БОАЖЯ-ны нээлттэй хаалганы өдөрлөг боллоо

2.0 зуу
1 сарын өмнө

Засгийн газрын үйл ажиллагааг сурталчлах, иргэдэд төрийн үйлчилгээг нэг цэгээс хүргэх нээлттэй өдөрлөг үргэлжилж байна. Өнөөдөр Байгаль орчин, аялал жуулчлалын яам 08.30-17.30 цаг хүртэл Сүхбаатарын талбайд нээлттэй ажиллана.

Тус яамны нээлттэй өдөрлөгийн үеэр ашигт малтмалын тусгай зөвшөөрлийн кадастрын лавлагааг үнэ төлбөргүй авах боломжтой. Мөн сайжруулсан түлш, гэр байшингийн дулаалга, мөнгөн усны хор хөнөөл, усны бохирдлыг бууруулах арга зам зэрэг мэдээллийг авах боломжтой юм.

Нээлттэй хаалганы өдөрлөгийн үеэр 95 жилийн ойгоо тэмдэглэж буй ойн салбарынхан 65 жилийн ойгоо тэмдэглэж буй аялал жуулчлалын салбарынханд 65 ширхэг суулгац гардууллаа.

Түүнчлэн, БОАЖ-ын салбарын нээлттэй өдөрлөгийн үеэр иргэдийн дунд АХА тэмцээн зохион байгуулж, түрүүлсэн иргэнд 1 тонн сайжруулсан шахмал түлш гардуулсан юм.

 

 

Санал болгох