Н. Сугар
Сэтгүүлч

З.Баянсэлэнгийг дүүгийнх нь оршуулгад оролцуулахыг ХЭҮК-ын дарга шүүгчээс хүслээ

12
2019 оны 10 сарын 312019-10-31
З.Баянсэлэнгийг дүүгийнх нь оршуулгад оролцуулахыг ХЭҮК-ын дарга шүүгчээс хүслээ

 

Төрийн банкны ерөнхий захирал Д.Баярсайхан, өмнөх парламентын үед Барилга хот байгуулалтын сайдаар ажиллаж байсан З.Баянсэлэнгэ нарт холбогдох хэргийг ТЕГ, АТГ, ЭЦА-ны хамтарсан ажлын хэсэг нэгтгэн шалгасан. Ингээд тэднийг яллагдагчаар татан, хэргийг Чингэлтэй дүүргийн эрүүгийн хэргийн анхан шатны шүүхэд шилжүүлсэн юм.

З.Баянсэлэнгийг аравдугаар сарын 21-нд ШШГЕГ-ын Цагдан хорих 461 дүгээр ангид хорьсон бөгөөд одоог хүртэл суллаагүй байгаа. Түүнийг хорьсноос тав хоногийн дараа буюу энэ сарын 26-нд төрсөн дүү нь нас баржээ. Маргааш дүүгийнх нь оршуулгын ажилд оролцуулах хүсэлтийг З.Баянсэлэнгийн өмгөөлөгч Л.Мөнхсайхан, охин Т нараас Хүний эрхийн үндэсний комиссын дарга Ж.Бямбадоржид хүргүүлжээ. Энэхүү хүсэлтийг ёсоор болгохыг хүсч гавьяат хуульч Ж.Бямбадорж Чингэлтэй дүүргийн Эрүүгийн хэргийн анхан шатны шүүхийн шүүгч Б.Халиунд өнөөдөр албан бичиг хүргүүлсэн байна.

Маш нууцын тамгатай энэхүү хэргийн талаар тодорхой мэдээлэл хэвлэлд гараагүй. Гэхдээ З.Баянсэлэнгэ болон БХБЯ-ны мэргэжилтэн М.Болортуяа нарт холбогдох албан тушаалаа урвуулан ашигласан хэргийг Сонгинохайрхан дүүргийн Эрүүгийн хэргийн анхан шатны шүүх өнгөрсөн жил хэлэлцэн шийдвэрлэж ял шийтгэсэн ч Дээд шүүхээс хэргийг нь дахин шалгуулахаар буцаасан юм. Улмаар М.Болортуяагийн өөр нэг үйлдэл нь Төрийн банкны захирлуудын хэрэгтэй холбогдсон учраас тагнуулын байгууллагад маш нууц байдалд шалгасан Д.Баярсайхан нарт холбогдох үйлдэлтэй нэгтгэн НПГ-аас яллах дүгнэлт үйлдсэн аж. Тус банкны ерөнхий захирал Д.Баярсайханыг 2016-2017 онд банкны Зээлийн ерөнхий хорооны даргаар ажиллаж байхдаа 2017 оны зургадугаар сарын 23-нд 55/01 дугаартай шийдвэр гаргаж, БНХАУ-ын “Шинжан шинфан” компанид 20 тэрбум төгрөгийн зээл зургаан сарын хугацаатай олгосон.

Эргэн төлөгдөх хугацаа 2017 оны арванхоёрдугаар сарын 22-нд дууссан ч дээрх компани зээлээ төлөөгүй. Уг зээлийг олгохдоо Д.Баярсайхан Банкны тухай болон өөр нэг бус хууль зөрчсөн хэрэгт холбогдуулан ТЕГ-ын Мөрдөн байцаах газарт шалгасан юм. Мөн Төрийн банканд гүйцэтгэх захирлаар ажиллаж байсан Б.Цэндсүрэн, өнөөгийн удирдлагын багт нь багтсан тэргүүн дэд захирал Д.Ганбаатар нарыг 4.7 тэрбум төгрөгийн зээл олгохдоо эрх мэдэл албан тушаалаа урвуулж, 98 000 ам.доллар авч, тавилга, бусад эд зүйл хувьдаа авсан хэрэгт буруутгасан байдаг. Эдгээр хэргийг нэгтгэн НПГ-ын хоёр ч прокурор яллах дүгнэлт үйлдсэн аж. Дээр нэр дурдсан таван хүнээс гадна яллагдагчаар Ц.Энхтунгалаг, Ж.Бурмаа, Л.Чинбат, Г.Тогтохбаатар, Б.Эрдэнэбаатар болон “Шинжан шинфан” ХХК-д эрх бүхий албан тушаал хашдаг Сун Гуан Чин нарыг татсан” гэх мэдээлэл хэвлэлд бичигдсэн юм.

 

Санал болгох

Аравдугаар сард чуулганаар 24 хууль тогтоомжийн төслийг хэлэлцэнэ

Монгол Улсын Их Хурлын дарга Г.Занданшатар захирамж гаргаж, 2021 оны намрын ээлжит чуулганаар, аравдугаар сард хэлэлцэх асуудлын дараалал тогтоосон байна.

2 өдрийн өмнө
ҮХЦ Ерөнхийлөгч У.Хүрэлсүхийн хүсэлтийг хүлээн авчээ

Үндсэн хуулийн цэцийн Их суудлын хуралдаан өнөөдөр болсон. Ерөнхийлөгч асан Х.Баттулга Авлигын эсрэг хуульд өөрчлөлт оруулах тухай, Монгол Улсын шүүхийн тухай, Засаг захиргаа, нутаг дэвсгэрийн нэгж, түүний удирдлагын тухай хуулиуд Үндсэн хууль зөрчсөн эсэхийг хянан шалгуулахаар Үндсэн хууль зөрчсөн хэмээн цэцэд хүсэлт гаргаж байсан. Харин Ерөнхийлөгч У.Хүрэлсүх энэ хүсэлтийг буцаан татах хүсэлт гаргасан юм. Өнөөдөр энэ асуудлыг хэлэлцэж хүсэлтийг хүлээн авчээ.

2 өдрийн өмнө
Нийслэлийн 20 жилийн хөгжлийг тодорхойлоход иргэдээс санал авна

Нийслэлийн Засаг дарга бөгөөд Улаанбаатар хотын Захирагч Д.Сумъяабазар болон нийслэлийн удирдлагын баг “Нээлттэй Улаанбаатар” хэвлэлийн хурлыг тогтмол зохион байгуулж байгаа. Тэгвэл өнөөдөр тус хурал болж, өвөлжилтийн бэлтгэл, Улаанбаатар хотыг 2040 он хүртэл хөгжүүлэх мастер төлөвлөгөө, “Намрын ногоон өдрүүд” арга хэмжээ болон цаг үеийн асуудлаар  мэдээлэл хийлээ.  

2 өдрийн өмнө
Нийслэлийн шүүхийн шийдвэр гүйцэтгэх газарт голомт үүссэн тул маргааш ажиллахгүй

​ Нийслэлийн шүүхийн шийдвэр гүйцэтгэх газрын байранд удаа дараа халдварыг эерэг тохиолдол бүртгэгдэж, голомт болсон тул маргааш ажиллахгүй болсноо мэдэгдлээ. Энэ хугацаанд ариутгал, халдваргүйтгэл хийх юм байна. Ажилтнууд болон иргэдийг нэвтрүүлэхгүй, гүйцэтгэх хуудас болон өргөдөл гомдлыг цахим хаяг, шуудангаар хүлээн авна гэлээ.  ​

3 өдрийн өмнө