Тосгоны галын албаны дарга олон удаа санаатай гал тавьсан хэргээр баривчлагджээ

2019 оны 11 сарын 82019-11-08
Тосгоны галын албаны дарга олон удаа санаатай гал тавьсан хэргээр баривчлагджээ

ОХУ-ын Сибирийн баруун хэсэг буюу Хакасын БНУ-д байрлах Балыкса гэх жижиг тосгонд сүүлийн 2 сар орчмын хугацаанд олон удаа гал түймэр гарсан байна. Эндээс үүдэн олон хүн эд материалын хохирол амсжээ.

Энэ тосгон харьцангуй жижиг буюу ердөө 2000 хүнтэй бөгөөд ийм ноцтой үзэгдэл гарсан мөрөөр шалгаж үзтэл гал хамгаалах албаны дарга нь санаатайгаар гал тавьж байсныг тогтоожээ.

Тодруулбал, хяналтын камерын бичлэгийг үзэхэд тосгоны 26 настай галын хамгаалах албаны дарга нь гал тавьж байгаа бичлэг үлдсэн байжээ. Ердөө сүүлийн хоёр сарын хугацаанд нийт 5 удаа гал тавьсан байна.

Үүнийгээ тэрээр өөрийнхөө албаны ажилтнуудын бэлэн байдлыг шалгах зорилготой байсан гэж тайлбарлаж байна. Энэ үйл явдалд тосгоныхон цочирдож, Оросын хэвлэлүүдээр энэ мэдээллийг онцлон бичиж байна.

Мөн зарим эх сурвалжууд энэ залууд өмнө нь хулгайн гэмт хэрэгт холбогдож байсан талаар баримтуудыг гарган тавьсаар байна.

 

https://www.rt.com/russia/472843-fire-chief-arsonist-russia/

 

Санал болгох

ЭМЯ: Шинэ коронавирусийн халдварын эрсдэлийн зэрэглэл “Дунд” гэж дүгнэж байна

Шинэ коронавируст халдварын нөхцөл байдлын шинэчлэгдсэн мэдээлэл 2020.01.24-ний өдрийн 0800 цагийн байдлаар

3 өдрийн өмнө
Ж.Коизүми: Миний хүү цөмийн эрчим хүчнээс татгалзахад түлхэц үзүүлж чадна

Одоогийн Ерөнхий сайд Шинзо Абэгийн залгамжлагч хэмээгдээд буй Коизүми Жүничиро нь 4 дэх үеийн улс төрч юм

2 сарын өмнө