Зүүн хойд Азийн байгаль орчны ахлах албан тушаалтнууд хуралдаж байна

2019 оны 10 сарын 92019-10-09
Зүүн хойд Азийн байгаль орчны ахлах албан тушаалтнууд хуралдаж байна

Байгаль орчин, аялал жуулчлалын яам НҮБ-ын Ази, Номхон далайн нийгэм, эдийн засгийн Комисс (АНДНЭЗК)-ын  Зүүн, Зүүн хойд Ази (ЗЗХА)-ийн бүсийн Байгаль орчны хамтын ажиллагааны хөтөлбөрийн Ахлах албан тушаалтнуудын 23 дугаар уулзалтыг   Улаанбаатар хотноо зохион байгуулж байна.

НҮБ-ын Ази, Номхон далайн нийгэм, эдийн засгийн Комисс (АНДНЭЗК)-ын  Зүүн, Зүүн хойд Ази (ЗЗХА)-ийн бүсийн Байгаль орчны хамтын ажиллагааны хөтөлбөр нь 1993 оноос эхлэн Засгийн газар хоорондын байгаль орчны салбар дахь хамтын ажиллагааны механизм болон хэрэгжиж байгаа бөгөөд Монгол Улс 4 дэх удаагаа эх орондоо хүлээн авч зохион байгуулж буй аж.

Энэ үеэр Байгаль орчин, аялал жуулчлалын сайд Н.Цэрэнбат бүс нутгийн хэмжээнд Хил дамнасан агаарын бохирдол, цөлжилт, шар шороон шуурга, Хил орчмын байгаль орчныг хамгаалах, далай тэнгисийн тусгай хамгаалалттай газар, зэрлэг амьтдыг хамгаалах, ногоон эдийн засаг хөгжил зэрэг асуудлуудыг хэлэлцэж буйг онцлов.

Түүнчлэн тэрбээр  уулзалтад ирсэн ахлах албан тушаалтнуудад хандан Монгол Улсаас 9 дүгээр сарын 23-28-ны өдрүүдэд зохион байгуулсан Төв болон зүүн хойд азийн зэрлэг амьтны асуудлаарх долоо хоногийн арга хэмжээний талаар танилцуулж  дэмжиж ажиллахыг хүслээ.

Тус уулзалтанд Япон, Хятад, БНСУ, ОХУ зэрэг улсаас 20 орчим  төлөөлөгч, дэд бүс нутгийн хүрээнд хамтран ажилладаг 4 Олон улсын байгууллагын  төлөөлөгчид болон  Монгол Улсын Засгийн газрын төлөөлөн 30 гаруй  хүн оролцож байна.

 

Санал болгох

Сонгуулийн сурталчилгааны үеэр мөрдөх "Түр журам" боловсруулжээ

УИХ-ын 2020 оны сонгууль  сурталчилгааны үед коронавируст халдварын цар тахлаас урьдчилан сэргийлэх хүрээнд нэр дэвшигчид, сонгуулийн штабын ажилчид болон ард иргэд нийтээр дагаж мөрдөх тус түр журмыг 8 зүйл 50 заалттайгаар боловсруулаад байгаа аж.

9 цагийн өмнө
Н.Энхбаяр: Би сонгуульд нэр дэвших бүрэн эрхтэй

УИХ-ын 2020 оны ээлжит сонгуульд МАХН болон ИЗЗН, Уламжлалт нэгдсэн нам нэгдэж, "Та бидний эвсэл" байгуулан оролцож байгаа билээ. Сонгуулийн тухай хуульд зааснаар МАХН-ын дарга Н.Энхбаяр нэр дэвших боломжгүй болсон. Гэтэл тэрээр өөрийгөө нэр дэвших бүрэн эрхтэй талаараа мэдээллээ. 

10 цагийн өмнө
Монгол Улсын Үндсэн хуульд оруулсан нэмэлт, өөрчлөлт мөрдөгдөж эхэлснийг мэдээллээ

Улсын Их Хурлын чуулганы 2019 оны 11 дүгээр сарын 14-ний өдрийн хуралдаанаар баталсан Монгол Улсын Үндсэн хуульд оруулсан нэмэлт, өөрчлөлт өнөөдөр /2020.05.25/ 12.00 цагт буюу XVII жарны төмөр хулгана жилийн зуны тэргүүн сарын шинийн 3-ны өдрийн морин цагаас эхлэн хүчин төгөлдөр болж, мөрдөгдөж эхэллээ.

11 цагийн өмнө
Инфографик: Монгол Улсын Үндсэн хуульд оруулсан нэмэлт, өөрчлөлт өнөөдрөөс албан ёсоор хүчин төгөлдөр мөрдөгдөж эхэллээ

Уг нэмэлт, өөрчлөлтийг өнөөдрөөс буюу 2020 оны тавдугаар сарын 25-ны өдрийн 12 цаг буюу арван долдугаар жарны төмөр хулгана жилийн зуны тэргүүн сарын шинийн гуравны өдрийн морин цагаас эхлэн улс орон даяар дагаж мөрдөж эхэллээ. 

11 цагийн өмнө