Хохирогч С: "Амиа хорлосон болгоод алчихна шүү” гэж сүрдүүлдэг

5
2019 оны 10 сарын 92019-10-09
Хохирогч С: "Амиа хорлосон болгоод алчихна шүү” гэж сүрдүүлдэг


29 настай эмэгтэй С нь 10 жилийн сургуулиа төгсөөд О гэгчтэй гэр бүл зохиожээ. Нөхөр  нь прокурор мэргэжилтэй, өмгөөлөгчөөр ажилладаг нэгэн. Тэд дундаасаа 2-7 насны 3 хүүхэдтэй бөгөөд байнгын хүчирхийллийн дор 10 жил амьдарсан харамсалтай хэргийг бид сурвалжиллаа.

Хүчирхийлэлд өрстөн ч өдийг хүртэл дуугүй явсан шалтгаан нь нөхөр нь хуулийн мэдлэгтэй, хүчний байгууллагад танил талтай учраас эмэгтэй өнөөдрийг болтол гэр бүлийн хүчирхийлэлд өртдөг тухайгаа цагдаагийн байгууллагад мэдэгдэхгүй, нууж ирсэн байна.

Эхлээд түүнийг хардаж зоддог байсан бол сүүлдээ тодорхойгүй шалтгаанаар тогтмол гар хүрдэг болж. Цөхөрсөн эмэгтэй сална гэхэд нөхөр нь холбоо сүлбээгээ ашиглаад чамайг нэг ч алхуулахгүй, “амиа хорлосон болгоод алчихна шүү” хэмээн сүрдүүлэх болжээ.

Энэ талаар хохирогч С “Намайг хашгирах гэхээр ам таглаж байгаад зоддог. Өөрөө л уурлаад хамаг юм аа авч шидээд байдаг. Хүн орж ирээд юу болоод байна гэж асуухаар Манай эхнэр хамаг юм аа авч шидээд байна гэж худал хэлдэг. Тэр хүн гараад явмагц үсдээд хана мөргүүлж зоддог. Бас хүнийг хаана нь зодвол ил гэмтэл учруулахгүй байх вэ гэдгээ их сайн мэддэг.

Нэг удаа үсдүүлж хананд савуулж зоддуулснаас болж  чихний хэнгэрэг цоорч сонсголын чадвар нь эрс мууджээ. Түүнчлэн байнгын айдастай байдгаас үүдэж зүрхний хэм алдагдах өвчтэй болсон” хэмээн нулимс дуслуулан ярив.

Хүчирхийлэл үйлдсэн О зөвхөн эхнэрээ биш 3 хүүхдээ шөнө дунд босгож дарамталдаг, зоддог болохыг тэрээр хэлж байна. Хамгийн харгис нь тэрээр 10 жилийн хугацаанд 9 удаа үр хөндүүлсэн байна.

Цагдаагийн байгууллагаас Зөрчлийн хэрэг үүсгэж шалгаж байгаа. Шүүх шинжилгээгээр байнгын хүчирхийлэлд өртөж байсан нь тодорхой болвол эрүүгийн хэрэг үүсгэнэ гэв. Гэхдээ шинжилгээний хариу хүртэл хүчирхийлэгч сул чөлөөтэй байна. Нөхрөө цагдаад бариад өгчихсөн эмэгтэйд ямар ч эрсдэл тулгарч магадгүй гэсэн үг.

Дээрх жишээний хувьд хүүхдүүдийг хамгаалах байранд авах байтугай, нөхөрт хуулийн ямар нэг хариуцлага тооцохгүй явуулжээ.  Манай улсад энэ мэтээр гэр бүлийн хүчирхийллийн хууль сул нь хохирогчийг дахин хохироох эрсдэлтэй нөхцлийг дагуулдаг.

Хоригдож гарч ирсэн хүчирхийлэгч дахин хүчирхийлэл үйлдэх, тамлах сэдлийг төрүүлдэг. Баримт сөхвөл  Эмэгтэйчүүдийн хорих ангид хоригдож байгаа эмэгтэйчүүдийн 60 орчим хувь нь гэр бүлийн хүчирхийллээс үүдэж, эцсийн мөчид өөрийгөө хамгаалах үед бусдын аминд хүрсэн байдаг байна Хохирогчийг хамгаалах тогтолцоо бэхжээгүй сул талтай.

Санал болгох

Үндэсний их баяр наадмын хязаалан насны морьдын уралдааныг хойшлууллаа

Мөн Төв аймагт Хязаалан, Шүдлэн насны хурдан морины өнөөдрийн уралдааны гарааны зурхайд гарах цагийг тодорхойгүй хугацаагаар хойшлуулж байгааг Төв аймгийн баяр наадмын Хурдан морины уралдаан зохион байгуулах салбар хорооноос мэдэгджээ. 

9 цагийн өмнө
Үндэсний их баяр наадмын ХӨТӨЛБӨР

Тулгар төрийн 2229, Их Монгол Улсын 814, Ардын хувьсгалын 99 жилийн ой, Үндэсний их баяр наадмын хөтөлбөрийг хүргэж байна. 

9 цагийн өмнө
Наадмын өдрүүдэд Нарантуул, Хархорин, Да хүрээ зэрэг худалдааны төвүүд амарна

Энэ жил Нарантуул, Хархорин, Да хүрээ зэрэг худалдааны төв наадмын өдрүүдэд буюу долдугаар сарын 11-15-нд амарч, 16-наас эхлэн ердийн цагийн хуваарир ажиллахаар болжээ. Харин Бөмбөгөр худалдааны төв хамгийн урт хугацаанд амрах бөгөөд энэ сарын 11-20-нд амрахаар төлөвлөсөн байна. Үндэсний их баяр наадмын өдрүүдэд томоохон сүлжээ дэлгүүрүүд амрахгүйгээр, ердийн цагийн хуваариар ажиллах юм.

9 цагийн өмнө
СЭРЭМЖЛҮҮЛЭГ: Наадмын өдрүүдэд дуу цахилгаантай бороотой

Цаг уурын байгууллагаас ирүүлсэн мэдээллээр баяр, наадмын өдрүүдээр буюу 7 дугаар сарын 10-нд төв, зүүн аймгуудын ихэнх нутаг, баруун болон говийн аймгуудын нутгийн зарим газраар 11, 12-нд баруун болон зүүн аймгуудын ихэнх нутаг, төв, говийн аймгуудын нутгийн зарим газраар, 13-нд ихэнх нутгаар дуу цахилгаантай, бороо орох төлөвтэй байна.

10 цагийн өмнө