Шахмал түлштэй холбоотой асуудлуудаар асуулга тавьжээ

2
2 сарын өмнө
Шахмал түлштэй холбоотой асуудлуудаар асуулга тавьжээ

УИХ-ын гишүүн, ТББХ-ны дарга, “Утааны эсрэг” лобби бүлгийн ахлагч С.Бямбацогт сайжруулсан шахмал түлшний үйлдвэрлэл, нөөц, чанар, хүртээмж, түгээлт, хэрэглээтэй холбоотой олон асуулт, асуудлууд гарсаар байгаатай холбогдуулан Эрчим хүчний сайд Ц.Даваасүрэнд хандан асуулга тавьжээ.

Тэрээр асуулгадаа “Өнөөдрийн байдлаар Улаанбаатар хотын гэр хороололд 220 мянга орчим айл өрх байгаа бөгөөд жилд дунджаар 1.2 сая тонн түүхий нүүрс хэрэглэдэг гэсэн судалгаа бий. Түүхий нүүрсний хэрэглээг бүрэн халснаар жилд 600 мянган тонн шахмал түлш хэрэглэх тооцоо гарсан ба үүний үр дүнд утаа, агаарын бохирдол 50 хувиар буурна гэж үзэж байгаа.

Иймд Монгол Улсын Их хурлын тухай хуулийн 7 дугаар зүйлийн 7.1.13, мөн хуулийн 33 дугаар зүйлийн 33.1.2-т заасны дагуу УИХ-ын гишүүний бүрэн эрхийнхээ хүрээнд дараах асуулгыг тавьж байна. Үүнд:

1. “Таван толгой түлш” ХХК-ийн сайжруулсан түлшний үйлдвэрийн хүчин чадал, төлөвлөсөн норм, төлөвлөгөөний дагуу бүтээгдэхүүнээ үйлдвэрлэж чадаж байгаа эсэх, хэрхэн нөөцөлж, хадгалж байгаа талаар;

2. Хувийн хэвшлийн шахмал түлшний үйлдвэрүүдийг дэмжиж, чанартай бүтээгдэхүүн үйлдвэрлэхэд хэрхэн анхаарч байгаа;

3. Сайжруулсан шахмал түлшийг иргэдэд ямар үнэ өртөгөөр, хаана, хэрхэн түгээн борлуулж байгаа;

4. 2019 оны 05 дугаар сарын 15-ны өдрөөс эхлэн ахуйн зориулалтаар хэрэглэх түүхий нүүрс оруулахгүй байх, айл өрхүүдийн түүхий нүүрсний хэрэглээг хориглох шийдвэрийн хэрэгжилт, түүнд хэрхэн хяналт тавьж, ямар арга хэмжээ авч буй талаар;

5. Нийслэлд буй 3 мянга орчим нам даралтын зуухыг сайжруулсан шахмал түлшээр хэрхэн хангах талаар;

6. Сайжруулсан шахмал түлшийг агаарын бохирдол ихтэй бусад аймаг, орон нутагт үйлдвэрлэх, түгээх, хэрэглээнд нэвтрүүлэх нөөц боломж байгаа эсэх, энэ талаар авч хэрэгжүүлж байгаа бодлого, төлөвлөлтийн талаар;

7. Олон нийтийн дунд сайжруулсан шахмал түлш илч багатай, утаа тортог ихтэй, чанаргүй байна гэсэн санал гомдол гарч, энэ тухай хэвлэл мэдээллийн хэрэгслээр цацагдаж буй мэдээлэл хэр бодитой эсэх;

8. Хуурамч шахмал түлш үйлдвэрлэж иргэдийг хохироосон гэмт үйлдэлд ямар хариуцлага тооцсон, иргэдэд энэ талаарх сэрэмжлүүлэг мэдээллийг хэрхэн өгч байгаа талаар тодорхой дэлгэрэнгүй хариулт ирүүлж, энэхүү асуулгын хариуг Улсын Их Хурлын чуулганы нэгдсэн хуралдаанд танилцуулахыг хүссэн байна.

Санал болгох

Хаалттай хуралдаан: Швейцарыг оффшор бүсийн жагсаалтаас хасав уу

Олон улсын эрэн сурвалжлах сэтгүүлчдийн нийгэмлэг улстөрчдийн оффшор бүсэд байгуулсан компани, хөрөнгийн хэмжээг Панамын болон Диваажингийн баримтуудаар дэлгэсэн. Үүнээс улбаалан 2016 оны сонгуулийн үр дүнд бүрэлдсэн УИХ Нийтийн албанд нийтийн болон хувийн хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт өөрчлөлт оруулж, төрийн албан тушаалтнуудыг оффшор бүсэд данс нээлгэх, мөнгөн хөрөнгө байршуулах, хөдлөх, үл хөдлөх хөрөнгө өмчлөх, хувь нийлүүлэх замаар хуулийн этгээд байгуулахыг хориглосон. Улмаар Засгийн газрын тогтоолоор Оффшор бүсэд хамаарах улсуудын жагсаалтыг гаргасан.

8 цагийн өмнө
“Web awards – 2019” наадмын тов гарлаа

Монголын сайтын холбоо, Харилцаа холбоо мэдээлэл технологийн газар, Монголын сэтгүүлчдийн нэгдсэн эвлэлээс хамтран Цахим салбарын шилдгүүдийг тодруулдаг “Web awards” наадам 12 сарын 30-нд болно. Тус наадмыг хоёр жилд нэг удаа зохион байгуулдгаараа онцлогтой бөгөөд цахим салбарынхны хүлээдэг оны тэргүүн наадам юм.

1 өдрийн өмнө
Төрийн банкны захирал Д.Баярсайханд хоёр жилийн ял оноолоо

Шүүгдэгч Сун Гуан Чин-д 2 жилийн хугацаагаар хорих ял, шүүгдэгч /Төрийн банкны захирал/ Д.Баярсайханд 2 жилийн хугацаагаар хорих ял оноож, Нийтийн албан тушаал эрхлэх эрхийг 4 жилийн хугацаагаар хассан байна. Д.Баярсайханыг БНХАУ-ын Шинжан Шинфан компанид хууль зөрчин 20 тэрбум төгрөгийн зээл зургаан сарын хугацаатайгаар олгосон бөгөөд зээл авсан компани зээлээ төлөөгүй талаар хэвлэлд удаа дараа бичиж байв.

1 өдрийн өмнө
Ардчилсан хувьсгалын 30 жилийн ойг тохиолдуулан Монгол Улсын Ерөнхийлөгч зарлиг гаргаж, Монгол Улсын гавьяат цол олголоо

Монгол Улсад хүмүүнлэг иргэний Ардчилсан нийгэм цогцлоон байгуулах, хадгалах, хамгаалах үйлсэд хувь нэмрээ оруулсан аж үйлдвэр, эрүүл мэнд, боловсрол, соёл урлаг, нийгэм, үйлчилгээний салбарын нэр бүхий хүмүүст өнөөдөр Төрийн ордны Ёслол хүндэтгэлийн Их танхимд Монгол Улсын гавьяат цол хүртээв.

1 өдрийн өмнө