга зайлуулагч шугам унаж, хоёр сум тоггүй болжээ.

17 өдрийн өмнө