СЭЗИС-ийн Тасралтгүй боловсролын төв нээлтээ хийлээ

2019 оны 10 сарын 72019-10-07

Энтерпренёр их сургууль болох стратеги зорилтынхоо хүрээнд 95 жилийн түүхтэй Санхүү Эдийн засгийн их сургууль Платформд суурилсан боловсролын нэг цэгийн үйлчилгээг үзүүлэх, дижитал шилжилтэд манлайлах боловсон хүчнийг төрүүлэх  зорилготойгоор  "Тасралтгүй боловсролын төв"-ийг энэ сарын 04-ний өдөр  албан ёсоор нээлээ.

Нээлтийн ёслолын үйл ажиллагаа СЭЗИС-ийн Ректор Б.Мөнхбаяр нээж үг хэлснээр эхэлсэн бөгөөд БСШУЯ, Монгол банк, AmCham Mongolia, АНУ-ын Элчин Сайдын яам зэрэг төр, хувийн хэвшил, олон улсын болон бизнесийн байгууллагуудын төлөөлөл хүрэлцэн ирсэн юм. Тэдгээрээс өнөөдрийн нээлтийн ёслолын үеэр "Тасралтгүй боловсролын төв" нь Эрдэнэс Тавантолгой, Зээлийн Батлан Даалтын сан, "МИГ" даатгалтай хамтын ажиллагааны санамж бичигт гарын үсэг зурав.

Техник, технологийн хөгжлийг даган дэлхийн улс орнууд дижитал хөгжилд хөл нийлүүлэн алхаж байна. Тухайлбал, БНХАУ, Сингапур зэрэг Азийн орнууд сургуулийн өмнөх боловсролын системд роботуудыг нэвтрүүлэн, туршихын зэрэгцээ дэлхийн эдийн засгийн форумаас 2030 он гэхэд нийт ажлын байрны 50 хувь нь үгүй болно гэдгийг зарласан удаатай. Энэ мэтчилэн өөрчлөгдөн шинэчлэгдэж буй өнөө үед бидний эзэмшсэн мэдлэг гурван жилийн дотор байтугай гурав хоногийн дотор хуучирч байгааг судлаачид онцлох болов. Иймээс хувь хүн, байгууллага зах зээлд тэсч үлдэхийн тулд тасралтгүй хөгжиж, өөрчлөлтөд бэлэн байж, түүнд дасан зохицож, өрсөлдөх чадвараа нэмэгдүүлэх шаардлага тулгарч байна. Үүний нэг гарц нь "Тасралтгүй боловсролын төв" юм.

  •  
  •  
  •  
  •  
  •  

Тус Тасралтгүй Боловсролын Төв нь өөрийн алсын хараа, эрхэм зорилгын хүрээнд улирал тутам бизнесийн тухайн нэг салбарын онцлох чиг хандлага, технологийн хөгжлийг танилцуулж, оролцогч талуудын шилдэг туршлагыг хуваалцах, бүтээлч сүлжээг бий болгох арга хэмжээ болох UFE EXECUTIVE PLATFORM, гадаадад хийх танилцах аялал, EXTRAPRENEUR болон ENTERPRENEURSHIP хөтөлбөр, СЭЗИС-ийн ийн Мастер болон Бакалаврын зэрэг олгох шаталсан болон хамтарсан хөтөлбөрүүд хийгээд бусад захиалгат сургалт, зөвлөх үйлчилгээг харилцагч нартаа санал болгож байгаа юм байна.

Тасралтгүй боловсролын төвөөс ойрын хугацаанд зохион байгуулах гэж буй арга хэмжээг дурдвал,  “Санхүүжилт босгох стратеги” сэдэвт UFE EXECUTIVE PLATFORM-ыг “Corporate Convention Center”-т  2019 оны аравдугаар сарын 14-ний өдөр болох юм байна. Энэхүү арга хэмжээнд дээрх сэдвийн хүрээнд олон улсад хүлээн зөвшөөрөгдсөн экспертүүд ирж сонирхолтой лекц уншихаас гадна макро болон микро түвшинд панел хэлэлцүүлгүүд болох ажээ. Мөн энэ арга хэмжээний үеэр гарааны бизнес эрхлэгчид шаркуудад бизнесийн төслөө танилцуулж, хөрөнгө босгох боломжийг олгож байгаагаараа онцлог болох юм байна.

Санал болгох

“Алтай констракшн”-ы Х.Бат-Эрдэнийг цагдан хорьжээ

АТГ-аас Х.Бат-Эрдэнийг Хөгжлийн банктай холбоотой асуудлаар шалгаж буй гэнэ. Тодруулбал, түүнийг хамаарал бүхий хүмүүсийн үүсгэн байгуулсан “Монгол драй милк” компани дотоодын зах зээлийг хуурай сүүгээр бүрэн хангаж, экспортлох төсөл хэрэгжүүлэхээр Хөгжлийн банкнаас 47 тэрбум төгрөгийн зээл авсан байдаг.

13 цагийн өмнө
Олны танил эрхмүүдийн хорин нас

Надад ирсэн, надад байсан, надаас явсан хорин нас...

14 цагийн өмнө
Үүргээ биелүүлээгүй төлөөлөгчийг тойргын сонгогчид нь олонхоор эргүүлэн татах боломжтой болно

Тухайлбал, орон нутгийн хөгжилд эдийн засаг, санхүүжилт гол асуудал байдаг тул  орон нутгийн ажил, үүргийг санхүүжилттэй нь холбож өгөхийн зэрэгцээ нутгийн өөрөө удирдах ёсны ашиг сонирхлыг хамгаалах механизмыг шинээр бий болгож, Төлөөлөгчийн үүргээ биелүүлээгүй гэсэн үндэслэлээр тухайн тойргийн сонгогчдын олонхын саналаар эргүүлэн татах зэрэг шинэлэг зохицуулалтыг тусгасан гэж байлаа. 

14 цагийн өмнө
“Хүчирхэг охид-Хүчирхэг улс" аппликэйшн үнэгүй татаж, хүүхэдтэйгээ ярилцаарай

Засгийн газрын хэрэгжүүлэгч агентлтаг Гэр бүл, Хүүхэд, Залуучуудын хөгжлийн газар  “Хөөрхөн зүрх” ТББ хамтран хүүхэд, өсвөр насны охид, хөвгүүд, залуу эмэгтэйчүүдийн бүх төрлийн бэлгийн хүчирхийллээс урьдчилан сэргийлэх, тэднийг хүчирхэгжүүлэх зорилгоор “ХҮЧИРХЭГ ОХИД-ХҮЧИРХЭГ УЛС” хөтөлбөрийг хэрэгжүүлж байгаа билээ.

15 цагийн өмнө