"Нэн түрүүнд ХАБ-2019” бага хурал боллоо

2019 оны 10 сарын 22019-10-02
"Нэн түрүүнд ХАБ-2019” бага хурал боллоо

“Оюу толгой” компани, Мэргэшсэн Хөдөлмөрийн Аюулгүй Байдал, Эрүүл Ахуйн Мэргэжилтнүүдийн Холбоо (МОШПА), "Эрдэнэт үйлдвэр" ТӨҮГ хамтран “Нэн түрүүнд ХАБ-2019” бага хурлыг 2019 оны аравдугаар сарын 1-2-ны өдрүүдэд Улаанбаатар хотноо зохион байгуулж байна. Хөдөлмөрийн аюулгүй байдал, эрүүл ахуйн үндэсний тогтолцоог төгөлдөржүүлэхэд хувь нэмрээ оруулж буй уг бага хурал нь найм дахь жилдээ “АЮУЛГҮЙ БАЙДАЛД МАНЛАЙЛАХ НЬ” уриан дор эхэллээ.

Энэ жилийн хурлыг “Оюу толгой” компани ивээн тэтгэж, хамтран зохион байгуулах болсноор ХАБЭА-н удирдлагын тогтолцооны олон улсад тэргүүлэх сайн туршлагаа хуваалцаж, түгээн дэлгэрүүлэх боломж өргөжин нээгдэж байна. Мөн бага хурлын үеэр МОШПА болон “Оюу толгой” компани ХАБЭА-н чанарын дэд бүтэц, үндэсний тогтолцоог бүрдүүлэхэд харилцан хувь нэмрээ оруулах зэрэг салбарын өргөн хүрээний асуудлаар хамтран ажиллах тухай Харилцан Ойлголцлын санамж бичиг байгууллаа.

“Нэн түрүүнд ХАБ-2019” бага хуралд худалдаа үйлчилгээ, эрүүл мэнд, сургалтын байгууллага, уул уурхай, барилга, эрчим хүч, зам тээврийн салбарын төрийн захиргааны байгууллага, үйлдвэрчний эвлэл, ажил олгогчид болон төрийн бус байгууллага, ХАБЭА-н чиглэлийн сургалтын байгууллагууд, даатгалын компаниуд, ажил олгогчид, аж ахуйн нэгжийн төлөөлөл бүхий 200 гаруй аж ахуйн нэгж, байгууллагын 370 гаруй төлөөлөл оролцож байна.

 Оролцогч талууд, мэргэшсэн мэргэжилтнүүд ХАБЭА-н эргэн тойронд асуудал дэвшүүлсэн илтгэл хэлэлцүүлж, шийдвэрлэх гарцыг хамтран тодорхойлно. Ажлын байран дахь осол, гэмтэл, өвчлөл, нас баралтаас урьдчилан сэргийлэхийн тулд энэхүү асуудалд хамааралтай оролцогч талууд үүрэг, хариуцлагаа чанд биелүүлж, ажилтан ажлын өдөр дууссаны дараа амар мэнд гэртээ харих боломжийг бүрдүүлэхэд үйл ажиллагаануудыг чиглүүлэн уялдуулах, эргэх холбоотой ажиллахыг чухалчлан хэлэлцүүлж байна..

Бага хурлын сэдэвчилсэн хуралдаан бүрийг тодорхой зорилготой зохион байгуулж хөдөлмөрийн аюулгүй байдал, эрүүл ахуйн үндэсний хөтөлбөрийн хэрэгжилтийг хэлэлцэн, үндэсний хэмжээний зөвшилцлийн бичиг баримт, бага хурлын зөвлөмж гаргаж, хэрэгжүүлэх талаар оролцогч талууд хамтран ажиллаcан юм.  

“Нэн түрүүнд ХАБ-2019” бага хурлын онцолж буй асуудлууд:

  • Хөдөлмөрийн аюулгүй байдал, эрүүл ахуйн үндэсний тогтолцоог төгөлдөржүүлэхэд нийгмийн харилцаанд оролцогч байгууллагуудын түншлэл чухал гэдгийг онцлох, хамтын ажиллагааг уялдуулах, нэгдсэн ойлголттой болох, аюулгүй байдалд манлайллыг чухалчлах,
  • Үйлдвэрлэлийн осол, мэргэжлээс шалтгаалах өвчлөлийг судлах, бүртгэх, урьдчилан сэргийлэхэд анхаарал хандуулах,
  • Аж ахуйн нэгж, байгууллагын бизнесийн тогтвортой хөгжилд хөдөлмөрийн эрүүл мэнд, аюулгүй байдлын сургалтын тогтолцоог сайжруулах талаар хэлэлцэв.  

 

 

 

Санал болгох

БНХАУ-д хандивласан 30 мянган хонины тухай баримтат кино аравдугаар сард нээлтээ хийнэ

Энэхүү киног ТВ2 телевиз болон БНХАУ-ын ССTV хамтран хийх бөгөөд киноны зураг авалтыг Монголын 21 аймгийн малчны хотонд болох юм.

16 цагийн өмнө
Төсвийн байнгын хорооны дарга Б.Жавхлан 2020 оны төсвийн тодотголын асуудлаар Сангийн яамныхантай санал солилцлоо

Улсын Их Хурлын Төсвийн байнгын хорооны дарга Б.Жавхлан өнөөдөр /2020.08.11/ Сангийн яамны холбогдох албан тушаалтнуудтай  уулзаж, Монгол Улсын эдийн засгийн өнөөгийн нөхцөл байдал, 2020 оны төсвийн тодотголын төсөлтэй танилцан санал солилцлоо.  

16 цагийн өмнө
“Житайм” сүлжээний хохирогч, харилцагчдын анхааралд

Тус шүүхийн тамгын газраас хэргийн хохирогч, иргэний хариуцагч нарт шийтгэх тогтоолыг гардуулах ажлыг 2020 оны 08 дугаар сарын 12- 25-ны өдрийг дуустал ажлын 10 хоногт багтаан зохион байгуулахаар ажиллаж байна.

17 цагийн өмнө
Сургууль орчмын 100 гаруй явган гарцад босоо гэрэлтүүлгийг хийжээ

Үүнд нийт  78 байршилд 100 ширхэг лед гэрэл гарцын босоо гэрэлтүүлгийг байршуулж, 4 байршилд хурд сааруулагч, 100 ширхэг лайт бокс буюу поспортдог тэмдэг, 1400 ширхэг зам дээрх цацруулагчийг хийж дуусаад байна.

17 цагийн өмнө