Н. Сугар
Сэтгүүлч

Азийн эрдэмтэд агаарын бохирдлын асуудлаар Улаанбаатарт чуулж байна

2019 оны 10 сарын 292019-10-29
Азийн эрдэмтэд агаарын бохирдлын асуудлаар Улаанбаатарт чуулж байна

Азийн хот, суурин газрын агаарын бохирдлын эх, хүүхдийн эрүүл мэндэд үзүүлэх нөлөөг бууруулах шинжлэх ухаан, бодлогын хэлэлцүүлэг өнөөдөр Туушин зочид буудлын Соёмбо хурлын танхимд эхэллээ. Эрүүл мэндийн яам, нийслэлийн ЗДТГ, НҮБ-ын Хүүхдийн сангийн  Швейцарын хөгжлийн агентлаг хамтран зохион байгуулж буй уг хуралд Азийн орнуудын эрдэмтэн судлаачид, агаарын бохирдлын чиглэлээр үйл ажиллагаа явуулдаг олон улсын судалгааны хүрээлэн, иргэний нийгэм, хувийн хэвшлийн 150 гаруй төлөөлөл оролцож байна.

“Агаарын бохирдлыг бууруулахад байгаль орчин, эрчим хүч, боловсрол, барилга хот байгуулалт, Засгийн газар, нийслэлийн удирдлагууд, иргэд аж ахуйн нэгжүүдийн хамтын ажиллагаа нэн чухал. Хоёр дахь удаагаа чуулж байгаа Азийн орнуудын хэлэлцүүлэг агаарын бохирдлын эх, хүүхдийн эрүүл мэндэд үзүүлэх нөлөөг бууруулахад чухал нөлөө үзүүлнэ гэдэгт итгэлтэй байна” хэмээн Эрүүл мэндийн сайд Д.Сарангэрэл нээлтийн үгэндээ дурдлаа.

Энэхүү хэлэлцүүлгээр нөхцөл байдлыг тодорхойлж, тулгамдаж буй асуудлуудыг шийдвэрлэх, агаарын бохирдлыг бууруулах болон эрүүл мэндэд үзүүлэх нөлөөллийг бууруулахад чиглэсэн арга хэмжээг хэрэгжүүлэх, агаарын бохирдлыг бууруулж байгаа улс орнуудтай туршлага солилцох зэрэг сэдвийн хүрээнд Лос Анжелес, БНХАУ дахь Хүүхдийн сан, Пакистан, Бангладеш, НҮБ-ын Хүүхдийн сангийн Зүүн Ази болон Австрали улсын Мурдокийн хүүхдийн судалгааны хүрээлэнгийн төлөөлөгч нар илтгэл тавьж, санал дүгнэлт дэвшүүлэх аж.

Нийслэлийн Агаар, орчны бохирдлын асуудал хариуцсан төслүүдийн удирдагч Д.Мөнхжаргал нийслэл хотод агаарын бохирдлыг бууруулахаар хэрэгжүүлж буй ажлуудыг товч дурьдаад, агаарын бохирдлоос үүдэлтэй эх хүүхдийн эндэгдлийг бууруулах төсөл хөтөлбөр хэрэгжүүлж байгаа талаар танилцуулга хийлээ. Тэрбээр “Эх хүүхдийн эрүүл мэндэд агаарын бохирдол үзүүлэх нөлөө” төсөл хөтөлбөрийг Баянзүрх дүүрэгт хэрэгжүүлсэн. Төслийн үр дүнд бага насны хүүхдийн эндэгдэл хоёр дахин буурсан үзүүлэлт гарсан. Цаашид энэхүү төслийг Сонгинохайрхан дүүрэгт үргэлжлүүлэн хэрэгжүүлэхээр ажиллаж байна”  хэмээлээ.

Хоёр өдөр үргэлжлэх хэлэлцүүлгээс агаарын бохирдлын эх хүүхдийн эрүүл мэндэд учруулж байгаа сөрөг нөлөө, нийгэм, эдийн засгийн үр дагавар, бохирдлыг бууруулах төсөл хөтөлбөрүүдийг хэлэлцэж, үр дүнтэй арга хэмжээг хэрэгжүүлэх хөрөнгө оруулалтыг нэмэгдүүлэх талаар хэлэлцэх юм байна.

Санал болгох

Орон даяар камерийн нэгдсэн систем нэвтрүүлэхэд төсвийн дэмжлэг хүсэв

Цаашид үйлчилгээний төрлийг нэмэгдүүлж өргөжүүлэх хэд хэдэн төсөл боловсруулж, санхүүжилтийг шийдвэрлүүлэхээр ажиллаж байгаа аж. Тухайлвал 101, 102, 103- ын аюул ослын дуудлагыг хялбаршуулж, дуудлага өгсөн иргэний хамгийн ойр, харьяалах хэсэгт дуудлагыг шилжүүлэхэд технологийн нэмэлт шийдэл нэвтрүүлэхэд 800 орчим сая төгрөгийн хөрөнгө оруулалт шаардагдах аж.

12 цагийн өмнө
Өндөржүүлсэн бэлэн байдлын зэрэгт шилжүүлсэн хугацааг он дуустал сунгав

Засгийн газрын ээлжит хуралдаан 2020 оны 10 дугаар сарын 28-ны өдөр болж дараах асуудлуудыг хэлэлцэн шийдвэрлэлээ.

13 цагийн өмнө
“Эрдэнэт үйлдвэр”-т тогтоосон онцгой дэглэмийг үргэлжүүлэх эсэхийг Засгийн газрын өнөөдрийн хуралдаанаар шийдвэрлэнэ

Засгийн газрын ээлжит хурал болж байна. Хурлаар Улсын онцгой комиссын хуралдааны шийдвэр болох Өндөржүүлсэн бэлэн байдлыг 12 дугаар сарын 31-нийг хүртэл сунгах асуудлыг эцэслэн шийдвэрлэнэ. 

15 цагийн өмнө